VLU Brackenhurst

’n Fantastiese uitstappie na die Adler Museum of Medicine! Ons toer was vol interessante stories oor die geskiedenis van medisyne – en David, ons gids, het dit met sy humor en entoesiasme nóg meer besonders gemaak. 🌿🩺📚”

Kongres, Meulstroom 2025

2025

September Byeenkoms – VLU Brackenhurst

Die tema van ons September-vergadering was Kuns. Ons lede is aangemoedig om hul kunswerke uit te stal – van handwerk tot gebottelde produkte – en dit het die saal gevul met kreatiwiteit en kleur.

’n Hoogtepunt van die dag was die deel van die geskiedenis van ons tak. Vir die lede wat al meer as 20 jaar betrokke is, was dit besonders spesiaal en nostalgies om saam terug te kyk en herinneringe te herleef.

VLU Brackenhurst het vandag sopmengsel in bottels uitgedeel by Silverkroon Ouetehuis as deel van ons omgee-projek.
’n Klein gebaar wat groot harte warm maak – letterlik én figuurlik! ❤️🍲
Baie dankie aan al ons lede wat bygedra het tot hierdie spesiale projek. 🌸

VLU Vergadering Augustus 2025

Tydens ons onlangse vergadering het ons met trots Taalmaand gevier – 'n geleentheid wat op ’n prettige en betekenisvolle manier deur ons voorsitter, Brenda, aangebied is.

Lede het deelgeneem aan ons kompetisie-artikels, en daar was ook opgewondenheid rondom die gelukkige trekking. Verder het ons saam feesgevier met die lede wat gedurende die maand verjaar het.

’n Spesiale dankie aan almal wat bygedra het tot ’n gesellige en suksesvolle dag!