Gen. Odawa Yusuf Rage

𝗠𝗔𝗛𝗔𝗗𝗡𝗔𝗤 𝗜𝗬𝗢 𝗗𝗔𝗥𝗗𝗔𝗔𝗥𝗔𝗡

Waxaa Mahad oo dhan u sugnaatay Allah SWT oo si qurux badan noogu soo dhameeyay xil wareejintii Taliska CXDS, sidoo kale waxaan rabaa in aan halkaan markale uga mahadceliyo kala na dardaarmo geesiyaasha Ciidanka XDS, waxaan leeyahay aad baad ugu mahadsantihiin la shaqeyntiinii hagar la’aanta aheyd ee gudashada waajibaadkeenna Qaran ee aan u dhaaranay, Waxaan idin leeyahay dadaalkiini sii laba jibaara, waxaad na ogaatiin in culeys kasta uu fudeyd ka dambeyn doono insha alaah.

Ugu dambeyn, waxaan rabaa in aan fariin iyo dardaaran aan u diro Shacabkeyga Soomaaliyeed ee wadaniyiinta ah ee aan aadka u jeclahay, walaalayaal waxaan diyaar u nahay in aan u dhimano, u dhaawacnno, una taagnaano habeen iyo maalin badqabkiina naf iyo maalba.
sidaas darteed,waxa uu ciidankiinu idinkaga baahanahay la shaqeyn buuxda iyo garab istaag, waayo adinka la’aantiin ma jirto wax u qabsoomi karo, runtii aad iyo aad ayaana ugu kalsoonahay wadaniyadiina iyo jaceylka aad u heysaan ciidankiina.

Mahadsanidiin..