Archer Design

ليه بنقول التشطيب "تأسيس" مش مجرد دهانات ونجف؟ 🛠️

من واقع المواقع اللي بنسلمها، فيه غلطة بشوفها بتتكرر كتير.. العميل بيبقى مركز جداً في شكل السيراميك اللي هيشتريه، وناسي تماماً المواسير اللي هتمشي تحته!

بصفتي مهندس، نصيحتي ليك في 3 نقط عشان متصرفش فلوسك مرتين:

1️⃣ السباكة مش مجال للفصال:
لما أقولك هات مواسير br او اي نوع من الانواع المحترمة والموثوقة واطلب فني الشركة ييجي يكبس المواسير ويديك شهادة ضمان، ده مش رفاهية. دي تأمين ليك ضد أي تسريب ممكن يدمر باركيه الريسبشن أو جارك اللي تحتك بعد سنة. التوفير هنا اسمه "مخاطرة".

2️⃣ فرش الكهرباء قبل التكسير:
أكبر غلطة بشوفها هي إننا نوزع البرايز ومفاتيح النور بشكل عشوائي. الصح؟ افرش شقتك "على الورق" الأول. اعرف السرير مكانه فين عشان "الكومودينو" ميسدش الفيشة، واعرف شاشة الـ 65 بوصة هتحتاج كام مخرج وراها عشان متلاقيش خراطيم ووصلات شكلها وحش في الآخر.

3️⃣ المحارة هي "مراية" الشقة:
لو المحارة مش مستلمة "تربيع وتأكيس" صح، هتتعب جداً وأنت بتركب السيراميك، وهتلاقي زوايا الغرف مش قائمة، وده بيبان جداً في فرش المطبخ تحديداً. اصرف وقت ومجهود في المحارة، هترتاح جداً في النقاشة والفنش.

الخلاصة:
التشطيب الناجح هو اللي "مستخبي" تحت الدهانات. لو التأسيس صح، أي ديكور هتحطه بعد كده هيطلع شكله محترم.

لو عندك سؤال في بند معين (كهرباء، سباكة، عزل) سيبه في كومنت وهرد عليك بالتفصيل من واقع الشغل. 🏗️

#تشطيبات #هندسة
Design

تعالي اقولك علي كذا حاجة تعملهم عشان الشكل السئ للشروخ ده ميظهرش
*-اساس المشكلة ممكن يكون ده تكمله حيطه ومفيش طرف رباط بين الطوب و ممكن يكون المحارة ولحل هذه المشكلة من بداية التأسيس تعالي اقولك علي كام حاجة تعملهم وانت بتشطب

*-لو مشكله بناء لازم تتأكد وتنبه علي الصنايعي الي شغال انه يعمل طرف رباط بين الطوب لزياده التماسك

*-طب لو مشكله محارة 👇
1-انك ترش مياه علي الحيطة قبل عمل المرمات
2-تكسير الحواف عشان المونه تمسك في المحيط كله
3-استخدام سلك شبك لعدم ظهور الشروخ في المستقبل
4-وضع مادة اديبوند 65 علي المونة تزيد من الصلابة
5-معالجة المرمات برش المياه علي الاقل لمده 3 ايام يوميا

#تشطيب #مودرن
#ديكور #فلل #عقارات #الشروق #مدينتي

لوحه من البساطة 🤍👌

#المقطم التشطيب الاقتصادي كما يجب ان يكون من تسليمات ما قبل العيد 🥰🤍