Yellow Training Center

Pyetësor për analizën e nevojave për trajnim – GOVER-NET / Erasmus +

Në kuadër të ngritjes së kapaciteteve për qeverisje pjesëmarrëse dhe inovacion në rrugët e arsimit dhe aftësimit profesional (AAP/VET), ftojmë institucionet publike, organizatat e shoqërisë civile dhe ofruesit e trajnimeve në Kosovë që të plotësojnë Pyetësorin për Analizën e Nevojave për Trajnim.

Ky pyetësor realizohet nga OJQ Yellow në kuadër të projektit GOVER-NET (Referenca: 101242723), i zbatuar përmes Programit Erasmus+.

Qëllimi i tij është të identifikojë kompetencat aktuale, sfidat dhe nevojat për trajnim në fushën e qeverisjes pjesëmarrëse, bashkëpunimit ndërmjet aktorëve dhe përmirësimit të shërbimeve publike lokale.

🕒 Plotësimi zgjat vetëm 10–15 minuta

🔒 Përgjigjet trajtohen me konfidencialitet të plotë

📍 Pyetësori zhvillohet në të gjithë territorin e Kosovës

Kontributi juaj është shumë i rëndësishëm për hartimin e aktiviteteve sa më relevante, gjithëpërfshirëse dhe të përshtatura me nevojat reale në kuadër të projektit.

🔗 Plotësoni pyetësorin këtu:

Pyetësor për analizën e nevojave për trajnim Ky pyetësor është pjesë e projektit GOVER-NET (Referenca: 101242723), i zbatuar në kuadër të Programit Erasmus+. GOVER-NET është një iniciativë transnacionale për ngritjen e kapaciteteve në fushat e arsimit dhe aftësimit profesional (AAP/VET) dhe qeverisjes pjesëmarrëse. Qëllimi i p...

📌 Njoftim mbi Certifikatat e Mbajtjes së Tatimit në Burim

Certifikata e Kontributit Pensional dhe Mbajtjes në Burim të Tatimit në Paga
Me këtë certifikatë janë të obliguar të pajisen të gjithë punëtorët, për të cilët gjatë vitit paraprak është bërë mbajtja e tatimit në burim nga paga.

🔔 Afati i përgatitjes:
Certifikata duhet të përgatitet dhe të jetë e gatshme jo më vonë se data 1 mars e vitit pasues.

📥 Si mund të sigurohet certifikata?
Certifikata mund të tërhiqet online përmes faqes zyrtare të Administratës Tatimore të Kosovës (ATK), në rubrikën:
👉 “Shkarko deklaratë elektronike”

Të dhënat që duhet të përmbajë certifikata:
🔹 Informatat e punëdhënësit
🔹 Informatat e të punësuarit

Udhëzime për plotësimin e kolonave kryesore:
Kolona 12: Periudha tatimore (p.sh. 01–12/2025)
Kolona 13: Të gjitha të ardhurat bruto të realizuara gjatë periudhës tatimore
(paga, mëditje, bonuse dhe çdo formë tjetër kompensimi)
Kolona 14 & 15: Kontributet pensionale të paguara
Kolona 16: Tatimi i mbajtur në burim dhe i paguar.

Ky dokument është i rëndësishëm për transparencë tatimore dhe përmbushje të obligimeve ligjore ndaj punëtorëve dhe institucioneve përkatëse.

Në rast të paqartësive shtesë, rekomandohet konsultimi me kontabilistin ose me Administratën Tatimore të Kosovës.