BRAN - Bashkimi Rinor e Ardhmja e Ndritur

𝐓𝐡𝐢𝐫𝐫𝐣𝐞 𝐩𝐞̈𝐫 𝐕𝐮𝐥𝐥𝐧𝐞𝐭𝐚𝐫𝐞̈

𝑷𝒆̈𝒓𝒎𝒃𝒍𝒆𝒅𝒉𝒋𝒆 𝒆 𝑷𝒓𝒐𝒋𝒆𝒌𝒕𝒊𝒕:
Bashkimi Rinor – E Ardhmja e Ndritur po fillon një aktivitet në kuadër të projektit Nisma për të Drejtën e Pronës (NDP), për të vlerësuar nivelet e ndërgjegjësimit në lidhje me regjistrimin e pronës dhe për të bashkëbiseduar me qytetaret mbi mekanizmat në dispozicion për të zgjidhur dhe lehtësuar çështjet e mundshme të pronës në Komunen e Ferizajt.

Projekti Nisma për të Drejtën e Pronës (NDP), zbatohet nga Qendra e Trajnimeve dhe Burimeve për Avokim (ATRC), bashkë-zbatohet nga tituti Peer Educators Network (PEN) dhe financohet nga Banka Botërore/ Fondi për Paqe dhe Shtet-Ndërtim. NDP, synon të adresojë nevojën kritike për përmirësimin e qasjes në informacionin për regjistrimin e tokës dhe pronës, si dhe ofrimin e shërbimeve të këshillimit në lidhje me të drejtat pronësore për gratë, të rinjtë dhe personat e cenueshëm në Kosovë. Aktivitetet e projektit do të ndihmojnë në përmirësimin e kushteve socio-ekonomike për zhvillim të qëndrueshëm dhe paqësor, duke ndihmuar komunitetet me dokumentacionin e nevojshëm dhe të mbështetur ligjërisht për forcimin e sigurisë së të drejtave mbi tokën/pronën, duke ofruar një mundësi për pjesëmarrjen e tyre në ekonominë më të gjerë dhe duke vendosur bazat për një shoqëri më të barabartë.

Bashkimi Rinor E Ardhmja e Ndritur po kërkon vullnetarë të motivuar me pagesë për të na ndihmuar në zbatimin e këtij projekti të rëndësishëm. Ne jemi të vendosur të rrisim ndërgjegjësimin dhe të fuqizojmë komunitetet në lidhje me rëndësinë e regjistrimit të pronës. Ju ftojmë të bashkoheni me ne për të kontribuar në këtë nismë që synon të përmirësojë qasjen dhe dijen e komunitetit për të drejtat e pronësisë në Kosovë.

𝐑𝐨𝐥𝐢 𝐢 𝐕𝐮𝐥𝐥𝐧𝐞𝐭𝐚𝐫𝐞̈𝐯𝐞: Vullnetarët do të zhvillojnë fushata nëpër shtëpi në rajone të caktuara për të anketuar qytetarët në lidhje me ndërgjegjësimin e tyre për regjistrimin e pronës dhe mekanizmat në dispozicion për te zgjidhur dhe lehtësuar çështjet e mundshme të pronës. Çdo vullnetar do të vizitojë katër shtëpi në ditë, duke angazhuar banorët për t'i pajisur ata me njohuri të vlefshme.

𝐃𝐞𝐭𝐲𝐫𝐚𝐭 𝐊𝐫𝐲𝐞𝐬𝐨𝐫𝐞:
• Pjesëmarrja në seancat e trajnimit mbi regjistrimin e pronës, të drejtat e pronës, shërbimet kadastrale dhe identifikimin e përfituesve të ndihmës juridike falas,
• Zhvilloni vizita nëpër dyert tek shtëpitë në rajonet e përcaktuara sipas projektit.
• Administroni pyetësor për të vlerësuar nivelet e ndërgjegjësimit.
• Mbledhni, grumbulloni dhe regjistroni me saktësi të dhënat e anketës.
• Shpërndarja e materialeve informuese,
• Raportoni gjetjet te koordinatorët e projektit.

𝐊𝐞̈𝐫𝐤𝐞𝐬𝐚𝐭:
• Duhet të jetë student aktual i juridikut ose të ketë diplomuar së fundmi në juridik, ose të ketë përvojë pune në fushën ligjore.
• Aftësi shumë të mira komunikimi dhe ndërveprimi.
• Aftësi për të punuar në mënyrë të pavarur dhe me përgjegjësi.
• Angazhim për rritjen e ndërgjegjësimit dhe fuqizimin e komuniteteve në lidhje me regjistrimin e pronave dhe zgjidhjen e mosmarrëveshjeve.
• Angazhim për promovimin e mirëqenies dhe fuqizimin e komunitetit.
Benefitet:
• Punë vullnetare me pagesë bazuar në vizitat derë më derë,
• Mundësi për të kontribuar në zhvillimin dhe fuqizimin e komunitetit.
• Përvojë praktike në mbledhjen e të dhënave dhe angazhimin në komunitet.
• Mundësi për rrjetëzim me partnerët dhe palët interesante të projektit.

𝐋𝐨𝐠𝐣𝐢𝐬𝐭𝐢𝐤𝐚:
• Vullnetarët do të marrin trajnim në teknikat e anketimit dhe objektivat e projektit.
• Materialet dhe mbështetja e nevojshme do të jepen.
• Shpenzimet e udhëtimit mund të rimbursohen sipas udhëzimeve të projektit.

𝐊𝐨𝐦𝐮𝐧𝐚:
• Komuna e Ferizajt

𝐊𝐨𝐡𝐞̈𝐳𝐠𝐣𝐚𝐭𝐣𝐚 𝐞 𝐚𝐧𝐠𝐚𝐳𝐡𝐢𝐦𝐢𝐭:
• Kohëzgjatja: 01 Shtator – 31 Dhjetor, 2024

𝐒𝐢 𝐭𝐞̈ 𝐀𝐩𝐥𝐢𝐤𝐨𝐧𝐢:
Kandidatët e interesuar duhet të dërgojnë:
1. CV-në e tyre
2. Deklaratë të shkurtër të interesit
3. Certifikata mbi denimet penale (eKosova);

𝐀𝐟𝐚𝐭𝐢 𝐩𝐞̈𝐫 𝐚𝐩𝐥𝐢𝐤𝐢𝐦 𝐞𝐬𝐡𝐭𝐞 𝐝𝐞𝐫𝐢 𝐦𝐞 𝐝𝐚𝐭𝐞 𝟑𝟎.𝟎𝟕.𝟐𝟎𝟐𝟒 në emailin [email protected] , me subject email [Emri dhe mbiemri i kandidatit – aplikim per vullnetare].

Vetëm aplikantët që zotërojnë kualifikimet e cekura do të përzgjedhen dhe do të ftohen në fazat e ardhshme të procesit të përzgjedhjes.

Pjesëmarrja juaj mund të bëjë ndikim të rëndësishëm në rritjen e ndërgjegjësimit komunitar dhe sigurimin e qasjes të barabartë në të drejtat e pronësisë. Bashkohuni me ne në promovimin e një shoqërie më të informuar dhe të fuqizuar në Kosovë!

Për më shumë informacion, kontaktoni në email adresën [email protected]

📍 Në këtë periudhë të veçantë të 16 Ditëve të aktivizmit kundër dhunës me bazë gjinore, kemi bërë një hap të rëndësishëm drejt ndërgjegjësimit dhe ndryshimit në komunitetin tonë.

🌟 Sot, organizuam një takim ndërgjegjësues me djemtë dhe burrat e komuniteteve Rom, Ashkali dhe Egjiptian, duke synuar të adresojmë një çështje të rëndësishme dhunën ndaj grave dhe vajzave. Qëllimi ynë është të sfidojmë normat shoqërore dhe të nxisim një reagim më të fuqishëm nga ana e burrave dhe djemve, sepse, siç dimë, ky fenomen vjen më shumë nga ta

Në bashkëpunim me Christoph Winzer, Zyrtarin për të drejtat e njeriut nga OSCE Mission in Kosovo në Kosovë dhe Jeton Lika, e organizuam këtë aktivitet duke e ditur se ky problem vjen shpesh nga djemtë dhe burrat, dhe kemi vendosur që t'i drejtohemi kësaj sfide me guxim dhe përkushtim.

🎯​Në këtë takim, kemi pasur rastin të diskutojmë me këshilltarët nga organizata SIT - Center for Counseling, Social Services and Research, për temat : Emocionet,lumturia, dashuria, mërzia dhe pikëllimi si dhe synimi kryesorë Dhuna në baza gjinore dhe dhuna në familje.

📢​🔔​ Komuniteti ka një rol të rëndësishëm në adresimin e dhunës në baza gjinore dhe familjare. Bashkëpunimi i të gjithë aktorëve shoqërorë, përfshirë Organizatat joqeveritare, institucionet, dhe qytetarët, është i domosdoshëm për të krijuar një mjedis të sigurt dhe mbështetës, si dhe ndërgjegjësimi dhe aksioni i përbashkët janë çelësi për të ndryshuar dinamikat negative dhe për të ndaluar ciklin e dhunës nëpër brezat dhe komunitetet

Bashkë për një shoqëri pa dhunë dhe për një të ardhme më të ndritshme për të gjithë!

🌟💙❤️​ #

🌟 Të rinjët për të rinjë! 🌟

Klubet në Ferizaj dhe Shtime, ishin të nderuar me vizitën shembullore nga gazetari dhe producenti, Selamir Qerimi! 🎤💼 📺

Në një bisedë frymëzuese, Selamiri na ndau nga sfidat dhe sukseset e tij në rrugën drejt gazetarisë. Sfidat nuk ishin të pakta , por vullneti dhe pasioni për të arritur ishte arma më e fuqishme, prandaj dhe ai ka shfaqur guxim dhe përkushtim duke u bërë shembull për të gjithë studentet e gjeneratës së tij.💪

Ky takim nuk është vetëm një mundësi për të inspiruar, por edhe një ftesë për të rinjët të ndjekin ëndrrat e tyre dhe të vazhdojnë edukimin në fushat që i apasionojnë 📚🚀

Le të bëhemi pjesë në përfshirjen e të rinjve në të gjitha fushat e arsimit dhe edukatës! Që të bëhemi shembull I së ardhmës.🌍💙

Ky projekt implementohet nga BRAN me mbështetje financiare të Bashkimit Evropian në kuadër të projektit Gratë rome – fuqi e ndryshimit në Ballkanin Perëndimor dhe Turqi”, financohet nga Bashkimi Evropian, dhe zbatohet nga Roma Active Albania (RAA) në bashkëpunim Voice of Roma Ashkali and Egyptian në Kosovë, i cili synon të fuqizojë gratë rome, ashkalike dhe egjiptiane në Kosovë.