Klubi Rin'ON

Në Ditën e Tokës, të rinjtë zgjodhën me vepru ~ jo vetëm me fol.

Në kuadër të iniciativës Green’ON, vullnetarët e Rin’ON, së bashku me qytetarë të tjerë që iu bashkuan aktivitetit, realizuan pjesën e parë të aksionit komunitar në Qendrën Rinore në Ferizaj:
🌳 mbjelljen e pemëve
🚲 dhe rregullimin e parkingut për biçikleta

Kjo iniciativë lindi nga vetë të rinjtë e klubit, me idenë që hapësirat publike mund të jenë më të gjelbra, më funksionale dhe më të sigurta për komunitetin.

🤝 Përmes aktiviteteve të tilla, nuk po ndryshojmë vetëm një hapësirë fizike, po ndërtojmë edhe një kulturë kujdesi, bashkëpunimi dhe përgjegjësie ndaj komunitetit dhe mjedisit.

🌱 Hapësirat e sigurta nuk krijohen vetëm brenda mureve.
Ato ndërtohen edhe jashtë, në hapësira ku njerëzit ndihen mirë, lidhen me njëri-tjetrin dhe kontribuojnë së bashku.

Kur puna lokale e të rinjve takohet me partnerë ndërkombëtarë, hapen mundësi të reja për komunitetin. 🇮🇪🇽🇰

Sot patëm kënaqësinë të mirëpresim në Rin’ON z. James Hagan, Zëvendës-Ambasador i Irlandës në Budapest - Hungari, që mbulon edhe Republikën e Kosovës.

Gjatë takimit ndamë më shumë rreth punës sonë me të rinjtë në Ferizaj, veçanërisht me të rinjtë nga zonat rurale dhe komunitetet e margjinalizuara, si dhe sfidat që lidhen me pjesëmarrjen, përfshirjen dhe zhvillimin komunitar.

Biseduam për rëndësinë e fuqizimit të të rinjve, krijimit të hapësirave të sigurta për dialog dhe ndërtimit të komuniteteve më gjithëpërfshirëse e më aktive.

Në një kohë kur Irlanda po përgatitet të marrë Presidencën e Këshillit të Bashkimit Evropian nga korriku deri në dhjetor 2026, biseda të tilla janë edhe më të rëndësishme për të lidhur perspektivën evropiane me zërin dhe përvojën e të rinjve në nivel lokal.

Kjo vizitë ishte një mundësi e vlefshme për të ndarë përvojën tonë lokale dhe për të diskutuar mundësi të reja bashkëpunimi që lidhen me rininë, pjesëmarrjen qytetare dhe vlerat evropiane.

Faleminderit z. Hagan për vizitën dhe interesimin për punën e Rin’ON.

Green'ON, eco impact in the Youth Centre.
Kjo është një iniciativë e vullnetarëve të Rin'ON, që synon të sjellë ndryshim përmes veprimeve konkrete në komunitetin tonë.

Të shtunën, bashkohemi për të mbjellë pemë 🌱, për të vendosur një parking për biçikleta 🚲 dhe për të ndjekur një ekspozitë fotografike nga të rinjtë, që pasqyron ndotjen e natyrës dhe qytetit tonë.

Ju mirëpresim të bëheni pjesë e kësaj nisme 🌿

🌎

Nuk janë thjesht takime… janë vende ku të rinjtë fillojnë me mendu ndryshe.

Gjatë muajit mars, në Rin’ON mbajtëm 9 takime me rreth 31 vullnetarë, por më shumë se numra, ishte një muaj ku u ndërtuan lidhje, ide dhe guxim për me fol.

💬 Çka ndodhi në këto takime?

🤝 U njohëm më shumë me njëri-tjetrin
— aktivitete që ndihmuan sidomos vullnetarët e rinj me u ndje pjesë e grupit

📚 Diskutuam libra që të bëjnë me mendu
— “The Yellow Wallpaper” na çoi në biseda për shëndetin mendor, izolimin dhe rolet gjinore

🗣️ Debatuam për sistemin shkollor
— sfidat reale të të rinjve dhe si mund të përmirësohen

🚶‍♂️ Bëmë “Walk & Talk”
— kombinim i lëvizjes me biseda të hapura për komunitetin dhe mjedisin

🎨 Krijuam së bashku
— madje edhe medalje për një aktivitet sportiv në komunitet

🧠➡️💡 Rezultati?
Më shumë besim, më shumë mendim kritik dhe më shumë ide që mund të kthehen në veprim.

🌱 Sepse kur të rinjtë kanë hapësirë për të folur, për të sfiduar idetë dhe për të krijuar…
ata fillojnë të ndërtojnë komunitete më të forta dhe më të sigurta.