Hendifer

Sot në zyrat e Shoqatës HENDIFER patëm kënaqësinë të mirëpresim udhëheqesën e Drejtorisë Rajonale të Shërbimit Sprovues të Kosovës në Ferizaj, znj. Roza Tmava si dhe z.Bujar Maloku-zyrtar sprovues!

Gjatë këtij takimi u nënshkrua Marrëveshja e Bashkëpunimit për realizimin e masave dhe dënimeve alternative, duke forcuar bashkëpunimin dhe angazhimin e përbashkët në shërbim të komunitetit.

Falënderojmë znj. Roza Tmava dhe z.Bujar Maloku për vizitën, besimin dhe bashkëpunimin e ndërsjellë.

Përqendrimi, vëmendja dhe kultivimi i durimit përmes sistemit të pritjes janë hapat kryesorë në terapinë me fëmijët. Përmes lojërave me role, ushtrimeve me sensorikë dhe aktiviteteve logjike, adresohen me kujdes nevojat emocionale, sfidat e sjelljes dhe ngecjet në zhvillim, duke siguruar progresin e tyre të përditshëm.

Në shenjë mirënjohjeje për këtë rrugëtim të përbashkët, një falënderim i përzemërt shkon për:
Xhaminë Shqiptare Tafers – Fribourg, Motorristat 9 Qat Fribourg dhe të gjithë bashkatdhetarët tanë.

Gjatë seancave logopedike janë realizuar aktivitete të fokusuara në zhvillimin e aftësive gjuhësore, fonologjike, njohëse dhe motorike. Përmes ushtrimeve me karta dhe figura është punuar në pasurimin e fjalorit dhe të kuptuarit e funksionit të objekteve, ndërsa aktivitetet e koordinimit bilateral kanë mbështetur integrimin e aftësive motorike dhe lateralizimin. Gjithashtu, përmes puzzle-ve dhe ushtrimeve të vetëdijes fonologjike është stimuluar vëmendja, perceptimi vizual dhe diferencimi i tingujve R, J dhe L. Aktivitetet janë plotësuar me ushtrime për përputhjen e figurave me fjalët e shkruara, duke kontribuar në zhvillimin e aftësive paralexuese dhe komunikative.

Ky aktivitet u mundësua nga A&F - Lausanne

Terapia e artit me grupin e të rriturve në Shoqatën Hendifer, e udhëhequr nga profesori Ilmi Sadiku, solli momente gëzimi, kreativiteti dhe shprehjeje emocionale për pjesëmarrësit. Përmes artit, ata patën mundësinë të socializohen, të zhvillojnë aftësitë e tyre dhe të shprehin botën e tyre të brendshme.

Falënderojmë nga zemra Xhaminë Shqiptare Tafers – Fribourg, Motorristat 9 Qat Fribourg dhe të gjithë bashkatdhetarët tanë për mbështetjen e vazhdueshme që e bën të mundur realizimin e këtyre aktiviteteve të vlefshme. 🎨❤️