1000KITOB

“Devon”dan fotolavhalar

Andijon shahri.

Vodiy gavhari Farg‘onada uchrashamiz!

“Devon” ma’rifiy muloqotlari yakuniga yetib bormoqda. Bu safar amerikalik adabiyotshunos Maykl Rayanning “Adabiyot nazariyasi” asari haqida suhbatlashamiz. Ushbu kitob dunyoning ko‘plab universitetlarida adabiyot nazariyasiga kirish qo‘llanmasi sifatida o‘qitiladi, tavsiya etiladi.

Loyihamiz doirasida chop etilgan bir qator kitoblar ilmiy muharriri, biologiya fanlari bo‘yicha falsafa doktori Baxtiyor Sheraliyev muloqotda ishtirok etadi.

Tadbir 22-iyun soat 17:00 da boshlanadi.
Manzil: Farg‘ona shahri, Ahmad al-Fargʻoniy bog‘i

Biror yaxshi kitobni o‘qib, o‘z hayotida mutlaqo yangi sahifa ochgan kishilar ozmunchami!

Biz esa shunday kitoblarni Sizga yaqinlashtirishda davom etamiz.

Namangan shahridagi tadbirdan fotolavha.

Nega ayrim odamlar qiyinchilikda ham xotirjamligini yo‘qotmaydi? Nega ba’zi gaplar bizni kunlab bezovta qiladi? Inson o‘zini qanday boshqaradi?

Xullas, savollar ko‘p. Javoblarni esa birga izlaymiz.

Navbatdagi manzil – Andijon!

Bu safar “Devon” ma’rifiy muloqotida Rim imperatori, faylasuf Mark Avreliyning “O‘zimga o‘gitlar” asari haqida suhbatlashamiz.

Qariyb ikki ming yil avval yozilgan bu asar aslida kitobxonlar uchun emas, muallifning o‘zi uchun yozilgan kundalik qaydlardir. Shunga qaramay, undagi fikrlar bugun ham millionlab odamlarni o‘ylantirib keladi.

Muloqotda adabiyotshunos olim, Andijon davlat universiteti kafedrasi mudiri, dotsent A’zamjon Hamroqulov hamda O‘zbekiston Yozuvchilar uyushmasi a’zosi Nurmuhammad Aziz ishtirok etadi.

Manzil: Andijon shahri, Navoiy bog‘i
Boshlanish vaqti: 21-iyun soat 10:00

Jizzaxdagi muloqotdan fotolavhalar.

Har yangi g‘oya taraqqiyotga olib keladimi? Nega ayrim qadriyatlar asrlar davomida yashab qoladi?

Navbatdagi manzil – Namangan!

Bu safar “Devon” ma’rifiy muloqotida amerikalik mutafakkir, zamonaviy konservatizmning eng taniqli namoyandalaridan biri Rassel Kirkning “Muhofazakorlik” asari haqida suhbatlashamiz.

1950-yillarda yozilgan bo‘lishiga qaramay, ushbu kitob hanuzgacha konservatizm haqidagi eng muhim asarlardan biri sifatida tilga olinadi. Muallif jamiyatni faqat siyosat yoki iqtisodiyot orqali emas, qadriyatlar, an’analar, erkinlik va mas’uliyat orqali tushinishga, tushintirishga harakat qiladi.

Tadbirda Yozuvchilar uyushmasi Namangan viloyati bo‘limi mas’ul xodimi, “Do‘stlik” ordeni sohibasi Dilorom Ergasheva qatnashadi.

Manzil: Namangan shahri, Adiblar xiyoboni
Boshlanish vaqti: 20-iyun, soat 16:00

Bahsdan cho‘chimaydigan, fikrchan yoshlarni kutamiz.

📈Obunachilar soni, reytinglar, test natijalari, baholar, foizlar, so‘rovnomalar, statistika... Ular hayotimizga ta’sir qiladi. Lekin biz ularni qanchalik tushunamiz?

Navbatdagi manzil – Sirdaryo!

Ertaga “Devon” ma’rifiy muloqotida amerikalik iqtisodchi Charlz Uilanning “Yalang‘och statistika” asari haqida suhbatlashamiz.

Kitob millionlab o‘quvchilarga statistikani qo‘rqinchli formulalar emas, dunyoni tushunish vositasi sifatida ko‘rsatib beradi. Muallif murakkab tushunchalarni hayotiy voqealar, qiziqarli kuzatishlar va sodda misollar orqali izohlaydi.

Bu safar raqamlarni yodlamaymiz. Ularning ortida nima yashiringanini anglashga harakat qilamiz.

Tadbir 18-iyun soat 17:00 da boshlanadi.

Manzil: Guliston shahri, Bilimdonlar maskani

Qiziq savollar, yangi qarashlar va yaxshi suhbat izlayotgan yoshlarni kutamiz.

“Loyihasiz tartib: Bozorlar shaharlarni qanday shakllantiradi?”

Aslida, siz-u biz shu kitob ichida yashaymiz. Har kuni tirbandliklarga duch kelamiz, yangi qurilishlarni kuzatamiz, ayrim hududlar ko‘z o‘ngimizda o‘zgarayotganini ko‘ramiz. Lekin nega shunday bo‘layotgani haqida kam o‘ylaymiz.
 
Bu gal “Devon”dagi muloqotimiz ana shu asar yuzasidan bo‘ladi.
 
Dunyoning o‘nlab yirik shaharlarida ishlagan urbanist Alen Berto ushbu kitobda shaharlarni shunchaki binolar va ko‘chalar yig‘indisi emas, millionlab insonlarning kundalik qarorlari, iqtisodiy munosabatlari va harakatlaridan tashkil topgan murakkab tizim sifatida tahlil qiladi.
 
Muloqotda Jizzax politexnika instituti Transport muhandisligi fakulteti Transport vositalari muhandisligi kafedrasi dotsenti, texnika fanlari bo‘yicha falsafa doktori PhD Kamola Karimova ishtirok etadi.
 
📍 Jizzax shahri, Yoshlar sayilgohi
🕔 Boshlanish vaqti: 16-iyun soat 17:00

🇺🇿🇰🇷 Ayni kunlarda Yoshlar ishlari agentligi delegatsiyasi tarkibida “1000KITOB” loyihasi vakillari ham Janubiy Koreyada bo‘lib turibdi.

Tashrif doirasida Koreya Respublikasi Madaniyat, sport va turizm vazirligining nashriyotchilik, matbaachilik va kitobxonlikni rivojlantirish boshqarmasi vakillari bilan uchrashuv o‘tkazildi.

Muloqotda kitobxonlikni rivojlantirish bo‘yicha ikki mamlakat tajribasi, xususan, Koreyada kitob mutolaasi madaniyatini qo‘llab-quvvatlashda muhim omil bo‘lgan 2006-yilda qabul qilingan kitobxonlikni rivojlantirish to‘g‘risidagi qonun hamda uning amaliy natijalari, “1000KITOB” loyihasi doirasidagi hamkorlik istiqbollari va koreys adabiyotining sara namunalarini o‘zbek tiliga tarjima qilish masalalari muhokama qilindi.

Shuningdek, Koreyaning yetakchi universitetlari professorlari bilan uchrashuvlarda “O‘zbekiston – Koreya kelajak avlodi” kitoblar turkumini yaratish tashabbusi yuzasidan fikr almashildi.

Qashqadaryodagi “Devon” ma’rifiy muloqotidan fotolavhalar.