Otabek Axmadjonov

Осиё тараққиёт банки, Ўзбекистон Республикаси Иқтисодиёт ва молия вазирлиги ва Ўзсаноатқурилишбанк ўртасида учрашув бўлиб ўтди. Унда Ўзсаноатқурилишбанк акцияларига конвертация қилиш имконини берувчи 50 млн. АҚШ долларига тенг кредит битими имзоланди.

Учрашувда Ўзбекистон Республикаси Президенти томонидан 2023 йил 31 июлда имзоланган “Ўзсаноатқурилишбанк” акциядорлик тижорат банкининг молиявий барқарорлигини мустаҳкамлаш
ва хусусийлаштиришни жадаллаштиришга доир қўшимча чора-тадбирлар тўғрисида”ги қарорига мувофиқ, томонлар ўртасида амалга оширилаётган саъй-ҳаракатлар муҳокама қилинди.

Учрашув давомида ОТБ томонидан Ўзсаноатқурилишбанк акцияларига конвертация қилиш имконияти билан 50 млн. АҚШ доллари миқдоридаги кредит битимини имзолаш маросими бўлиб ўтди.

Ушбу келишувнинг имзоланиши микро, кичик ҳамда ўрта бизнес вакиллари лойиҳаларини молиялаштиришга йўналтирилади. ОТБнинг Банкнинг акциядорлари қаторига потенциал кириши Банк бизнес моделининг амалга оширилаётган ўзгаришига ижобий таъсир кўрсатади.

"Oʻzsanoatqurilishbank" ATB, "Oʻzmilliybank" AJ va "Portfolio Investments" kompaniyasidan iborat anderrayterlar konsorsiumi “Oʻzbektelekom” AJning IPO doirasidagi obuna kampaniyasiga (Road Show) tayyorgarlik koʻrmoqda.

Ayni paytda “Oʻzbektelekom” aksiyadorlik kompaniyasi ustav fondidan 2 foizlik, yaʼni jami 5 542 046 dona qoʻshimcha aksiya chiqarilishini roʻyxatdan oʻtkazildi. Obuna kampaniyasi esa, joriy yil oxirigacha davom etishi kutilmoqda.

Oddiy aksiyalar narxi 6 000 soʻmdan 10 000 soʻmgacha boʻlishi kutilmoqda. Emissiyaning taxminiy qiymati 33 mlrd. soʻmdan 55 mlrd. soʻmgacha boʻlgan diapazonga toʻgʻri keladi.

Aksiyalarni IPO doirasida joylashtirish rasman bugun, 25-oktyabr kuni soat 11:00 da "ICTWEEK UZBEKISTAN" forumi doirasida boʻlib oʻtadi.

SQB Yangiliklari