Digital Expert

SMM SOHASIDA QANCHA DAROMAD OLISH MUMKIN?🤔

🔻Frilansdagi SMM mutaxassis qancha pul topishi mumkin?

Bu yerda boshqa kasblarda bo'lgani kabi hammasi malakaga bog'liq. Ammo SMM-menejer, agar o'zi yolg'iz ishlasa, har bir loyiha uchun o'rtacha 150 $ dan oladi. Agar u o'z jamoasi bilan (dizayner, kopirayter, fotosuratchi) kelgan bo'lsa, unda narx bir loyiha uchun 400 $ dan boshlanadi, bu ham ish sifati va malakaga bog'liq. Bitta mustaqil SMM mutaxassisi 5 ga yaqin loyihani sifatli tarzda yurita oladi. Demak, u oyiga 1000 $ dan 2000 $ gacha pul ishlashi mumkin. Ammo bu yerda o'zingizga ortiqcha baho bermaganingiz ma'qul: agar siz endigina bu sohada faoliyat yuritishni boshlagan bo'lsangiz, avval tajriba to'plab, mahoratingizni oshirishingiz va ish boshlashingiz bilan portfolioda bitta ham loyihangiz bo'lmasdan turib katta miqdordagi pulni talab qilmasligingiz kerak.

+ Frilansda ishlashning afzalliklari: kompaniyadagidan ko'ra ko'proq pul topish, erkin grafik, o'ziga o'zi xo'jayin (ya'ni rahbaringiz bo'lmaydi).

- Frilansda ishlashning salbiy jihatlari: barqarorlikning yo'qligi (bugun sizda 5 ta loyiha bor, ertaga 1 ta), yangi mijozlarni qidirish energiya talab qiladi, rasmiy ish joyi bo'lmaydi.

🔻Kompaniyada ishlaydigan SMM mutaxassis qancha pul topishi mumkin?

Marketing agentligining doimiy mutaxassisi sifatida yoki kompaniyaning marketing bo'limida ishlash jarayonida hamkasblaringiz va rahbariyatdan bebaho tajriba orttirish bilan birga siz juda yaxshi daromad topishingiz mumkin. Bunday doimiy mutaxassislarga talab juda katta, olx.uz, hh.uz, rabota.uz saytlariga kirib bunga o'zingiz ishonch hosil qilsangiz bo'ladi. O'rtacha ish haqi oyiga 3.000.000 so'mdan boshlanadi va nomzodga qo'yiladigan talablarga (ish staji, tillarni bilishi, oliy ma'lumoti va hk) qarab 8.000.000 so'mgacha yetadi.

+ Shtatda ishlashning afzalliklari: barqaror ish haqi, karyera tomonlama o'sish imkoniyati, rasmiy ish bilan ta'minlanasiz, hamkasblar yordami va ko'magi.

- Shtatda ishlashning salbiy jihatlari: erkin grafik emas, kimningdir xodimi sifatida ishlash, ish haqi frilansga nisbatan biroz kamroq