HSMC

Joriy yilning 23 dekabr kuni Bosh ilmiy-metodik markazda Toshkent tibbiyot akademiyasi “Xirurgik kasalliklar” kafedrasi mudiri, professor Teshayev Oktabr Ruxillayevich ishtirokida “Semizlik va qandli diabet ikkinchi turini xirurgik davolashning zamonaviy usullari” mavzusida hamda Toshkent pediatriya tibbiyot instituti “Umumiy xirurgiya, topografik anatomiya va operativ xirurgiya” kafedrasi mudiri, professor Askarov Toxir Askarovich ishtirokida “Oshqozon va o‘n ikki barmoqli ichakning peptik yarasi” mavzusida davra suhbati tashkil etildi.
Unda Bosh ilmiy-metodik markaz xodimlari hamda “Taʻlim sifati menejmenti” yoʻnalishi tinglovchilari ishtirok etdilar.

Davra suhbati davomida shamollash, qon bosimi, yurak xuruji, qandli diabet, oshqozon va nafas yo‘llari kasalliklarini oldini olish va davolash to‘g‘risida berilgan savollarga malakali mutaxassislar tomonidan to‘liq javoblar berildi.

Малака ошириш тизимида қандай ўзгаришлар бўлмоқда?

Вазирлар Маҳкамасининг 2022 йил 1 июндаги 296-сон қарори асосида Академик лицейлар раҳбар ва педагог ходимларининг “Ҳаёт давомида таълим олиш” тамойили асосида малака оширишни назарда тутувчи узлуксиз малака ошириш тизими жорий этилди.

Қарор билан:

1️⃣ Малака оширишнинг анъанавий шакли билан бир қаторда касбий фаолиятга алоқадор янги мустақил ва муқобил шакллари амалиётга жорий этилди;

2️⃣ Уч ёшга тўлмаган ёш боласи бўлган аёллар, пенсия ёшидагилар ҳамда ногиронлиги бўлган шахслар учун масофавий шаклда малака ошириш йўлга қўйилди;

3️⃣ Малака ошириш курсларига кредит-модул тизими жорий этилди;

4️⃣ Академик лицейлар раҳбар ва педагог ходимларнинг касбий фаолияти натижалари ҳамда уларнинг малака ошириш жараёнлари мониторингини юритишнинг электрон платформаси ишга туширилди;

5️⃣ Қоғоз шаклидаги сертификат бериш амалиёти бекор қилиниб, QR-код қўйилган электрон сертификат бериш тартибига ўтилди.