Muhim24.uz

Endi Paxtachida xorijiy talabalar tibbiyot sohasida tahsil oladi

Paxtachi Abu Ali ibn Sino nomidagi Jamoat salomatligi texnikumi va Nepalning «Yatri Educational Consultancy» jamiyati o’rtasida hamkorlik memorandumi imzolandi...

Batafsil👉 https://muhim24.uz/6555/

Paxtachida cho'milish niyatida uch o'quvchi halok bo'ldi

Bu haqdagi ma'lumotlarni viloyat Maktabgacha va maktab ta'limi boshqarmasi matbuot kotibi Baxtigul Qarshiyeva kun.uz saytiga tasdiqladi.

Voqea qachon bo'lgan?

24-may kuni tumandagi 6-maktabning 6-sinf o‘quvchilari A.S. va N.M. cho‘milish maqsadida hududdagi fermer dalasidagi hovuzga borgan. Ular shu joyda hovuzga cho'kib, halok bo'lishgan.

Yana bir holatda esa 32-maktabning 8-sinf o‘quvchisi B.N. ham cho'milish vaqtida halok bo'lgan. U ariqqa cho‘kkan.

“Tushdan so‘ng otasi bilan dalaga mol sug‘organi borgan. Mollarni sug‘orib bo‘lgach otasi ortga qaytgan, bola esa dalada qolgan. Ariqqa yiqilgan, hushidan ketganmi, hali biz ham aniq bilmaymiz. Ekspertiza xulosalariga qarab aniqlanadi endi. Otasining aytishiga qaraganda, cho‘kib o‘ladigan ariq bo‘lmagan”, deydi maktab direktori Sherali Eshdavlatov Kun.uz muxbiri bilan suhbatida.

Boshqarma matbuot kotibi Baxtigul Qarshiyevaning ma'lumotlariga ko'ra,, holatlar dars vaqtida bo‘lmagan. Shuningdek, yozgi ta’til boshlanayotgani munosabati bilan taqiqlangan hududlarda cho‘milmaslik, bolalarni cho‘milish havzalariga yubormaslik bo‘yicha kafolat xatlari olingan.

Eslatib o'tamiz, 2023-yilda ham Paxtachida uch nafar voyaga yetmagan o’quvchilar “Zarafshon” daryosiga cho’milish maqsadida kelib, bedarak yo'qolgandi va jasadlari qidiruvlar natijasida topilgandi.