Ko'ngil

Barchasi uchun Alhamdulillah 🤗

Ex meni arzonga sotgan do'stlarim

Omadim kelganda alam yutarlar,
Sharobning o'rniga og'u tutarlar.
Meni sinishimni hanuz kutarlar,
Ex meni arzonga sotgan do'stlarim...

Tuxmatlar otarlar sinab sabrimni,
Hech kimsa tushunmas dilda dardimni.
Tuproqqa teng qilib goho qadrimni,
Ex meni arzonga sotgan do'stlarim...

Zimdan qadamimga qo'ygansiz tuzoq,
Boshga ish tushganda yurasiz uzoq.
Hol so'rab kelmaysiz nechun tuzukroq,
Ex meni arzonga sotgan do'stlarim...

Sinovlar kelganda sinab doshimni,
Ko'zimdan to'kkanda achchiq yoshimni.
G'animlar ichida egib boshimni,
Ex meni arzonga sotgan do'stlarim...

Qay bir amallarim keldilar malol,
Tinmayin qiynaydi meni shu savol.
Sizni ko'rib hatto shayton turar lol,
Ex meni arzonga sotgan do'stlarim...

Muallif: Ilg'orbek Namozov ✍️

https://t.me/I_Namozov

***

Dardlar qo'shib dardimga,
Yetmading yor qadrimga.
Ketar bo'lsam dunyodan,
Yig'lab kelma qabrimga...

Ishqda kuygan ko'ksim qon,
Dilga darmon yo'q hamon.
Sendan kelgan ozordan,
Hanuz ozor chekar jon...

Senga eltmas yo'llarim,
Ojiz qoldi qo'llarim.
Dardga to'ldi seni deb,
Qara o'ng-u so'llarim...

Yarim yurak vayrona,
Ishqim turar xayrona.
Menda ko'ngling yo'qmi ayt,
Ey o'ynoqi jayrona...

Zulmat bo'ldi kunlarim,
Bedor o'tar tunlarim.
Sen yo'q uchun umrimda,
Ko'ksimdagi ishq yarim...

Sevib qasam ichgandim,
Dunyolardan kechgandim.
Egnimdagi g'ururning,
Libosini yechgandim...

Dardlar qo'shib dardimga,
Yetmading yor qadrimga.
Ketar bo'lsam dunyodan,
Yig'lab kelma qabrimga...

Muallif: Ilg'orbek Namozov ✍️

https://t.me/I_Namozov

✨Dunyolarga sig'may sevaman... ✨

Gulim deya erkalab suyib,
Kuysam faqat, xajringda kuyib.
Muhabbatning taftini tuyib,
Dunyolarga sig'may sevaman...

Xayolimda sochingni silab,
Sening uchun baxtlarni tilab.
Yomonlardan asrab avaylab,
Dunyolarga sig'may sevaman...

Oqshomlari sog'inchdan yonib,
O'zingdan ham seni qizg'onib.
Faqatgina senga ishonib,
Dunyolarga sig'may sevaman...

Ishq sharobin qo'limda tutib,
Sening kelar yo'llaring kutib.
Seni o'ylab o'zim unutib,
Dunyolarga sig'may sevaman...

Goh alamlar qo'yadi ezib,
Jilmayaman kelishing sezib.
Qordayin oq ko'nglingda kezib,
Dunyolarga sig'may sevaman...

Muallif: Ilg'orbek Namozov ✍️

🌚🕊🌝

https://t.me/I_Namozov

Soxta mehribonlar

Ko'rolmay otishar xasad toshini,
Sezdirmay yuraman ko'zim yoshini.
Anduhlar egmasin yigit boshini,
Soxta mehribonlar yolg'ondan suydi.

Yurgan qadamimga qo'yishar tuzoq,
G'animdan yuribman uzoqdan uzoq.
Do'stingman deyishar do'st emas biroq,
Soxta mehribonlar yolg'ondan suydi.

Kun ko'rar gohida sotib nomimni,
Olishga shay turar hatto jonimni.
Men emas sevishar shuhrat-shonimni,
Soxta mehribonlar yolg'ondan suydi.

Dillari go'yoki fitna o'chog'i,
Ko'ngilga havola ochar quchog'i.
Qo'lida turadi iblis pichog'i,
Soxta mehribonlar yolg'ondan suydi.

Qilgan qilmishlarin kechirib bo'lmas,
Qancha yaxshi bo'lma ko'ngillar to'lmas.
Omad eshik yopsa nazarga olmas,
Soxta mehribonlar yolg'ondan suydi.

Yolg'onnni so'zlaydi ko'zimga qarab,
G'iybatim qilishar oldimda maqtab.
Yomonlardan o'zing saqlagin yo rab,
Soxta mehribonlar yolg'ondan suydi.

Muallif: Ilg'orbek Namozov

https://t.me/I_Namozov