Bobur

Braketlar haqida shubhalar!

Breketlarni o'rnatishga qaror qilishdan oldin, odamlarni shubhalar azob beradi. Kimdir protseduradan qo'rquv sabab bosh tortadi. Mukammal tabassum, to'g'ri tishlar orzusi bo'lishiga qaramasdan, uzoq muddat davolanish kerakligi ularni shu orzularini amalga oshirishdan chegaralab turadi.

To'g'ri va noto'g'ri tishlov o'rtasidagi farq nima?

Tishlov - bu yuqori va pastki jag'lar tishlarining o'zaro munosabati.Tishlovning to'g'ri yoki noto'griligini belgilovchi tibbiy mezonlar mavjud. Agar insonning tishlari bu mezonlarga javob bermasa, unda tishlov noto'g'ri deb ataladi. Statistik ma'lumotlarga ko'ra, O'zbekiston aholisining 54 dan 82 foizigacha tishlari holatini tuzatish kerak.
Tishlov noto'griligining sabablari:

sut tishlarining erta yo'qotilishi;
bolalarning zararli odatlari (barmoqni so'rish, so'rg'ichlar va boshqalar);
bosh suyagining tug'ma deformatsiyasi;
jarohatlar va boshqalar.

Noto'g'ri tishlov sabablari ro'yxati uzoq davomettirish mumkin. Ammo zamonaviy tibbiyot yuz-jag' tizimning aksariyat nuqsonlarini muvaffaqiyatli davolaydi.

TISHLOVNI TUZATISH KERAKMI?
Braketlar haqida shubhalar
Yuz-jag' sohasi patologiyalarini tuzatish zarurati haqidagi savolga odatda ikki xil yondashiladi: estetik va funktsional. Estetik tomon sub'ektivdir(harkim har xil tushunadi). Ammo agar odam tishlarning joylashishini yoqtirmasa, u o'zi uchun shifokor maslahatiga boradi.

Maslahatda shifokor kichik nuqson tashvishlanishga arzimasligini aytib, bemorni tinchlantiradi yoki samarali davolanishni taklif qiladi. Jiddiy holatlarda ortodontist sizga tishlarning noto'g'ri pozitsiyasiga nima uchun xavfliligini aytib beradi. Agar funksional buzilishlar bo'lsa - bu hazm qilish tizimidagi muammolarga olib keladi, nutq nuqsonlarini keltirib chiqaradi va yana ko'p narsalarga sabab bo'ladi. Mutaxassis anomaliyaning qanchalik og'irligini baholaydi va davolash rejasini tuzadi. Eng keng tarqalgan tavsiya - bu braketlarni taqish.

Davolanishdan bosh tortish!
"Tavsiya etiladi" - bu kalit so'z. Davolashga rozi bo'lish yoki bo'lmaslik bemorga bog'liq. Kamdan kam hollarda breket taqishga qarshi ko'rsatmalarmavjud , shifokor ular haqida ham sizga aytib o'tadi.