Long Branch Corner Phase II

កំណាព្យទាំងឡាយដែល្ខ្ញុំសរសេរទាក់ទងនឹងព្រធសង្ឃ មិត្តភ័ក្តិ បងប្អូន កូនក្មួយនិងញាតិន្តានទូទៅ។

Welcome to the World, Grandson Aiden!

ថ្ងៃចូលនិវត្តន៍ ខ្ញុំចាំប្រាកដ
បានយកគ្រាប់ដាំ ដុះចេញជាដើម
លូតលាស់បីឆ្នាំ ផ្កាត្របកប្រាំ
ពណ៌ស ប្រពៃ។
មានផ្កាម៉្យាងទៀត ដើមដុះនៅបៀត
រុក្ខជាតិដទៃ ក្បែរដើមប៉េងប៉ោះ
រមៀត ស្លឹកគ្រៃ ដើមត្របែកព្រៃ
ជិតទ្រើងននោង។
មានដើមរមៀត ក៏ខំប្រឹងឆ្លៀត
ចេញផ្កាសំពោង រីឯប៉េងប៉ោះ
ចេញផ្លែរយោង បៃតងរលោង
ព្រោះមិនទាន់ទុំ។

ផ្កាត្របែកព្រៃ ខ្លះខ្ពស់លលៃ ខ្លះទៀតទាបម៉្លេះ ផ្កាពណ៌ផ្សេងៗ
ខ្លះក្រហមឆេះ ខ្លះសប្រផេះ និងខ្លះពណ៌ស្វាយ។ មានមួយជំពូក
ពណ៌ដូចផ្កាឈូក មើលជិតឬឆ្ងាយ ឃើញផ្កាកញ្ចុំ ត្រសុំត្រសាយ
ហាក់ដូចប្រញាយ គ្នាចេញសម្រស់។