Santa Rosa Methodist Church

NA KENA I VAKAMACALA
Ena noda lesoni ena siga ni kua sa i sema ni talanoa ni i vakatawa vinaka ka vakatauvatana ko Jisu kei na i vakatawa ca. Na i vakatawa vinaka sa kauta mai na bula kei na vakacegu ki vei ira na sipi, ia, na i vakatawa ca, sa kauta mai na rusa kei na veivakalolomataki.

Ni da tukuna ni da tamata lotu se da vakabauti Jisu, e dodonu me da i vurevure ni vakacegu vei ira mai vale ka sega ni da i vakarere tu vei ira. Ena tikina e ciwa ni noda lesoni e vakamatatataka kina na Turaga ni ko koya na katuba ki na bai ni sipi, ia, kevaka e dua na tamata ena curu kina

e na dau curu yani ka na dau curu mai ka na kune kakana. Oqo e dusia na vakacegu ni bula e tu vei Jisu kei Ira na tusanaka ni sa nodra Turaga ka nodra i Vakabula ko Jisu.
E a tarogi e dua na gone ni Kadavu, bau vakaevei toka ko tata? A qai sauma ni a kaya ni ko tata e vaka sara ga e dua na agilose ni tucake tu mai na tevale ni vunau, la, nı tu maı vale e sa vaka nı dua na jimoni levu ka tu mai kacei. Ogo na dina ni velka e yaco sara tıko ga ena noda bula na ı tubutubu ena loma ni veivuvale; eda răirai vinaka wale toka ga e loma ni valenilotu, ia, eda sa i vakarere tu vei ira na luveda mai vale ena veisiga.
E yalataka o Jisu ena tikina e tini, ni naki ni nona lako mai me rawati kina na bula e taucoko. la, na bula oçori ena sega ni vakilai ke vakayacori tiko na i valavala kaukauwa ka lolovira mai vale. Oqori nanodra cakacaka na yasana fari sne rarmai buea ca, raka taikavkaruai naracaele
na Turaga.
Me da vakadadamuri Jisu, me da solia noda bula ena vukudra na sipi ka kakua ni vakatolosevi ira, vakasaurarataki ira, se vakalolomataki ira mai vale.

ULUTAGA ME MASULAKI:
Me ra nanumi o ira na marama, goneyalewa kei ira na gone e kedra tu na i samu ni dawa ni veivakalolomataki mai vale.

NA KENA I VAKAMACALA
Ena noda lesoni ni kua eda wilika ka rogoca kina e dua na i vakaro vakadodonu mai vua na Kalou vua na tui Juta, vei ira na nona vakailesilesi, kei ira na tamata era curu yani ki na matamata vakatui, ka vakabibitaki kina ni veiliutaki dina e yavutaki ena noda soli keda ki na kena vakayacori na lewa dodonu kei na nodra taqomaki ko ira era malumalumu. Na kaci me ia "na lewa kei na i valavala dodonu" e sega walega ni dua na i tavi vakamatanitu, ia, e dua na i vakavuvuli va-Kalou, ka vakaraitaka na uto ni veiyalayalati ni Kalou kei ira na Nona tamata.

E dau tukuni tu ni ra lewe ni vuvale malumalumu o ira na gone, goneyalewa kei ira na marama. Na Veiyalayalati Makawa kei na Veiyalayalati Vou e vakadeitaka na dina oqo ni Kalou e kauwaitaki ira na tamata era dau biligi, ka tabaki sobu vakaoqo.
E vakabibitaka o Joni Wesele na dina oqo ena nona tukuna me da "kakua ni cakava na e dua na ka cala" me da "caka dodonu". Oqo e dusia na veirokovi ka da sega ni butakoca se vakasaurarataki ira se vakalolomataki ira era malumalumu ka tiko ena loma ni noda veivuvale.

Ni da sega ni qarauna na tikina bibi oqo; e basika tiko kina na veivala ka tini ena veivakamavoataki kei na laba; nodra sa sega ni dei na gone me ra tiko e vale ka ra sa vakasaqara na veitutu ni sala ena noda veikoro lelevu me ra sa mai vakaitikotiko kina. Sa levu talega vei ira na luveda kei na marama tina era sa bula tu ga ena dela ni rere kei na taqaya ena veisiga.

Me ra maroroi ka taqomaki na watida, luveda kei ira na malumalumu era tiko ena noda loma ni vuvale ni sa i vakaro ni Kalou oqo vei keda.

ULUTAGA ME MASULAKI:
Me da masulaki ira era dau veivakasaurarataki ka veivakalolomataki me cilavi ira na rarama ni Kalou ka veisautaka na nodra i tovo kei na nodra i
valavala ni bula.

NA KENA I VAKAMACALA

Sa i naki ni nona buli na yalewa me mai veitokanitaki na bula e vuravura.
Ogo, e yavutaki kina na i naki ni tiko vakawati me vaka e toqai ka dau cavuti ena lotu ni veitube kece sara. "la, me da vakasamataka talega na i naki, se na ka sa lesi kina na tiko vakawati. Sa lesi na tiko vakawati, me sa yaco kina me rau tiko vakaveilomani, na tagane kei na yalewa, ka me rau sa dau veivukei, ka veivakacegui, ka veituberi e na sala dodonu, ena gauna vinaka kei na gauna ca." Oqo duaduaga na sala ena maroro kina na savasava ni duabau vakavuvale. "A sa kaya ko Atama, Oqo dina na sui mai na suiqu, kei na lewe mai na lewequ: ena vakatokai ko koya me yalewa, ni sa kauti tani mai vua na tagane. O koya oqo sa na biuta kina na tamana kei tinana na tagane, ka kabita na watina: a rau na lewe dua ga.

Ni da na sega ni maroroya na veilomani; eda na veicati, veivala ka na tubu cake tiko ga na veivala mai vale (domestic and family violence). Ni da na sega ni dau veivukei eda na dau veivakalolomataki ka nodra tu ga na bi keı na i samu ni dawa na watida kei na luveda. Ni da sega ni dau veivakacegui ena tubu tiko ga na lomatarotaro; ka dolava na katuba ki na kena vaqarai tale na vakacegu ena taudaku ni bula vakawati. Ni da na sega ni dau veituberi; ena lutu sobu tiko ga na i vakarau, i tovo kei na bula veimaliwai vakavuvale, ka wili kina na kena lutu na nodra i tovo na luveda mai vale.

ULUTAGA ME MASULAKI:
Me da cabora na veivuvale kece sara e Viti vua na Kalou ka kerea nona veivuke loloma ena kena laveti cake na i tagede ni vuvale.

NA KENA I VAKAMACALA
Esa levu na vei Koliaci era sa vakacibi valu mai vei keda ena gauna vou ni veisau eda donumaka ka vaka me sa vakarerei keda ni da sa druka rawa tu ni bera mada ga ni da butuka yani na buturara ni valu. Ko Tevita, e sega ni vakayalolailaitaki koya na i rogorogo ni mataivalu ni Filisitia kei Koliaci, e vakarautaki koya ga ka toso yani ki liu me sotava na qaqa ni Filisitia.

Oqo, sa dua na lesoni vinaka vei keda ni qaqa vei Koliaci se o cei ga na keda meca e gadrevi vakalevu kina na bula ni noda vakavakarau. Dua na i vosavosa e dau tukuni tu "If you fail to prepare then prepare to fail".

Na noda qaqa ena veibuturara ni valu ena veisiga ni mataka ena vakatau vakalevu ena noda vakarautaki keda vakavinaka ena siga ni kua. Na noda bula ni masu, lolo kei na veitokani vakayalo ena veisiga me vinaka tu, ka vakarau tu ki na kena bolei ena veisiga e tu e matada.

Na 2 Koronica 6: 10 e vakavulica keda ni veitalia noda beci se ra raica keda sobu na tamata ni da wasea vakavinaka ka sega ni vakatawayagataka na loloma ni Kalou sa soli mai vei keda eda na qaqa ga "Keitou sa vaka keitou sa daurarawa, ia, keitou sa reki tikoga, sa vaka keitou sa dravudravua, ia keitou sa vakavutuniyautaki ira na lewe vuga, sa vaka nı sa sega vei keitou na ka, ia sa tu vei keitou na ka kecega." Na qaqa ni Turaga e tara na veiyasa kece ni bula se da veivala kei ira na tamata se yalovelavela e da vulica ni da na qaqa ga baleta na i valu e sega ni noda e nona na Kalou.

ULUTAGA ME MASULAKI:
Me da masulaka na kena vakarusai ka vakamalumalumutaki na vei Koliaci ni noda gauna.

NA KENA I VAKAMACALA
Ko vakabauta li ni rawa ni ra bula tale e dua na buca ka sinai tu ena sui mamaca? Me vaka na sau ni taro nei Isikeli - "kemuni ga na Turaga Jiova ko ni sa kila." Oqo sa dua na lesoni levu vei keda vakabibi ena draki veiveisau eda bula donuya ka vuqa na gauna eda sotava na bolebole ni keda na bula.
bula ka oti kina vakadua na noda vakanuinui ni rawa ni na kauta mai vei Na veivakalolomataki ni waigaga ni veivakamatenitaki, bukete dole, tubu tiko ga ni kucu, kei na tubu ni HIV, STD's era sa buca vou ni sui mamaca ka vaka me vakasisia laivi na noda vakanuinui ni sa sega kina na bula. Eda vakavinavinaka vua na Kalou na noda nuinui ni solisoli ni Yalo Tabu e kauta mina raw veini voka solia na bula kina vanua eda sega ni vakabauta
Eda vulica ni cakacaka ni Yalo Tabu e rau veitauriliga vata kei na vakabauta. periu 1l: 6 "Kevaka sa sega na vakabauta sa dredre sara meda vinakati
- o koya sa torova na Kalou e dodonu me vakabauta ni sa bula ko koya, ka na saumi ira talega era vakabauti koya." la, ena yaga me da vakataki Isikeli me da vosa ki na noda buca ni sui mamaca ena vakabauta ka duguca tikoga na veiceguvi ni Yalo Tabu me ra bula ka sereki kina na luveda ka me ra tucake ka vakadinadinataka na kaukauwa ni Kalou e se bera vakadua ni bau veisau.

ULUTAGA ME MASULAKI:
Me ra masulaki na luveda me ra bula ka sereki mai na veivakabobulataki tiko ni ca.

NA KENA I VAKAMACALA
A qai yaco na veivutuni ni sa dolava yani na katuba vei nona daulomani sa lesu ka sa lako tani, e qai saga na nona i gu me kacivi koya sa sega tale ni qai rogo mai vua. Ena baleti cei beka na leqa oqo, ni sa vakayacora makawa tiko yani ko nona daulomani na tukituki kei na kacikaci, a qai ulubale ka vakabera nona rogoca ka dolava vua na katuba.
E vuga na bula e daidai vakabibi nodra bula noda i tabagone e yacovi ira sara tikoga na mataqali leqa vakaoqo: nodra sa rogoca tu na veisureti ni Turaga ko Jisu ena nodra bula, era qai wele ka moce tu ga ena i valavala ca, soli ulubale ka berabera nodra soli bula se dola katuba vei Jisu. Ena sega ni kalougata noda bula kevaka eda sogoti keda me da sa sakitaka ga na ka eda rawata, noda vuku, noda rogo se kilai, e kalougata na bula ni da vakaio me curu mai kina noda vale ko Jisu Karisito.
Kolosa 1: 27 "Ni sa vinakata na Kalou me vakatakila vei ira na kend vakaidina kei na kena talei ni ka vuni ogo e na kedra maliwa na veimatanitu; oqori na Karisito e na lomamudou, na vu ni kena nuitaka na kalougata.

ULUTAGA ME MASULAKI:
Me da masulaki ira era se bera tu ni ciqomi Jisu me ra soi bula Vua.

NA KENA I VAKAMACALA
Ni a qai tucake yani me dolava na katuba vei nona daulomani sa tiri ga mai na mura e ligana, ka vakakina na mura boi vinaka mai na qaqalo ni ligana.
Na mura e dau vakayagataki me lumuti kina na yago ni tamata mate. E dau vuqa na gauna eda vakaweleweletaka tu nona tukituki tiko ko Jisu
kina na noda dui bula ka da vakaiulubale ka vakabera na noda dolava vei koya na katuba.
Vakatakila 3: 20 "Raica, ka'u sa tu e na mata ni katuba, ka tukituki: kevaka sa rogoca na domoqu e dua na tamata, ka dolava na katuba, au na curu vua, ka vakayakavi vata kaya ka na vakayakavi vata talega kei au ko koya".
Ni da vakabera noda dolava na katuba ni yaloda me curuma ka dabeca na i dabedabe ni vakatulewa ni noda bula ko Jisu, na noda mate kei na noda rusa eda sa na beitaki keda ga Joni 3: 16. Na wekaqu, na mate e dodonu me daru a mate kina sa sosomitaki kedaru oti kina ko Jisu. Roma 5: 8 "la na Kalou sa vakatakila na nona loloma vei keda, ni sa mate na Karisito me noda i sosomi ni da sa tamata ca". Me daru qai kakua ni vakabera nodaru dolava na katuba ni nodaru bula ki vua, me daru na bula kina.

ULUTAGA ME MASULAKI:
Me kila ko vuravura na i naki e a mai mate kina ko Jisu ka me ra dolava na katuba ni yalodra Vua.

NA KENA I VAKAMACALA
Eda goleva tale ena siga ni kua na lesoni vata ga eda lesoni kina ena siga e nanoa. la, eda goleva ni kua nona sa rogoca tu na tukituki nei nona daulomani ka qai soli ulubale tale tiko yani. Oqo e solia e dua na i rairai ni nona sa vakatautaukeni koya ena loma ni vale nei nona daulomani ka vaka me sa dredre vua me tucake tale ka daramaka nona kote, vakagelegelewataka na yavana, ka dolava yani na katuba.

Na cakacaka eda kacivi kina, e cakacaka ni noda tucake, daramaka noda kote, vakaqeleqelewataka na yavada ni da taubaletaka na vanua kece eda lesi me da talai yani kina, ka dolava tiko na katuba ni noda veitokani tikotikoga kei Jisu ena veivanua kei na veigauna kecega. Nona soli ulubale e vakavuna me sa biuti koya kina o nona daulomani ka sega tale ni qai kunei koya tale.
Ko Jona na parofita a soli ulubale ena nona talai ki Ninive, ia, a mani sota kaya kina na dredre. E vuqa vei keda na nona i talai ena gauna vou ogo eda sa ulubaletaka na dredre ni vanua, na tauvimate, nodra vuli na luveda, na cakacaka nei radini kei na vuqa tale na ka. Isa! Na noda Turaga ko Jisu sa kila tu na dredre ni ka ena sotavi ena nona talai mai me mai mate ena vukuda, ia, e sega ni via soli ulubale kina, sa dei ga na lomana me vakayacora me vaka na veitalai nei Tamana.
Me da tosoya ka laveta cake tale na Lotu i Jisu ki na dua tale na i tagede ena noda muduka laivi vakadua na noda dau soli ulubale.

ULUTAGA ME MASULAKI:
Me da masulaka me sa rauta na soli ulubale tiko kina cakacaka ni veitalai ni noda Turaga ko Jisu.

NA KENA I VAKAMACALA:
E sereki tiko ena noda lesoni ni kua na i talanoa me baleta e rua na veitau
se veiwatini kei na na bolebole e rau lako curuma tiko. E kilai tu na Sere i Solomoni me sereka na i talanoa vakaiyaloyalo ni veiwekani i Jisu kei na nona Lotu. E biu na i talanoa kece oqo e na loma ni Vola Tabu, me tukuna na nona sasaga tiko na Kalou, me semata na nona veiwekani kei Isireli ena i tagede me saravi koya kina ko Isireli ni sa lewe ni vale i Jiova. E na noda tikina koula ni kua, e talanotaki tiko kina na nona a moce tiko o koya sa tiko rawa e loma ni vale ka yadra tiko na nona vakasama me rogoca nona tukituki tiko o nona daulomani me dolavi vua na katuba ni nodrau vale me curu yani. E tukituki tiko ena bogi ka sa balavu dina na nona tucake tu e tautuba ni sa wai walega na uluna ena tegu kei na drau ni uluna ena tegu ni bogi.
E dau vakavuqa sa dau vakaleqai keda na noda sa mai tiko vakadede ena loma ni Lotu i Jisu eda lewena ka sa vaka me dau tubu mai na yalo ni noda sa da vakatautaukeni keda. Sa mai lutu na noda veiwekani kei koya na i taukei ni Lotu ni sa lailai na noda veitalanoa kei koya ena masu, lailai noda rogoci koya ni vosa mai vei keda ena nona vosa, ka yali talega vei keda na kaukauwa ni da sa sega ni dau lolo. Na moce vakayalo ogo, sa na vakavuna kina noda sogota vua na i taukei ni Lotu na katuba me curu mai ka mai veitokani vata kei keda.
Sa kena gauna vinaka me sa rauta na noda moce vakayalo, ka yadra mal me da dolava na katuba vei Jisu kei na nona Yalo Tabu me tosoi keda ki liu.
Efeso 5: 14 "O iko sa moce mo yadra mai, ka tu cake mai na mate, ena qai vakararamataki iko na Karisito."

ULUTAGA ME MASULAKI:
Me da masulaka na nodra vakayadrati na moce tu vakayalo ena loma ni Lotu i Jisu eda lewena.

NA KENA I VAKAMACALA

Na tikina oqo e vakamacalataka na nona gagadre na i taukei ni were me curuma yani na i teitei, ka marautaka na vua ni veivunikau e tu kina. Na i boiboi ni were e i tukuni ni vakacacabo kei na yalodina ni veiqaravi. Na liwa ni cagi mai na vualiku kei na ceva me rawa ni vakabulabulataka ka me solia ki na were na kena i kanakana era na taleitaka na tamata.
E vukei keda na noda tikina me da raica kina na veiwekani ni Lotu kei
Karisito me vakataka na were kei na kena i taukei. E bulabula na were baleta ni drodro tu na kena uciwai, e liwava tu na kena cagi bulabula ka yadravi tu vei koya na kena i vakatawa.
Me tubu bulabula na Lotu i Jisu Karisito, me vua, me solia na kena i boi vinaka, eda na rawata ga ni veiliutaki na Yalo Tabu ena noda bula o keda eda sa vakabauti koya. Me da lako ena kaukauwa ni Yalo Tabu me rawa ni mana kina na veiqaravi
laucoko eda vakayacora e na nona were, sa ı koya na nona Lotu. Me yadravı me kakua ni cavuka na noda veisematı vata keı koya. Me rawatı kina na tubu kei na vuavuai vakalevu. Ko Karisito na i taukeı nı Lotu ka gadreva me tubu bulabula na nona Lotu, ia, me da vakatara me liwavi keda tikoga na cagi bulabula ni Yalo Tabu ena noda bula, ena keda maliwa, me da vakayacora rawa kina na nona i naki savasava na Kalou.

ULUTAGA ME MASULAKI:
Me da masulaka me veituberi na Yalo Tabu ni Kalou ena kena sagai me vakabulabulataki nona were na Kalou, sa i koya na Lotu.