Child Houses

ببداية وحدة من جلسات الدعم النفسي، كان في طفل صغير اسمه عمر، رفض تماماً نصوره🙅🏻
بس بعد وقت من الأمان والثقة، رجع إلنا بطلب مختلف 🫣
حكالنا إنه ما بده صورة لوجهه، بس بده نصوّر حذاءه 👟
الحذاء اللي اختاره بنفسه، واللي بحبه كتير، وبيلبسه “لما يكون في شي مهم”. 💚

واليوم، بالنسبة له، كانت الجلسة مهمة لدرجة إنه قرر يلبس هالحذاء تحديداً… لأنه كان منتظرها، وبيحس فيها بالأمان. 🫂✨
لحظات بسيطة متل هاللحظة، بتعرّفنا بشكل حقيقي على معنى الاستماع للأطفال، وإعطائهم المساحة ليقرروا، ويعبّروا، ويحسّوا إنهم مسيطرين على تفاصيلهم الصغيرة بعالم كبير وصعب. ❤️‍🩹

خلال هالجلسات، نحن عم نبني الثقة خطوة خطوة، لنرجّع للأطفال حقهم الأساسي بإنهم يحسّوا إنهم مسموعين، محترمين، وآمنين. 💚

هالإيدين الصغار كان لازم يحملوا ألعاب، مو أدوات شغل ما بتناسب حجمهم💔

اليوم، كتير من الأطفال بسوريا، بدل ما يفكروا شو بدهم يلعبوا، عم يفكروا كيف يقدروا يكسبوا شي يساعدوا فيه أهلهم أو إخواتهم، أو حتى كيف يناموا بدون جوع أو خوف. ❤️‍🩹

باليوم العالمي لمكافحة عمالة الأطفال، منتذكر آلاف الأطفال السوريين اللي اضطروا يكبروا قبل وقتهم. 🙏🏻

الطفولة حق، ولازم تكون مليانة تعلّم ولعب وفرص وأحلام، بعيد عن الأشغال الشاقة والخوف والمسؤوليات اللي أكبر من عمرهم.😔

وبهاليوم، منجدد التزامنا بالعمل حتى نساهم باستعادة الطفولة الآمنة للأطفال بسوريا، ونواصل المناصرة والمطالبة لأجل حق كل طفل بالأمان والتعليم واللعب، وبفرصة يعيش طفولته مثل ما بيستحق وبيحلم 🙏🏻💚