in7.tv

Një aksident i rëndë ka ndodhur sot në qarkoren e Shkupit. Ende nuk ka informacione zyrtare për numrin e të lënduarve apo për shkaqet e aksidentit. Autoritetet ndodhen në vendngjarje dhe po punojnë për zbardhjen e rrethanave.

Bota serbe dhe Vučko tashmë janë faktor kyç në vendimmarrjet e premierit Micko dhe rrugës së devijuar europiane sipas mësimeve të gospodin Vučkos.

Shqiptarët anë e mbanë të trojeve shqiptare duhet t'i kthejnë sytë nga Shkupi dhe jo nga protestat e Tiranës e cila është çështje e brendshme e qeverisjes së shqiptarëve, por nga Shkupi, ku bota serbe po bën kërdinë me gjuhën dhe identitetin tonë kombetar dhe anëtarja e kooalicionit, fatkeqësisht një parti shqiptare rri si gur varri dhe vështron sesi po shtypet dhe përdhoset gjuha dhe identiteti ynë kombëtar.

Dhe pikërisht, pas dy vitesh kakaritje me premtimet dhe zotimet e tyre vredistët tashmë kanë ngelur si p**a të lagura në kotecin e pallatit të bardhë, pa ndryshimet kushtetuese, pa arritur ta heqin nga kushtetuta nofkën e turpit 20% dhe pa arritur ta sjellin "Ndryshimin" e madh të premtuar gjatë fushatës zgjedhore.

Përkundrazi, shefi i tyre Micko na solli botën serbe të ulur këmbëkryq në Shkup e Tetovë dhe gjithandej ku flitet shqip, apo kur e sollën në kabinetin qeveritar Stoilkovićin si emisarët i Vučkos, përmes bankave dhe investimeve, përmes rikthimit të fantazmave të së kaluarës si druže Tito dhe JNA nëpër sheshet dhe në rrugët tona me shumicë shqiptare dhe gjithçka antishqiptare në ambientet tona.

Kjo është një arsye më shumë për djemtë plengëprishës nga Shkupi dhe Tetova që sot i "thërret atdheu" për të protestuar dhe kërkuar dorëheqjen e pinjollit të Beogradit, premierit të Severnistanit Micko, i cili ka devijuar nga rruga drejt Brukselit përmes një dishese drejt Beogradit dhe Moskës.

Detyra kombëtare e djemve patriotë që i "thërret atdheu" nuk i solli në protestën e Tetovës, kundër politikës antishqiptare të premierit Micko ndaj mohimit të gjuhës shqipe dhe rifëlliqjes së shesheve tona me emra të qoftelargut, por përkundrazi, i pamë shumë krenarë në protestën e Tiranës, ku kërkonin rrëzimin e kryeministrit Rama për gjoja sh*tjen e Zvërnecit izraelitëve.

Ndërsa kanë njëmijë arsye për të protestuar dhe për të kërkuar dorëheqjen e kryekomitit Micko, këta djem plëngeprishës të ndërsyer nga.krerët e VREDI-t, ia mësynë Tiranës për t'i kërkuar Ramës dorëheqjen sikur ata ta kishin votuar dhe tani i kërkonin llogari?

A nuk e shohin trishtimin dhe dështimin e tyre hyzmeqarët vredistët në këtë qeveri antishqiptare, por po gjejnë ngushëllim dhe kënaqësi për t'i dërguar xhonturqit e tyre si kamikazë në Tiranë, ndërsa gjuha shqipe dhe identiteti ynë kombetar po përdhoset çdo ditë e me shumë nga ndikimi i botës serbe dhe sundimtari i ri i Severnistanit Micko.

Shqiptarët e kësaj ana të Ilirisë kanë njëmijë arsye per të protestuar, duke kërkuar dorëheqjen e pinjollit serb siç është kryekomiti Micko nga pallati i bardhë në Shkup, pasi nuk e ka besimin dhe as përfaqëson shumicën shqiptare, por një pakicë servile që për hir të pushtetit ka shkelur interesat kombetare.

(Nga: Medai Shaholli)

Një tragjedi e rëndë ndodhi sot pranë fshatit Pastuh, në komunën e Nevestinos afër Kyustendilit, ku katër persona humbën jetën duke u mbytur në lumin Struma.
Sipas mediave bullgare, gjyshi dhe gjyshja kishin dalë për piknik pranë lumit së bashku me tre nipërit e tyre, të moshës 6, 8 dhe 11 vjeç. Çifti i moshuar hyri në ujë, por u rrëmbye nga rryma e lumit. Dy fëmijët më të mëdhenj, 8 dhe 11 vjeç, u futën në ujë në përpjekje për t’i shpëtuar, por edhe ata u morën nga rryma.

Pas disa orësh kërkimesh, ekipet e shpëtimit gjetën trupat e pajetë të dy fëmijëve pranë vendit ku ndodhi ngjarja. Më herët ishin gjetur edhe trupat e gjysh*t dhe gjyshes.
Fëmija gjashtëvjeçar nuk hyri në ujë. Ai vrapoi drejt rrugës për të kërkuar ndihmë dhe, megjithëse ndodhet në gjendje shoku, është i padëmtuar. Në operacionin e kërkimit morën pjesë policia, zjarrfikësit, vullnetarët, dronët dhe varkat e peshkatarëve. Banorët e zonës thonë se lumi Struma në atë pjesë arrin një thellësi prej 8 deri në 9 metrash.

Nuk është marrë ende asnjë vendim përfundimtar për reformën e sistemit pensional, as për rritjen e mundshme të moshës së pensionimit. Qeveria fillimisht do të shqyrtojë analizat dhe rekomandimet që do të përgatiten nga Fondi Monetar Ndërkombëtar (FMN) dhe Banka Botërore, e më pas do të vendosë për hapat e mëtejshëm, deklaroi ministrja e Financave, Gordana Dimitrieska-Koçoska.
Duke iu përgjigjur pyetjeve të gazetarëve pas prezantimit të raportit dyvjeçar për punën e Ministrisë së Financave, ministrja tha se institucionet financiare ndërkombëtare do të realizojnë një analizë të detajuar të gjendjes së sistemit pensional, me theks të veçantë në shtyllën e parë dhe të dytë të pensioneve dhe qëndrueshmërinë e tyre afatgjatë financiare.
Sipas saj, analizat do të japin një pasqyrë më të qartë të situatës, por kjo nuk do të thotë se Qeveria do t’i pranojë automatikisht të gjitha rekomandimet.
Dimitrieska-Koçoska theksoi se një nga temat që mund të dalë nga këto analiza është edhe rritja e mundshme e moshës së pensionimit, por nënvizoi se për momentin bëhet fjalë vetëm për një mundësi dhe jo për një propozim konkret.
Ajo shtoi se personalisht mendon se duhet të mundësohet më shumë fleksibilitet, në mënyrë që qytetarët që duan dhe kanë mundësi të vazhdojnë të punojnë ta kenë këtë të drejtë, ndërsa ata që dëshirojnë të pensionohen sipas kushteve aktuale të mos detyrohen të qëndrojnë më gjatë në marrëdhënie pune. Sipas saj, profesionet kanë kushte të ndryshme pune, prandaj nevojitet një qasje më fleksibile.
Ministrja paralajmëroi se sfida më e madhe për sistemin pensional mbetet situata e pafavorshme demografike. Plakja e popullsisë dhe ulja e numrit të qytetarëve në moshë pune, sipas saj, përbëjnë një rrezik serioz për qëndrueshmërinë afatgjatë të fondit pensional, jo vetëm në Maqedoninë e Veriut, por edhe në shumicën e vendeve evropiane.