Pakistan Ki Awaz

مظفر آباد ہیلی کاپٹر حادثے کے شہداء کی نمازِ جنازہ مکمل فوجی اعزاز کے ساتھ ادا کر دی گئی۔ اعلیٰ فوجی حکام، ساتھی جوانوں اور لواحقین نے وطن کے ان بہادر بیٹوں کو زبردست خراجِ عقیدت پیش کیا جنہوں نے فرائض کی انجام دہی کے دوران اپنی جانوں کا نذرانہ پیش کیا۔
شہداء کے جسدِ خاکی اب ان کے آبائی علاقوں میں منتقل کیے جائیں گے، جہاں انہیں مکمل فوجی اعزاز کے ساتھ سپردِ خاک کیا جائے گا۔ اللہ تعالیٰ شہداء کو جنت الفردوس میں اعلیٰ مقام عطا فرمائے اور سوگوار خاندانوں کو صبرِ جمیل دے۔ آمین۔

پاکستان کرکٹ بورڈ (PCB) نے کراچی کے تاریخی نیشنل بینک اسٹیڈیم کو بین الاقوامی معیار کے مطابق جدید بنانے کے لیے تقریباً 5 ارب روپے (4.965 ارب روپے) کے میگا بجٹ کی منظوری دے دی ہے۔
اس بڑے تعمیراتی منصوبے کے تحت اسٹیڈیم کے پرانے اسٹرکچر اور انکلوژرز کو گرا کر دوبارہ اپ گریڈ کیا جائے گا، جس سے تماشائیوں کے بیٹھنے کی گنجائش بڑھ کر 50,000 تک پہنچنے کی توقع ہے۔
مشہور انجینئرنگ کمپنی نیسپاک (NESPAK) کی نگرانی میں بننے والے اس پراجیکٹ میں شائقینِ کرکٹ کے میچ دیکھنے کے تجربے کو بہتر بنانے کے لیے میدان کے سامنے لگی رکاوٹوں کو ہٹا کر اسے ایک جدید اوپن ایئر لُک دیا جائے گا جبکہ نئے وی آئی پی کارپوریٹ باکسز، اسٹیٹ آف دی آرٹ میڈیا سینٹرز اور کھلاڑیوں کے لیے بین الاقوامی معیار کے ڈریسنگ رومز بھی تیار کیے جائیں گے۔