Yassa Rady

بحب أتابع الحملات الكبيرة، خصوصًا لما السوق كله بيتكلم عن نفس الحاجة... والمرّة دي فودافون لعبتها صح 👌🔥

من فترة، كنت مستني أشوف شركات الموبايل في مصر هتعلن عن خدمات الجيل الخامس (5G) إزاي؟
السوق كله بيقدم نفس الخدمة تقريبًا، والميزة اللي الناس فاهمنها عنها هي: السرعة.
يعني ببساطة: مش هتعرف تتميز بسهولة!

📌 هنا في نقطة تسويقية مهمة جدًا اسمها:
Point of Parity (POP)
يعني ميزة مش حكر عليك، الكل بيقدمها، زي "السرعة" مع الجيل الخامس.

وفعلًا؟ كل الشركات بدأت تنزل بإعلانات بتقول نفس الرسالة تقريبًا:
"إحنا الأسرع... الإنترنت أسرع... المستقبل أسرع..."

لكن فودافون؟ قررت تطلع برا الزحمة دي.
لعبوا على حاجة مختلفة، مش مجرد السرعة...
اختاروا يلعبوا على فكرة: "أوسع تغطية 5G في مصر"
ودي اسمها في التسويق:
Point of Difference (POD)
يعني حاجة تميزك عن باقي السوق، تخليك منفرد.

◀️ ومع وجود محمد صلاح في الإعلان، الرسالة بقت مركبة وذكية:

استخدموا صورته وسرعته (فده بيدّي نفس الإحساس الطبيعي اللي عند الناس إن 5G = سرعة).

بس الرسالة الحقيقية كانت: "السرعة دي مش هتفرق لو مش عندك تغطية في كل مكان... وإحنا عندنا التغطية الأوسع."

وده فرق كبير بين إنك تقول "أنا الأسرع" زي الكل...
وبين إنك تقول: "الكل سريع، بس أنا الوحيد اللي هتستمتع بالسرعة دي في كل حتة!"

🎮 الحملة كمان كان فيها Gamification لطيف جدًا:
لعبة في أبلكيشن فودافون، بتجري فيها بمحمد صلاح، وبتكسب ميجابايتس كل ما تجمع نقط 5G…
كل ما تجمع أكتر، السرعة تزيد، وبتلف في أماكن متنوعة: مدن كبيرة، أحياء شعبية، ضواحي…
يعني حتى اللعبة نفسها بتخدم الرسالتين: السرعة + التغطية!

الصراحة؟ كنت متوقع إن كل الإعلانات هتكرر نفس فكرة السرعة، وده اللي حصل.
لكن اللي ما توقعتوش… إن فودافون تلعبها كده!
مفيش كلام… اللعبة الحلوة بتتقال عليها لعبة حلوة👏

يعني إيه المفارقة العكسية أو ال(‏ Reverse Irony)؟ 🤔

ببساطة، المفارقة العكسية هي إنك تقول حاجة بسخرية وتكون قاصد العكس تمامًا… يعني تعتذر عن حاجة المفروض إنها كويسة جدًا، فتوصّل المعنى بطريقة غير مباشرة.

هنا إعلان “ب لبن”:
أكرم حسني في الإعلان طالع بيقول: “آسفين علشان احنا جامدين” 😅
هو هنا مش بيعتذر فعلياً ، هو بيقولها بطريقة تريقة، وكأنه بيقول: “إحنا ناجحين لدرجة إننا مضطرين نعتذر عن النجاح ده!!!”

طيب ليه الطريقة دي بتشتغل؟

- بتخلي الناس تركز، فتفتكر الإعلان أكتر.
-بتدي إحساس بالثقة، وكأن البراند بيقول: “إحنا جامدين ومش محتاجين نقولها بطريقة تقليدية عادية”
-بتخلي الجمهور يتفاعل لأنه بيحس إن الإعلان ذكي ومختلف.

تعالى اقولك لو عندك بيزنس… إزاي تستخدم الفكرة دي؟

• لو المنتج بتاعك بيخلص بسرعة، ممكن تقول: “آسفين على نفاد الكمية… بس إحنا مش قادرين نلاحق على الطلب”

• لو عندك تقييمات عالية، ممكن تقول: “بجد متأسفين… كل الناس بتدينا 5 نجوم”

ايه رأيك في النوع ده من الإعلانات؟ وشوفته فين قبل كده؟👀

#بلبن