Cookfork1

ချင်း(ဂျင်း)ရနံ့မွှေးမွှေးလေး၊ ကြွက်နားရွက်မှိုရဲ့ ကြွပ်ကြွပ်လေးနဲ့ ခပ်စပ်စပ်လေး စားကောင်းတဲ့ ဟင်းလေးတခွက်ပါ။ ထိုင်းဟင်းချက်နည်းကို အနည်းငယ်လေးပြောင်းထားပါတယ်ခင်ဗျာ။

ပါဝင်ပစ္စည်းများ
အရိုးထွင်ထားတဲ့ ကြက်ပေါင် တချောင်း ကို တကိုက်စာအချောင်းရှည်ရှည်လေးလေလှီးထားပါ။
အသားနှပ်ဖို့အတွက်
ကော်မှုန့် + ဟင်းချက်အရက် + ပဲငံပြာရည်အကြည် = ၁ ဇွန်း (စားပွဲတင်ဇွန်း) စီထည့်ပြီးအရသာနှပ်ထားပေးပါ။ မိနစ် ၃၀ လောက်နှပ်ထားပေးပါ။
ချင်း (ဂျင်း) ကို ပါးပါးရှည်ရှည်လေး လှီးဖြတ်ပေးထားပါ။ လက် ၂ ဆစ်စာလောက်သုံးပါတယ်။
ဂျပန်ရှိတာကေ မှို ခြောက် - အနည်းငယ် နဲ့
ကြကွ်နားရွက်မှို - အနည်းငယ် ကို ရေဆေးပြီး ရေကြိုစိမ်ပေးထားရပါမယ်။

ဒယ်အိုးထဲမှာ ဆီ ကို စားပွဲတင်ဇွန်း ၃ ဇွန်းစာထည့်ပြီး ဓားပြားရိုက်ထားတဲ့
ကြက်သွန်ဖြူ -အနည်းငယ် ကိုမွှေးလာအောင်ဆီသတ်ပေးပါ။ အသားတွေ ကျက်လာပြီဆိုရင်
ငရုတ်သီးခြောက် - အနည်းငယ်
နာနတ်ပွင့် - ၁ ပွင့်
ထည့်ပြီးမွှေပါမယ်။
တရုတ်ပဲငပိအစပ် - ၁ ဇွန်း (စားပွဲတင်ဇွန်း)
သကြား - လက်ဖက်ရည်ဇွန်း ၁ ဇွန်း
ခရုဆီ - အနည်းငယ်
ပဲငံပြာရည် - အနည်းငယ်
ထည့်ပြီး မွှေပေးပါ။ အနည်းငယ်မွှေပေးပြီးရင် ပါးပါးလှီးထားတဲ့ ချင်း (ဂျင်း)နဲ့ ရေစိမ်ထားတဲ့မှိုတွေထည့်ပေးပါ။ အကြာကြီးကြော်စရာမလိုဘဲ ခဏလေးကြော်ပြီးရင် နောက်ဆုံးမှာမှ နှမ်းဆီအနည်းငယ်ထည့်ပေးရင် ချင်း(ဂျင်း)ကြက်မှိုကြော်လေးကို သုံးဆောင်နိုင်ပြီဖြစ်ပါတယ်ခင်ဗျာ...

မြန့်မာ့ရိုးရာမုန့်လေးတခုဖြစ်တဲ့ မုန့်သိုင်းခြုံလုပ်နည်းလေးပါ။ အဟာရလည်းရှိပြီး လုပ်ရတဲ့ လွယ်တာမလို့ အိမ်မှာ အလွယ်တကူလုပ်စားနိုင်ပါတယ်.

မုန့်သိုင်းခြုံထဲမှာ အစာထည့်ဖို့အတွက် အုန်းသီး သကြားနဲ့ဆားလိုအပ်ပါတယ်။ အုန်းသီးကို ကျွန်တော်က ၁လုံးခွဲခြစ်ထားပါတယ်။
ဒယ်အိုးထဲ ဆီလေး အနည်းငယ်ထည့်ပြီး သကြားနဲ့ဆား။ အုန်းသီး ထည့်ပြီး ၅ မိနစ်လောက် မီးအေးအေး ထည့်ပြီး လှော်ပေးပါ။ ယိုပုံစံမဟုတ်တဲ့အတွက် အကြာကြီး အပူပေးစရာမလိုပါဘူး။
မုန့်သိုင်းခြုံမှာ ကြက်ဥ များမှ ပိုစားကောင်းတယ်လို့တော့ ထင််မိပါတယ်။ ကျွန်တော်က ကြက်ဥ ၃ လုံး သုံးပါတယ်။ ကြက်ဥတွေကို ခေါက်ပေးထားပါ. ကောက်ညှင်းမှုန့် ၁ ခွက် (နို့ဆီဗူး ၁ ဗူး) ဆန်မှုန့် ထမင်းစားဇွန်း ၁ ဇွန်း
ရေက ၁ ခွက် (နို့ဆီဗူး ၁ဗူး) ။ ဆား အနည်းငယ်ထည့်ပြီး အားလုံး သမအောင်မွှေပေးပြီး နာရီဝက်လောက် အခန်းအပူချိန်မှာ နှပ်ထားပေးပါ။ မုန့်နှစ်အပျစ်အကျဲက အခန်းအပူချိန်မှာ ထားထားတဲ့ နို့ဆီ ရဲ့ အပျစ်အကျဲနဲ့ အလားတူပါ။
ဒယ်အိုးထဲမှာ ဆီ လေးအနည်းငယ်ထည့်ပြီး မီးအားသေးသေးလေးပဲ အပူပေးပါ။ ကြက်ဥပါဝင်မှုများတဲ့အတွက် မီးအားပြင်းရင်ကြက်ဥက မာသွားပြီး မုန့်ခေါက်ရတာ အဆင်မပြေဘဲ မုန့်သားတွေကျိုးသွားနိုင်ပါတယ်။
အုန်းသီးအစာကို စားပွဲတင်ဇွန်း ၂ ဇွန်းစာလောက်ပဲထည့်ပေးပါ။ ၅ ထောင့်ပုံခေါက်ပြီး မီးအေးအေးနဲ့ပဲ အပူပေးပါ။မုန့်သားက အရောင်ပြောင်းသွားမှ ပိုပြီးစားကောင်းပါတယ်။
မုန့်သိုင်းခြုံကို တချို့တွေက ဂျုံမှုန့်နဲ့လုပ်ကြပေမယ့် ကောက်ညှင်းမှုန့်နဲ့လုပ်မှသာ စျေးမှာရောင်းတဲ့အရသာအတိုင်း တူမှာဖြစ်ပါတယ်။ အချိုကြိုက်ရင် မုန့်နှစ်ထဲကို နို့ဆီ အနည်းငယ်ထည့်ပြီးဖျော်ပေးလို့ရပါတယ်။

ရေနွေးငွေ့နဲ့ ပေါင်းပြီးလုပ်တဲ့ မုန့်လေးပါ..

ပါဝင်ပစ္စည်းများ
ဘက်စုံသုံးဂျုံမှုန့် - ၂၅၀ ဂရမ်
ဆန်မှုန့် - ၁၀၀ ဂရမ်
သကြားအညို သို့ ကြံသကာ - ခွက်တဝက်
သကြားအဖြူ - ခွက်၃ပုံ၁ပုံ
ရေနွေး - ၃၅၀ မီလီလီတာ
ဘိတ်ကင်းပေါင်ဒါ Baking powder - 5 tsp (လက်ဖက်ရည်ဇွန်း ၅ ဇွန်း)

发糕的做法