Sada E Raza

Sarkar Aalahazrat Imam Ahmed Raza
Fazile Barelvi Yunh Farmate Hai...

Waah Kya Martaba Hai Gaus Hai Baala
Tera
Oonche Oonchon Ke Saron Se Qadam
Aala Tera

Sar Bhala Kya Koi Jaane Ke Hai Kaisa
Tera
Auliya Malte Hai Aankhein Wo Hai
Talwa Tera

Kya Dabe Jis Pe Himayat Ka Ho Panja
Tera
Sher Ko Khatre Mein Lata Nahi Kutta
Tera

Tu Husaini Hasani Kyun Na
Muhiyyuddeen Ho
Aye Khizr Majma E Bahrain Hai
Chashma Tera

Qasmein De De Ke Khilata Hai Pilata Hai
Tujhe
Pyara Allah Tera Chaahne Wala Tera

Mustafa Ke Tane Be Saye Ka Saaya
Dekha
Jis Ne Dekha Meri Jaan Jalwa e Zeba
Tera

Ibne Zehra Ko Mubarak Ho Uroos e
Qudrat
Qadri Paayen Tasadduq Mere Doolha
Tera

Kyun Na Qasim Ho Ke Tu Ibne Abil
Qasim Hai
Kyun Na Qadir Ho Ke Mukhtar Hai Baba
Tera

Nabavi Menh Alavi Fasl batooli Gulshan
Hasani Phool Husaini Hai Mahekna Tera

Nabavi Zil Alavi Burj Batooli Manzil
Hasani Chand Husaini Hai Ujala Tera

Saare Aqhtaabe Jahan karte Hai Kaabe
Ka Tawaaf
Kaaba Karta Hai Tawaafe Dare Wala
Tera

Jo Wali Qabl The ya Baad Hue Ya Honge
Sab Adab Rakhte Hai Dil Me Mere Aaqa
Tera

Tujh Se Dar,Dar Se Sag,Aur Sag Se Hai
MujhKo Nisbat
Meri Gardan Mein Bhi Hai Door Ka Dora
Tera

Is Nishani Ke Jo Sag Hain Nahi Maare
Jaate
Hashr Tak Mere Gale Mein Rahe Patta
Tera

Bad Sahi Chor Sahi Mujrim O Nakaara
Sahi
Aye Wo Kaisa Hi Sahi Hai To Kareema
Tera

Mujh Ko Ruswa Bhi Agar Koi Kahega To
Yunhi
Ke Wahi Na Woh RAZA Banda E Ruswa
Tera

Hain RAZA Yun Na Bilak Tu Nahi Jayyid
To Na Ho
Sayyide Jayyide Har Dahar Hai Maula
Tera

Fakhr e Aaqa Mein RAZA Aur Bhi Ek
Nazam e Rafee
Chal Likha Layein Sana Khwanon Mein
Chehra Tera

Ya RAB dare RASOOL Ki Mitti Naseeb Ho
Nikle Jo Dam Mera To MADINA Qareeb Ho
Aaye Naz'a Ka Waqt To Aisa Bhi Ho Karam
Ya ALLAH
SARKAR-E-Do Jahaan Ka Kalma Naseeb
Ho

Nigahe Akidat Bichhakar to dekho,
Ujale ki Duniya me Aakar to Dekho,
Yahin se Madeena Nazar Aayega,
Bareilly Ka Surma Lagakar to Dekho.