fedaa__ghabayen

طريقة السماقية
كيلو ونص بصل
نص كيلو لحمه او اكتر ع حسب ما بدكو
٣ كيلو سلق او ربطتين
كاسة كبيرة حمص  مسلوق او ع حسب رغبة
٢٥٠جرام سماق بلدي  بغليه وبنقعه قبل بيوم
وكاسة طحين
وكاسة صغيرة من الطحينة الحمرا
وكاسة صغيرة من الزيت
هلا  بنحمي الزيت  نباتي وبضيف البصل و بضيف ملح وفلفل اسود  وبس يدبل
بضيف اللحمة والحمص وبنتركهم ع نار هادية 
لحتى تستوي شوي اللحمه
هلا بقطع السلق وبفرمه
ملاحظة بس الورق بفرم
بعدين بغسلو كتير كتير كتير منيح  وبصفيه...
وبضيف السلق بتدريج ع البصل واللحمه  وبضل احرك من  تحت لفوق  لحتى تدبل كل المكونات وبسيبو يتسبك شوي ع النار طبعا
بعمل الدقة هي عبارة عن
جرادة خضرا
و عين جرادة
وشطة
وملح
وراس ونص ثوم
وفلفل  اخضر
ع حسب الرغبة كيف بتحبوها وبدقهم سوا او اخلطوهم ع  الخلاط  ...
بعدين بضيف ميا  مغليه ع السلق وبضيف الدقة الى عملتها وبضيف ملح  وبنحرك وبعدين بخليهم ع النار ليتسبكو
لتحضير السماق ....
بجيب السماق الى غليته ونقعته
بطحنو  ع الخلاط وبصفيه ف المصافية منيح كتير  وبضيف كاسة من الطحين مع السماق
ع حسب كيف بتشوفي تماسك السماقيه   بضيفي طحين ... بعد ما تتسبك منيح بضيف الطحينة الحمرا
وزيت الزيتون وصحة وعافية 🥰