Chez Fida

Truffes de dattes

معلومة مفيدة 😀
شنوا الفرق بين la pâte a glacer w chocolat de couverture
-الاثنين عندهم نفس المنظر (شكلاطة) لي يجي يشري يلقى الي غطاها ابيض ارخص بثلاثة مرات يشريها و في بالو خذا شكلاطة وهي في الحقيقة عجينة متكونة من نسبة كبيرة متاع سكر، منكهات و زيوت مهدرجة و باش تاخذ اللون البني يحطو نسبة ضعيفة متاع كاكاو يعني لا علاقة لها بالشكلاطة جملة.
-في حين لي غطاها احمر هي شكلاطة و من النوع الرفيع زادا ، كيما نعرفو قيمة و بنة الشكلاطة تتقاس بحسب قداش فيها كاكاو ،و هاذي فيها نسبة عالية 72% و بنسبة قليلة زيوت و سكر .
-و بالطبيعة الفرق في السوم كبير وحدة كيلوها ب 10د و الثانية ب 28د
-نشوف برشا ناس تعمل كايك الشوكولا بطوابع pâte a glacer و هذا غالط المفروض يحطو بودر كاكاو (اصل الشوكولا) تطلع لونها غامق و بنينة ، كيف كيف زادا في creme au beurre
-القاتو لي ب 30د و 40د يبيعو فيه على اساس قاتو شوكولا هو بالطبيعة موش بالشوكولا هو بالpâte a glacer و ديجا les pâtisseries لي يخدمو بالchocolat couverture يتعدو عالصوابع.
-شكلاطة مايسترو و شكلاطة سعيد مثلا خير و ابن من شكلاطة milka لي فيها اكثر زيوت و اقل كاكاو ( لكن احنا عندنا عقلية شكلاطة الخارج ابن 😀)