https://www.facebook.com/104605166261727/

Fly Free

12/11/2020

فما catégorie متع بنات ..اكلى تعاشرها سنوات و ماتنجمش تعرف شنية الطلعة الجديدة لى تنجم تتطلعلك بيها.. قادرة انها تهبلك فى راسك كل مرة.. لا تنجم تسيبها لا تخليها.. هى خارج اطار التصنيف.. شكشوكة .فى مضهرها..فى لبستها فى مشاعرها.. داخلة فى حيط.. اليوم تمكيج وتلبس احلى لبسة وتضهر محلاها وغدوة عادى تلبس عادى ما يقلقهاش ..لاهية بروحها ع لخر وفى فترة عادى تخرج بجبة.. لاهى قراية لاهى بهيمة.. معندهاش موهبة ولا فالحة فى حاجة وفى نفس الوقت تعرف كل شيء وتنجم تحكيلك فى كل شيء وتناقشك فى اى موضوع .. لاهى سمينة لاهى ضعيفة.لاهى طويلة لا هى قصيرة..لاهى عاقلة لاهى كلوشارة.. ذكية ع لخر وفى نفس الوقت تتبوهم .. معندهاش نوع متع موزيكا محدد تحبو و معندهاش couleur معين تحبو.. تحب كل شيء و ما تحب شىء.. تنفح فيسع وتتعلق فيسع.. وتنسى فيسع.. حالة من البلادة والزين والعين و الشارم البرشااا.. يعنى دخلك بعضك و ماتخليكش تاخو منها موقف محدد..لا تنجم تكرهها لا تنجم تحبها.. هى بيدها ما يقلقها شىىء وفى نفس الوقت تتوجع من اقل حاجة..لسانها طويل وفى نفس الوقت ساعات يخونها وماتنجمش تتكلم او تدافع على روحها..ضحاكة و جويست وفى نفس الوقت تحب تقعد وحدها و تشيخ كان كى تقعد وحدها.فيسع تتنرفز وفيسع ترضى. فى لحظة تحبك وفى لحظة تكرهك. عادى تبعثك مهما كنت عندك قيمة عندها وعادى من غدوة تعملك فيلم تخليك تركح..العلاقة مع ها النوع هذا عبارة على أكا المترو اللعبة يدور على روحو. لا تحبك لا تصبر عليك.. تخليك حاير ها الطفلة شنيا حكايتها.. مرة تحكى معاك 24/24 وفى لحظة معش تحكى معاك جملة.. لا يغريها لا فلوس لا لبسة لا السخط..ما يغريها شيء وفى نفس الوقت تحب تاخو شويا من كل حاجة .. لى يعرف وحدة كى هكا..لازمو دوايات متع اعصاب و برشاا وسع بال و دم بارد . اما soyez sûre الربع ساعة معاها خير من عام مع طفلة اخرة.. عمرك ما تنجم تقلق منها وحتى كانت حبيت طفلة كيفها باش تقعد فى بالك سنين وسنين.. وباش دخلك في حيط و تهبلك معاها.. 📷♥️💕😍
#منقول