Gamma Conseil

السلام عليكم 👋 حسب ما قاعد نشوف ثمة برشة ناس تحب تهاجر لكندا 🇨🇦 و الكل عندهم نفس المشكل اللي هو البخل و يحبو كل شي حاضر و يحب يخرج من غير ما يتعب رغم اللي كل شي موجود على الإنترنت و يوتيوب جيست اتعب شوية برك
لا علينا هاني بش نحاول نبسطلكم الموضوع و نعطيكم طرف الخيت.
اول خطوة لازمك تعمل cv +lettre de motivation موادال كندي
ثانيا؛ ثمة زوز ثنايا و انت و مؤهلاتك العلمية و اللغوية
يعني كأنك بارع في اللغتين الفرنسية و الانڨليزية تمشي تعمل اختبار لغة tcf و بيه هو تصب في arrima ou entrée express على المواقع الرسمية و إلا تكلف محامي يقوملك بالإجراءات بمقابل بالطبيعة.
و الثنية الثانية اللي هي تحب برشة صبر و شوية زهر و اللي هي المواقع الرسمية لدولة كندا و هذي قايمة فيهم يعني تصب cv متاعك و تعدى لين يسهل ربي و ثمة زادة برامج انتداب تقوم بيهم الحكومة الكندية ديما كيما
Journées Québec en Tunisie
Talents Montréal
ديما أدخلولهم و شوفو وقتاش يحلو و قتاش يسكرو خاطر يخرجو في نسبة كبيرة من اليد العاملة التونسية بصفر مليم تقريبا.
في المرحلة الثالثة كي يسهل ربي و يجيك إمايل من عند إحدى الشركات هنا تبدأ الفرحة بش يطلبو منك entretien يا عن بعد و إلا حضوريا انت و المشغل و في الحالتين نفس الأسئلة تقريبا موجودين على اليوتيوب تحضرهم و توكل على ربي و بعد ما تتقبل إن شاء الله المشغل يبعثلك العرض اللي هو عقد مبدئي توافق عليه و ترجعهولو و هو يصبلك CAQ ET EIMT بش توافقلو الحكومة الكندية يجيبك لكندا مالا انت وينك و الإجراء هذا ياخذ شوية وقت و انت تستنى على أعصابك و نهار اللي يجيوك هالورقتين انجمو نقولو بدت تسلك بيهم هوما تصب تصريح العمل اللي هو أهم من الفيزا و المرحلة هذي معقدة شوية يعني تكلف محامي يصبلك خير و المرحلة هذي زادة تشد شوية وقت مالا ساهل هو رأي كندا و بعد جاك تصريح العمل هنا تنجم تفرح و تفرق الشروبو على خاطر تتسمى سلكتها تمشي تهز باسبورك و تستنى الفيزا أيامات و تقصد ربي
و هاذي قايمة متع مواقع العمل الرسمية الكندية صبو فيها و ما تبخلوش
https://phoenixgmi.com/
https://www.canari.ca/accueil/
https://vitae-recrutement.com/
https://www.hesedrecruit.com/
https://rmrecrutement.ca/services/recrutement-international/
https://esco-solutions.com/
https://www.h360ressources.com/available_jobs
http://oceanrecrutementinternational.com/
https://fr.linkedin.com/
https://www.guichetemplois.gc.ca/accueil
https://www.monster.ca
و إنشاء الله ربي يسهل للجميع

Phoenix-GMI pour recruter vos employés à l'international Phoenix-GMI est une entreprise québécoise spécialisée en recrutement international, soutien aux procédures d’immigration, obtention de permis de travail et de visa de séjour pour le Québec.