Lavender

📌 توضيح هام بخصوص سياسة التوصيل والترجيع 📦✨
عسلامة،
بما إنو ثقتكم هي راس مالنا، وباش نحافظوا على جودة القطع اللي توصلكم ونقدمولكم أحسن خدمة، حبينا نوضحوا نقاط مهمة تخص طلباتكم:
✅ التثبت عند الاستلام:
تنجموا تحلوا الكولي فقط باش تتأكدوا إنو القطعة اللي طلبتوها هي بيدها اللي وصلتكم (يعني نضمنولكم إنو السلعة مطابقة للطلب وماهيش حاجة أخرى).
❌ ممنوع القياس أو الترجيع في الوقت:
إحنا متجر إلكتروني (Vente en ligne) ولسنا "نصبة" أو محل تجاري. حلان الكولي والقياس ثم رفض الخلاص يتسبب في:
خسارة في مصاريف التعليب (Emballage).
دفع مصاريف شحن إضافية للرجوع (Frais de retour).
السلعة تقعد "مطيشة" في مستودعات شركة التوصيل لمدة طويلة، مما يعرضها للاتساخ، التمزق، أو ضياع موسم بيعها (Season).
📸 الواقع كما هو:
إحنا نوفرو فيديو وصور حقيقية 100%، ونحاولوا نقربولكم الواقع لأقصى درجة، ونجاوبوا على كل أسئلتكم قبل ما تبعثوا الطلب باش تشريو وأنتم مقتنعين.
🛡️ حقكم مضمون:
في حال استلمتوا القطعة ولقيتوا فيها أي خلل (Défaut) من عندنا، حقكم في التبديل مضمون في أجل يومين، ومصاريف التوصيل تكون علينا إحنا.
وإذا تحب تبدل القياس (Taille)، إحنا في الخدمة ونبدلوهولك ومصاريف التوصيل تكون على الحريف.
🙏 كلمة من القلب:
إحنا نحرصوا باش توصلكم قطعة نظيفة، جديدة، وبجودة عالية. "خافوا ربي في رزق غيركم، كما نخافوا ربي فيكم وفي خدمتكم."
شكراً على تفهمكم وعلى ثقتكم اللي ديما تشجعنا! ❤️