ISPA

Port de Menzel Abderrahmane lagune de Bizerte

عسلامة شعب ال TunSea 😃
‏‎الجواب على اليوم 3️⃣ من
اليوم دوري باش نقدملكم روحي باش تعرفوني كيما عرفتو أصدقائي الزرقاية و القرش الأبيض الكبير و توليو تعرفوني و ما تغلطوش فيا:
اسمي العلمي Carcharhinus plumbeus 🦈
كيفاش تنجمو تعرفوني 🤔
نتميز بشكل خاص: ظهري لونو رمادي بنّي بينما سطح كرشي ابيض و عينيا كحل و صغار
خطمي قصير، واسع و مدوّر،
الزعنفة الظهرية متاعي مثلثة، عريضة و طويلة برشا
بدني خشين و مترفس و طولي متوسط ينجم يوصل ل2,5 أمتار، و الاناثي عندنا أكبر من الذكور
نعوم قريب من السواحل في الخلجان ولا مصبات الوديان اما الاكثر تلقاوني بين 20 و 80م و نجّم نغطس لعمق 1800 م
فترة الحمل متاعي تقعد بين 8 و 12 شهر و نجيب بين 1 و 16 صغير.
‏‎⛔️ نوعي معرض للخطر (vulnérable ) على الصعيد العالمي من قبل IUCN 🚨🛎
‏‎⛔️ في البحر الأبيض المتوسط راني مصنف مهدد بالانقراض (en danger )❌
⛔️ في تونس 🇹🇳 ‏‎انا ضحية الصيد العرضي و فما شكون يصطادوني بالذمة بالبلنقري ⛴⛵️🛥🚤
⛔️ حسب إتفاقية برشلونة، لازم ترجعوني حي للبحر 📣📢🔊
⛔️ مصنف من الانواع الممنوعة من الصيد
و بالرغم من هذا، بالذمة يصطادوني و بأغلى الأسوام يبيعوني 😪 لحمي ياكلوه و صغاري ينحيوهم من كرشي و يبيعوهم 😭😭
ناسين الي عندي دور مهم في التوازن البيئي ♻️ و بصفتي مفترس في قمة السلسلة الغذائية، لحمي يخزن المعادن الثقيلة الي هي موش باهية لصحتكم 🤢
✅️ يا بحار كي تشدني سيبني
✅️ يا مستهلك كي تشوفني في المرشي ما تشرينيش
اعرفوني و احميوني
عاونوني باش ترجع اعدادي بنسب مقبولة
احميوني نحميكم 💙







--‐--------------------------
Join us:
🌊 Page TunSea
🌊 Groupe TunSea
🌊 Chaîne YouTube : https://youtube.com/channel/UCJmL7T7dE3Eb1ER7duMbSgA