OTV Timor Leste
Compartilhar
13/06/2026
Asaun Protesta Iha Indonézia Husi Estudante Universitáriu No Sosiedade Sivíl Sira Kona Ba Folin Mina Sae No Ezije Atu Halakon MBG
- Manifestasaun nebe mai husi estudante no sosiedade sivíl sira mosu iha loron rua ikus, Hafoin loron da huluk iha Kapital Jakarta no sidade sira seluk iha loron-sesta (12 juñu), ema atus resin hosi movimentu Aliansa Populár Calling halo manifestasaun iha kruzamentu Rua Gejayan iha Yogyakarta iha loron-sábadu loraik (13 juñu).
Durante iha asaun, manifestante sira espresa sira nia deziluzaun ba Prezidente Prabowo Subianto kona-ba polítika no kondisaun lubuk ida ne'ebé maka povu Indonézia hasoru, inklui dezigualdade ekonómika, korrupsaun, taxa troka osan rupiah ne'ebé maka kontinua tun ka fraku inklui folin kombustivel ne'ebé maka sa'e, no kestaun impostu sira ne'ebé mos fó todan ba Empreza Mikro, Ki'ik no Médiu sira.
Movimentu ne'e halo ezijénsia 10 ba governu, entre hirak ne'e husi sira maka atu hapara programa Hahán Nutritivu Gratuitu (MBG) ba eskola sira ne'ebé konsidera hanesan prone ba korrupsaun no laiha fiskalizasaun.
Iha loron da huluk iha sesta feira ne'e Estudante sira ne’ebé halo manifestasaun kontra aumentu folin kombustivel persiste hodi hakat ba Rotunda Hotel Indonézia, no Estudante sira nee mai hosi Universidade oioin iha kapital Jakarta persiste hodi la'o ba Rotunda Hotel Indonézia nian hafoin polísia tenta desvia manifestasaun ba edifísiu Kámara Reprezentante sira nian.
Relatóriu vídeo sira ne'ebé simu hosi BBC News Indonézia indika katak maizumenus tuku 1:00 loraik, manifestante sira balun hetan blokeiu hosi polísia besik Ponte Semanggi iha Jakarta Sentrál.
Polísia konfirma katak sira tenta atu desvia manifestasaun estudante nian ba Estátua Kuda ka edifísiu Kámara Reprezentante sira/Asembleia Konsultiva Populár (DPR/MPR).
BBC, detik.com
Timor-Leste
Bola Ne'ebé Uza Iha Tasa Mundiál 2026 Ho kombinasaun Teknolojia Intelijénsia Artifisiál ka AI
Bola Nebe uza iha kopa Mundiál 2026
Nebe konsidera Bola matenek
Tamba Uza Intelijénsia Artifisiál (AI) iha bola ne'e nia laran,
Bola ne'e kuandu hare husi liur, haree hanesan de'it. Maibé, iha laran, ne'e ekipadu ho teknolojia intelijénsia artifisiál ne'ebé permite bola atu lee to'o dadus 500 kada segundu.
Signifika katak kada suta ida-ida husi jogadór sira bola ne'e bele hetan monitorizasaun, hodi permite árbitru sira atu foti desizaun sira ne'ebé loos liu.
Bola ba Tasa Mundiál 2026 nian mos presiza hatama no karrega antes jogu hahú ka uza iha kampu laran.
Bola iha sensor sira ne'ebé maka akompaña nia fatin loloos kada vez ne'ebé maka kona.
Iha Tasa Mundiál tinan 2022 liu ba, sensor hirak ne'e tau iha kabel sira iha bola nia laran, maibé halo parte iha bola nia painél ida.
Dadus ida-ne'e kahur ho kámara hamutuk 12 iha estádiu nia sorin-sorin hodi buka tuir bola nia lokalizasaun loloos no jogador ida-idak dala 50 kada segundu.
• Dadus ne'e transmite diretamente ba VAR no sei uza hodi determina teknolojia liña baliza no desizaun sira offside nian.
Sensor sira ne'e kmaan tebes, jogador sira labele haree, no durasaun bateria nian tahan to'o oras 6 nia laran.
Timor-Leste
Clique aqui para solicitar o seu anúncio patrocinado.
Categoria
Entre em contato com o negócio
Telefone
Website
Endereço
Formosa
Dili
00670