Componente Terrestre

𝐊𝐨𝐦𝐚𝐧𝐝𝐚𝐧𝐭𝐞 𝐂𝐓 𝐂𝐨𝐫𝐨𝐧𝐞𝐥 "𝐃𝐎𝐁𝐔 𝐇𝐚𝐦𝐮𝐭𝐮𝐤 𝐡𝐨 𝐄𝐬𝐭𝐫𝐮𝐭𝐮𝐫𝐚 𝐧𝐨𝐦𝐨𝐬 𝐌𝐢𝐥𝐢𝐭𝐚𝐫 𝐒𝐢𝐫𝐚 𝐇𝐚𝐥𝐨 𝐑𝐞𝐟𝐥𝐞𝐤𝐬𝐚𝐮𝐧

(𝐌𝐞𝐝𝐢𝐚 𝐂𝐓) Komandante Componente Terrestre (CT) Coronel Operasaun Espesiais Domingos da Costa Soares " DOBU" hamutuk ho militár-sira husi CT, hahú husi ofisiais tó Prasas realiza refleksaun kalan hodi avalia serbisu hotu-hotu ne'ebé realiza ona iha tinan 2025, no preprara aan hodi kontinua asume misaun iha 2026.

Iha refleksaun kalan ne'e liu husi lian agradesementu, aman ba Componente Terrestre, Coronel "DOBU" ható agradese wain ba militár hotu-hotu, husi Componente Terrestre. Hahú husi Ofisiais tó prasas, ne'ebé durante ne'e hatudu prontindaun disiplina, serbisu makas nune'e ikus mai lori susesu ba Componente Terrestre.

"Sertifikadu apresiasaun ne'ebé sua Ezelensia Xefe Estadu Maior Jenerál Forsa Armada Tenente Jenerál Domingos Raul "Falur Rate Laek", entrega mai-ha'u laos mai ha'u de'it. Maibé mai-ita militár hotu-hotu husi Componente Terrestre, esforsu ne'ebé imi halo, buat di'ak ne'ebé imi hatudu mak ohin ha'u reprezenta imi hodi simu sertifikadu louvor ne'e", deklara Komandante CT iha Baze Baucau hafoin halo refleksaun kalan ho militár-sira iha Domingo kalan (14/12/2025).

Eiz Komandante Unidade FALINTIL, atuál Komandante CT Coronel "DOBU" husu ba militár hotu-hotu atu mantein ho rezultadu ne'ebé hatudu, atu nune'e bele halo mudansa ba Institusaun F-FDTL tuir aman veteranu no komandu F-FDTL nia mehi ba futuru.

"Iha kalan ida ne'e husu ba imi atu mantein ho ida ne'e, bele mós halo di'ak liu ida ne'e iha tinan oin mai. Aproveita mós ható ba imi ne'ebé sei ba feriadu iha Natal no tinan foun, husu atu hatudu nafatin imi nia disiplina hanesan militár iha sosiedade nia leet, ikus liu ható ha'u nia Boas Festa do Santo Natal no Tinan foun ba imi nia familia sira hotu, ne'ebé imi sei hamutuk hodi selebra loron importante hirak ne'e". Hatutan Coronel.

Partisipa Iha Kalan reflkesaun ne'e Komandante 1° Batalhão Tenente Coronel Infantaria Helio Filipe Dias Quintas, nomos Komandante 2° Batalhão Tenente Coronel infantaria Operasaun Espesiais " Comando" Bernardo Correia.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐌𝐢𝐧𝐢𝐬𝐭𝐫𝐮 𝐃𝐞𝐟𝐞𝐳𝐚 𝐕𝐢𝐳𝐢𝐭𝐚 𝐂𝐨𝐦𝐩𝐨𝐧𝐞𝐧𝐭𝐞 𝐓𝐞𝐫𝐫𝐞𝐬𝐭𝐫𝐞

(𝐌𝐞𝐝𝐢𝐚) Ministru Defeza (MD) Kontra-Almirante Donaciano Costa Gomes " Pedro Klamar Fuik" Ph.D Akompaña husi Xefe Gabinete, Xefe Estadu Maior Jenerál Forsa Armada Coronel Marcelino "Rizai" iha loron segunda-feira 15/12/2025, ne'e halo vizita ba iha baze Componente Terrestre (CT) Baucau.

Vizita refere simu direita husi Komandante Componente Terrestre Coronel Operasaun Espesiais Domingos da Costa Soares "DOBU" ho ofisiais sira husi Componente Terrestre.

Iha Vizita, Ministru defeza direitamente ba observa serbisu administrasaun kada seksaun-sira, komunikasaun, Kazerna, Klinika-militár, Produsaun be'e moos, lojistika inkui Enjeñeria.

Hafoin termina vizita Ministru defeza, deklara, dadaun ne'e, IX governu tau importansia hodi dezemvolve Enjeñeria no médiku, hodi nune'e bele responde ba asaun umanitária ruma ne'ebé urjensia.
iha biban ne'e membru IX governu ne'e husu ba superior sira, atu halo lista feitu kona-bá ekipamentu primaria sira ne'ebé presiza apoiu, nune'e bele apoiu ba militár-sira bainhira ba hala'o misaun.
Vizita refere, hanesan vizita daruak husi Ministru defeza mai iha Baze Componente Terrestre Baucau.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

𝐌𝐢𝐥𝐢𝐭𝐚𝐫 𝐂𝐓 𝐓𝐮𝐢𝐫 𝐑𝐞𝐭𝐢𝐫𝐮 𝐏𝐫𝐞𝐩𝐚𝐫𝐚 𝐀𝐚𝐧 𝐛𝐚 𝐓𝐢𝐧𝐚𝐧 𝐉𝐮𝐛𝐢𝐥𝐞𝐮

(𝐌𝐞𝐝𝐢𝐚 𝐂𝐓) Militar husi FALINTIL- Forsa Defeza Timor-Leste (F-FDTL) Componente Terrestre (CT) hamutuk ho Familia 200 casas Tuir Formsaun moral ba tinan Jubileu ho Tema “Tinan Grasa,Domin no tinan fiar nian” ne’ebe fo direita husi Madre Superior Lucia Soares, husi Canosa Dioseje Baucau, iha baze lanud Baucau,segunda-Feira,01/12/25.

Formasaun refere hanesan parte importante ida ba ema krisatun, prepera moral no ispiritual hodi ba fezteza tinan Jubileu nian.

Formasaun refere partisipa husi Segundu Komandate CT, Tenente Coronel Arlindo Da Silva “Loes”, 2°komandante Batalhão Tenente Coronel infantaria "Comando" Operasaun Espesiais, Gregorio B.Correira, Amu kapelaun F-FDTL kapitaun, Rui Gomes SDB, Sargento no parasa inklui familia 200 casas.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓