MAG+S Timor-Leste

Enkontru MAGIS (EMA) 4: Ha'u nia História Moris

Iha sesaun ida ne'e, ha'u rekolla ha'u nia jornada moris tomak: hahú husi vida infantil to'o vida adolescente. História Moris konvida ha'u/ita atu tama kle’an hodi koñese no buka hatene ha'u/ita nia-an lolos, atu simu an la ho julgamentu, koragem atu simu esperiensia di’ak no aat, midar no moruk. Ho grasa Maromak nian, esperiensia sira ne'e sei hariku ita no lori satisfasaun iha ita nia moris.

Salaun Parokial Railaco
Dia : 31/05/2026

Agradece wain ba:
Comunidade Jesuíta Railaco: Amu superior, Pe. Roberto, SJ, no membro sira hotu;
Orador: Mana Estefania
EQUIPA atividade MAG+S Railaco no membro tomak;
Estrutura MAG+S-TL;
Team Leaders; Facilitadores;
Participantes no BEST sira hotu.

Reza Terço hamutuk hodi taka fulan-Maio 2026. Agradese wain ba EKIPA sira no liuliu Madre Sonia Sangel, FdCC no komunidade Madres Canossianas, Lecidere.

Parabens ba BEST sira hotu ne’ebé selebra tinan moris iha fulan Maio🤩🎉🎉

Na’i Maromak haraik grasa wain ba BEST sira hotu🙏🏻

Cantina Bom Samaritano, NOSSEF, Railaco

17/05/2026

Sesaun: Koñese Ha’u-nia An

Iha seção ida ne’e foku liu ba hatene ‘ Se mak ha’u?’ no atu tulun belun sira haree aan rasik ida kle’an la’os kona-ba sai perfeito, maibé iha coragem atu simu aan loloos, kanek sira, força sira, no Maromak nia bolu iha moris.

Agradece wain ba:
Comunidade Jesuíta Railaco: Amu superior, Pe. Roberto, SJ, no membro sira hotu;
Orador: Pe. Hyoe Murayama, SJ;
EQUIPA atividade MAG+S Railaco no membro tomak;
Estrutura MAG+S-TL; Team Leaders; Facilitadores;
Participantes no BEST sira hotu.

Paróquia Ave Maria, Suai, 08 de Maio 2026

Loron Daruak

Belun sira halo atividade balun hanesan missa, limpeza, kuda aifunan, ba toos, no reza terço. Esperiensia ho família sira sei tulun sira hare moris husi perspektivu seluk.

Agradese wain ba família sira hotu ninia laran luak.