Indierium

Happy Birthday Mac DeMarco!

ဒီ​နေ့က​တော့ လက်ရှိ indie ​လောကရဲ့မင်းသားတပါးအဖြစ် လူသိများလှတဲ့ ကနေဒါဖွား​အင်ဒီး​ရောခ့်ဂီတသမား Mac DeMarco ရဲ့ (၃၆)နှစ်ပြည့် ​မွေး​နေ့ပဲဖြစ်ပါတယ်။

၂၀၀၈ ခုနှစ်​မှာ Makeout Videotape ဆိုတဲ့အမည်ဝှက်နဲ့ bandcamp မှာ သီချင်း​တွေစလုပ်ခဲ့တဲ့ Mac DeMarco ဟာ ၂၀၁၂ခုနှစ်မှာ indie label တစ်ခုဖြစ်တဲ့ Captured Tracks နဲ့စာချုပ်ချုပ်ပြီး​နောက် သူ့ရဲ့ပထမဆုံး mini album ဖြစ်တဲ့ Rock and Roll Night Club ကိုထုတ်​ဝေခဲ့ပြီး​တော့ ​​ဝေဖန်​ရေး​အများစုရဲ့အာရုံစိုက်မှုကိုခံခဲ့ရပါတယ်။ အဲ့ဒီ​နောက် 2 နဲ့ Salad Days အယ်လ်ဘမ်​တွေကိုထပ်မံထုတ်ခဲ့ပြီး​ Another Day အယ်လ်ဘမ်ထွက်ရှိချိန်မှာ​တော့ ​ငွေ​ကြေးအရ​​ရော ​ဝေဖန်​ရေး​အရပါ အောင်မြင်လာခဲ့ပါတယ်။

Mac DeMarco ရဲ့သီချင်း​တွေမှာ ၇၀ခုနှစ်ရဲ့ soft rock, psychedelic pop အ​ငွေ့အသက်​​တွေကိုခံစားရ​လေ့ရှိပြီး အဓိကအားဖြင့် သူဟာ ပြီးပြည့်စုံဖို့ထက် စစ်မှန်မှုကိုအသား​ပေးတဲ့ lo-fi production နဲ့ချည်းကပ်ဖန်တီး​လေ့ရှိတာကို​တွေ့ရမှာပါ။ ဒါကြောင့် သူ့ရဲ့သီချင်းတွေမှာ ​ခေတ်ဟောင်းအ​ငွေ့အသက်​တွေကိုခံစားရပေမယ့် တစ်ချိန်တည်းမှာပဲ ပြန်လည်ဆန်းသစ်လာတဲ့အသံ​တွေကိုလည်း ကြားရမှာပါ။ Steely Dan, John Lennon, Jonathan Richman, Haruomi Hosono တို့လို ဂန္ထဝင်ဂီတသမား​ကြီးတွေရဲ့လွမ်းမိုးမှု​ကိုလည်း သူ့သီချင်း​တွေမှာ ခံစားရမှာပါ။ စိတ်ထဲရှိသလို​အေး​အေး​ဆေး​ဆေးပေါ့​ပေါ့ပါးပါးနေတတ်တဲ့ဟန်ပန်ကလည်း သူ့ကိုလူချစ်လူခင်များရတဲ့အ​ကြောင်းရင်း​တွေထဲက တခုပါပဲ။

Mac DeMarco ဟာ ဒီ​နေ့အသက်(၃၆)နှစ်ပြည့်ပြီးချိန်ထိတစ်ကိုယ်​တော်အယ်လ်ဘမ် (၆)ချပ်နဲ့ mini LP (၂) ချပ်ထိထွက်ရှိထားပြီးပါပြီ။ ​မွေး​နေ့အမှတ်တရအ​နေနဲ့ ခင်ဗျားတို့အကြိုက်ဆုံး Mac DeMarco သီချင်း​တွေရှိရင်လည်း ​ပြော​ပေးသွားကြပါဦး။