Mike one day trip

📝မင်းက အဆင့်မြင့်ဆေးရုံမှာ မွေးတယ်
ငါက အိမ်မှာ လက်သည်နဲ့ မွေးတယ်။
ဒို့နှစ်ယောက်လုံး အသက်ရှင်နေထိုင်နိုင်ခဲ့ကြတယ်။

📝မင်းက ကိုယ်ပိုင်ကျောင်းက အောင်တယ်
ငါက အစိုးရကျောင်းက အောင်တယ်။
ဒို့နှစ်ယောက်လုံး အထက်တန်းကို အောင်ခဲ့ကြတယ်။

📝မင်းက မနက်တိုင်းမှာ
အကောင်းစားမွေ့ယာနဲ့ ကုတင်ပေါ်က နိုးတယ်
ငါက ကြမ်းပြင်အိပ်ယာပေါ်က နိုးတယ်။
ဒို့နှစ်ယောက်လုံး
ညကို ငြိမ်းချမ်းစွာ အိပ်စက်အနားယူနိုင်ခဲ့ကြတယ်။

📝မင်းရဲ့ အဝတ်အစားတွေက စျေးကြီးတယ်
ငါ့အဝတ်အစားတွေက စျေးပေါတယ်။
ဒိုနှစ်ယောက်လုံး အရှက်ကို ဖုံးနိုင်ခဲ့ကြတယ်။

📝မင်းက ထမင်းနဲ့ ကြက်သားကြော် စားတယ်
ငါက ငရုပ်သီးထောင်းနဲ့ ပဲပြုတ်ကိုစားတယ်။
ငါတို့နှစ်ယောက်လုံး ထမင်းဝခဲ့ကြတယ်။

📝မင်းက အဖိုးတန်ကားတွေနဲ့ သွားလာတယ်
ငါက ဘတ်စ်ကားစီးပြီး သွားလာတယ်။
ဒို့နှစ်ယောက်လုံး လိုရာခရီးကို ရောက်ခဲ့ကြတယ်။

📝ဒီစာကို မင်းက
အဖိုးတန်ဖုန်းတွေ ကွန်ပျူတာတွေမှာ
ဖတ်ချင်ဖတ်နေလိမ့်မယ်
ငါကတော့ တပါတ်နွမ်း ဖုန်းလေးနဲ့ ဖတ်နေတယ်။
ဒို့နှစ်ယောက်လုံး ဒီစာကို ဖတ်နိုင်ခဲ့ကြတယ်။

📖ဘဝဆိုတာ ပြိုင်ဆိုင်မှုတွေချည်း မဟုတ်ပါဘူး။
အလုပ်တခုကို ပြီးစီးအောင်
လုပ်တဲ့နည်းတွေ အများကြီးရှိပါတယ်။
မင်းက ငါ့ထက်ပိုမြန်လို့ ပိုကောင်းလို့
ငါက ကျဆုံးနေတာ မဟုတ်ပါဘူး။

📖ပစ္စည်းဥစ္စာရွှေငွေ ပြည့်စုံတာ ကောင်းပါတယ်။
မင်းရဲ့ဘဝကို ငါအားကျပါတယ်။
ဒါပေမဲ့ ငါ့ဘဝကို ငါကိုယ်တိုင်က
စိတ်ညစ်နေဖို့တော့ ငါခွင့်မပြုနိုင်ပါဘူး။

📖ဘဝကို ပျော်ပျော်ရွှင်ရွှင်နေနိုင်ဖို့အတွက်
နေတတ်ဖို့ကလည်း အဓိက ကျပါတယ်။

📖ကျေနပ်မှုဆိုတာ
အားလုံးပြည့်စုံနေခြင်းက လာတာမဟုတ်ပါ။
ဒီလိုဆိုရင် ပြည့်စုံနေတဲ့သူတွေမှာလည်း
စိတ်ဆင်းရဲမှုဆိုတာ ရှိမှာမဟုတ်ပါ။
မတိုးတက်ခင်အချိန်လေးမှာ ရှိတာလေးနဲ့
အကောင်းဆုံးဖြစ်အောင် နေတတ်ခြင်းပါ။

📖ကိုယ့်ကိုကိုယ်
ကိုယ်ဘယ်လိုမြင်သလဲဆိုတာ
အရေးအကြီးပါတယ်။
မတိုးတက်ခင် လက်ရှိအချိန်လေးမှာ
ပျော်အောင်နေတတ်ပါစေ။
ကုန်ဆုံးသွားတဲ့ အချိန်ဆိုတာ ပြန်မရပါဘူး။
ကျေနပ်မှုဆိုတာ
ကိုယ်ကြိုက်တာတွေအားလုံးကို ရနေခြင်းမဟုတ်ပါ။

📖တိုးတက်မှုအတွက် တက်လမ်းကို
ရှာဖွေ လုပ်ကိုင်စားသောက်နေစဉ်
ကိုယ့်မှာရှိတာကိုကြိုက်နေပြီး
စိတ်ချမ်းသာနေခြင်းပါ။

📖ဘယ်သူမှ ကိုယ်ကြိုက်တာတွေကို
အားလုံး ရမနေကြပါ။
ပြည့်စုံကြွယ်ဝဖို့အတွက်ကြိုးစားနေချိန်မှာ
စိတ်ချမ်းသာစွာ နေတတ်ဖို့ကလည်းအရေးကြီးပါတယ်။

ရေးသားသူ - ဒေါက်တာအောင်ခင်
မေတ္တာဖြင့် ပြန်လည်ဝေမျှခြင်း
❣