Thai-Myanmar Western Union
แชร์
ထိုးထားတာနဲ့ထွက်တာတခြားစီဘဲ😂🤣😂
Wu ဖြင့်ထိုင်းKTB ဘဏ်မှ KBZဘဏ်အကောက်ထဲတိုက်ရိုက်ငွေလွဲနည်း
01/07/2025
#အိမ်တစ်အိမ်
#ဘာလို့ဆင်းရဲရတာလဲ-?
********************
ဖတ်ကြည့်နော်...
#အိမ်တစ်အိမ်ကို ဆင်းရဲစေတဲ့
အချက်( ၅ )ချက် ရှိပါတယ်။
၁။ခေါင်က မလုံတဲ့ အိမ်
*********************
#အိမ်တစ်အိမ်မှာ ခေါင်က မလုံရင်...
မိုးယိုမယ်။
ဒုက္ခရောက်မယ်။
ဒီသဘော အတိုင်းပါပဲ။
ခေါင်နဲ့ တူတဲ့ မိဘ အကြီးအကဲတွေ
အသုံးမကျတဲ့ အိမ်ဟာလည်း
ဆင်းရဲမှာပါပဲ။
အ ဖေ လုပ်တဲ့သူက
အရက်ကလေး တမြမြနဲ့
ဇိမ်ကျနေမယ်။
အ မေ လုပ်သူက
နှစ်လုံး သုံးလုံး တွက်ပြီး
ထိုးကွက် ရှာနေမယ်ဆိုရင်တော့...
သေချာပါတယ်
အဲဒီအိမ်မှ မမွဲရင်
ဘယ်အိမ်မှ မွဲမှာ မဟုတ်တော့ပါဘူး။
၂။မီးဖိုချောင် မလုံတဲ့ အိမ်
**********************
ငွေထွက်ပေါက် အစ
မီးဖိုချောင်ကလို့ ဆိုပါတယ်။
#အိမ်တစ်အိမ်မှာ...
ငွေထွက်အများဆုံး နေရာဟာ
မီးဖိုချောင်ပါ။
စား ဝတ် နေရေး သုံးပါးမှာလည်း
အစားက
ထိပ်ဆုံးနေရာမှာ ပါနေပါတယ်။
အဝတ် မရှိဘူးလား ??
ရှိတာလေးနဲ့
လှအောင်ဝတ်လို့ ရပါတယ်။
နေတဲ့အိမ်
ဘယ်လောက်ပဲ စုတ်စုတ်
ကျောတစ်ခင်းစာ ရှိရင်
အဆင်ပြေပါတယ်။
ဒါပေမဲ့
အစာ မစားဘဲကျတော့
နေလို့ မရဘူးလေ။
ဒီတော့ မီးဖိုချောင်က
ငွေထွက်အများဆုံးနေရာ ဖြစ်နေတာ
မဆန်းပါဘူး။
ဒီလို
ငွေထွက်အများဆုံးနေရာဖြစ်တဲ့
မီးဖိုချောင်ကို
သေသေချာချာ မစီမံနိုင်
မခန့်ခွဲနိုင်တဲ့ အိမ်ဟာလည်း
ဆင်းရဲမှာပါပဲ။
၃။မိသားစုထဲမှာ
ရေသာခိုလိုက်နေတဲ့သူတွေ ရှိတဲ့အိမ်
******************************
#ကျွန်တော်တို့ အဘိုး အဘွားတွေ
ခေတ်က...
အဘိုးတစ်ယောက်တည်း ငွေရှာရုံနဲ့
ကျန်တဲ့ တစ်မိသားစုလုံး
စားလို့ "ရ"ခဲ့ပါတယ်။
ဒီနေ့ ကုန်စျေးနှုန်းနဲ့ ဆိုရင်တော့
ဒီအကြောင်းတွေက
ယုံတမ်း ပုံပြင်တွေ ဖြစ်ကုန်ပါပြီ။
ဒီနေ့ခေတ်ကတော့...
အိမ်ရှိလူကုန်
အလုပ်ကိုယ်စီ လုပ်နေတာတောင်
မနည်း လောက်ငှအောင်
သုံးစွဲနေရတဲ့ ခေတ်ပါ။
ဒီလို ခေတ်ကြီးထဲမှာ...
ကြီးကောင်ကြီးမားနဲ့
မိဘလုပ်စာ ထိုင်စားနေတဲ့သူတွေ
ညီအစ်ကို မောင်နှမတွေရဲ့ လုပ်စာကို
အားမနာတမ်း စားဝင်နေတဲ့
လက်ကျောမတင်းသူတွေ
ရှိနေတတ်ပါတယ်။
ဒီလိုလူတွေ ရှိနေတဲ့ အိမ်ဟာလည်း
ချမ်းသာဖို့ ခက်နေတတ်ပါတယ်။
၄။ညီ အစ်ကို မောင် နှမတွေ
မညီညွတ်တဲ့ အိမ်
************************
#ညီ အစ်ကို မောင် နှမတွေတော့
ရှိကြပါရဲ့။
အလုပ်တွေလည်း ကိုယ်စီ ကိုယ်စီနဲ့ပါပဲ။
ဒါပေမဲ့...
တစ်ယောက်နဲ့ တစ်ယောက်
အမြဲတွက်ကပ်
စကားတွေ များ
မျက်နှာချင်း ဆိုင်လိုက်တာနဲ့
တကျက်ကျက် ဖြစ်နေတဲ့ အိမ်ဟာလည်း
တိုးတက်ဖို့ မလွယ်တဲ့ အိမ်ပါ။
၅။အိမ်တွင်း သူခိုးတွေ ရှိနေတဲ့ အိမ်
******************************
#ကြောက်စရာ အကောင်းဆုံး
သူခိုးတွေထဲမှာ...
အိမ်တွင်း သူခိုးက အဆိုးဆုံးပါ။
အပြင်က လာတဲ့သူခိုးက...
တစ် ခါ တ လေ မှ
သင့်အိမ်ကို လာချောင်းမှာ ဆိုပေမဲ့
အိမ်တွင်းသူခိုးကတော့...
အချိန်ပြည့်ကို
ခိုးဖို့ ချောင်းနေတာပါ။
အလုပ်မရှိ အကိုင်မရှိနဲ
အမြဲငွေလိုနေတတ်တဲ့
အိမ်သားတစ်ယောက်ဟာ
အိမ်တွင်းသူခိုးပါ။
#အဲဒီလို လူတွေဟာ...
အလုပ်လည်း
လက်ကျောတင်းအောင် မလုပ်ချင်၊
အလုပ်မလုပ်တော့
ဝင်ငွေက မရှိ၊
ဝင်ငွေ မရှိတော့
ငွေလိုလာတဲ့အခါ...
အိမ်မှာ ရှိတဲ့ပစ္စည်းတွေ
ငွေတွေကိုပဲ
ဘယ်ဟာကို လစ်ရမလဲ
ဘယ်ဟာကို ခိုးရမလဲ ဆိုတာ
အချိန်ပြည့် စောင့်ကြည့်နေတဲ့
အိမ်တွင်း သူခိုးတွေပါ။
ဒီလို အိမ်တွင်းသူခိုးတွေ
ရှိနေတဲ့ အိမ်ဟာလည်း
ဆင်းရဲတွင်းထဲမှာ
နစ်မြဲ နစ်နေတတ်ပါတယ်။
#ဒါတွေကတော့...
အိမ်တစ်အိမ်ကို ဆင်းရဲစေတဲ့
အချက်( ၅ )ချက် ဖြစ်ပါတယ်။
မိတ်ဆွေတို့ရဲ့ အိမ်တွေမှာလည်း
ဒီအချက်တွေ ဖြစ်နေရင်
အမြန်ဆုံး အဖြေရှာပြီး ပြင်ဆင်ကြဖို့
အကြံပြုပါရစေ။
လေးစားစွာ Crd ပေးပါသည်။
ပြန်လည်မျှဝေခြင်းဖြစ်ပါသည်။
คลิกที่นี่เพื่อเป็นสมาชิก?
ประเภท
ติดต่อ ธุรกิจของเรา
เบอร์โทรศัพท์
ที่อยู่
Bang Rakam
73120
เวลาทำการ
| จันทร์ | 00:00 - 13:00 |
| 20:00 - 22:30 | |
| อังคาร | 00:00 - 13:00 |
| 20:00 - 22:30 | |
| พุธ | 00:00 - 13:00 |
| 20:00 - 22:30 | |
| พฤหัสบดี | 00:00 - 13:00 |
| 20:00 - 22:30 | |
| ศุกร์ | 00:00 - 13:00 |
| 20:00 - 22:30 | |
| เสาร์ | 00:00 - 13:00 |
| 20:00 - 22:30 | |
| อาทิตย์ | 00:00 - 13:00 |
| 17:00 - 22:30 |
