LNA
Share
29/05/2023
# القوس و القزح : ( الحلقة 1 ) :
------------------------------------------
* جلس الرجلان الصديقان على ضفة النهر الجاري في البساتين ؛ الرجل الأول يدخن سيجارة و يشرب البيرة من زجاحتها .. أما الثاني مشغول و منهمك بتصفح الانترنت على جهازه الخلوي ..
- سأل الرجل الأول صديقه باهتمام : شو عم تعمل صرلك من وقت ما قعدنا و انت حاطط راسك بهالموبايل .. ؟؟ ..
- يرد الرجل الثاني مستغربا مندهشا : يا رجل هاليابانيين ما خلو شي الا و اخترعو ..
- يقول له الاول مستفسرا باهتمام : ليش شو مخترعين هلق ؟؟ ..
- يرد و هو يطلعه على صورة في هاتفه الخلوي : بناية متنقلة من خمس طوابق .. شوف ع هالاختراع المذهل ..
- يدقق الأول النظر بالصورة ثم يدخل في نوبة ضحك ساخرة و مرتقعة ..
- يسأله الثاني مستغربا : ليش هيك عم تضحك ؟؟
- يجيب ضاحكا متهكما : لان نحن سبقناهم ع هالاختراع من زمان ..
- ينظر إليه الثاني نظرات استغراب و استفسار ..
- يقول له الأول مستهزئا : لا تطلع فيني هيك .. نحن سبقناهم من زمان كتير ..
- يسأله باهتمام : كيف و ايمته ؟؟؟؟ ..
- يرد الأول بصوت منخفض : شو نسيت لما نزحوا كتيرين من هالبلد .. حطو عفش بيوتهم ع السيارات و انتقلوا متل مو حاطين اليابانيين الطوابق ع السيارة ..
- يطوف الثاني بناظريه على ارجاء المكان حذرا من سماع أحد لما قاله صديقه الذي تابع التدخين و شرب البيرة و هو يدندن أغنية " يا رايح ع ضيعتنا " ..
Click here to claim your Sponsored Listing.
Category
Website
Address
سورية
Tartus
