Dr. Ali R.Muhammad
Share
29/07/2021
#تشريح
؟
#منشن للنيرد اللي رح يحلو 💪
#تعديل: الجواب: العظم الدمعي ❤️
27/07/2021
#المصدر:
https://bit.ly/3f0jcLc
22/07/2021
#المصدر:
https://bit.ly/3hTGncc
21/07/2021
مسا الخير ❤️
عند الناس من خارج المجال الطبي وعند بعض الزملاء من خارج اختصاص أمراض الأذن والأنف والحنجرة منلاحظ شوية خلط بالتسميات والمفاهيم بين عدة أمراض متل ، ، ، ، و 🙌
وهالخلط بيتطلب مننا أولا أنو نفصل شوي بشرح كل حالة وتمييزها عن التانية
بالإضافة لانو بيتطلب من الطبيب ما ياخد بحكي المريض متل ما هوي (في حال اجا المريض وقال انا معي جيوب فالمريض قد يكون يعاني من أي حالة من الحالات السابقة)
طيب.. شو هيي
هيي عبارة عن نمو مفرط في نسيج لمفاوي متواجد على الجدار الخلفي للبلعوم الأنفي.. هالنسيج بشكل طبيعي متواجد ويدعى تشريحيا باللوزة البلعومية واللي هيي جزء من حلقة فالداير (لوزتان حنكيتان، لوزتان لسانيتان، لوزتان نفيريتان، واللوزة البلعومية) ✋
طيب وين المشكلة الأساسية بهي الضخامة؟
بالصورة المرفقة رقم 1 بيظهر عنا محدد بالأسهم الصفراء كتلة نسيجية واضحة هيي كتلة الناميات المتضخمة، بينما باللون الأحمر منشوف الأسهم عم تشير لطريق هوائي (لون أسود على الصورة)، ومنلاحظ انسداد هالطريق الهوائي بسبب كتلة الناميات المتضخمة 🙌
كما انو الكتلة المتضخمة نفسا ممكن تأثر بشكل سلبي على عمل نفير أوستاش (الجدار الوحشي للبلعوم الأنفي)🙌
الأعراض تظهر بالسنوات الأولى من العمر قبل سن المدرسة وأشد ما تكون بهي الأعمار وبتشمل:
- صعوبة تنفس وتنفس فموي مع ما يرافقه من مشاكل سنية وفموية عند الطفل متل النخور وجفاف الفم والرائحة الكريهة والإلعاب أثناء النوم
- بالحالات الأشد قد تتطور الحالة لتوقف تنفس انسدادي أثناء النوم مع ما يرافقه من إرهاق الطفل خلال اليوم
- نقص شهية وخمول
- التهابات أذن مصلية متكررة بسبب مشاكل النفير
- تراجع التحصيل الدراسي للطفل
- بعض المراجع تقترح مساهمة الناميات بحدوث سلس بول ليلي عند الطفل لأعمار متقدمة شوي
- مع العمر قد يحدث تغير بشكل الفكين وسوء تطور للجيوب الأنفية مما يعطي الطفل سحنة خاصة تسمى السحنة السنجابية (مع فشل تقويم الأسنان بمعالجة تبارز الفك بسبب عدم معالجة السبب الرئيسي)
- بعض الدراسات عم تناقش حتى إمكانية وجود رابط بين ضخامة الناميات والاكتئاب عند الأطفال أو حتر بأعمار لاحقة بس هالشي لسا مو متفق عليه
#التشخيص:
- صورة شعاعية جانبية للرأس بوضعية فرط بسط والفم مفتوح (الصورة رقم ١)
- تنظير الأنف وكشف الناميات تحت الرؤية المباشرة (الصورة رقم ٢)
#العلاج:
مقترح عدد من العلاجات لكن خلافية جدا
العلاج الوحيد المتفق على فعاليتو حاليا هوي العلاج الجراحي
وهيي جراحة بسيطة جداً اختلاطاتها ومخاطرها قليلة وبتغير حياة الطفل ومستقبلو تماماً 🙌
د.علي ر.محمد
Click here to claim your Sponsored Listing.
Category
Contact the practice
Telephone
Website
Address
Lattakia-Syria
Lattakia
