With Nosa

مرحبا للكل 🤍🙏🏻
كيفكن انا فيتامين B1 بسرعة رح احكيلكن عني🏃🏻‍♀️ لانو عندي شغل و مليان طاقة مافيني اقعد اكتر من خمس دقايق 😮‍💨
ياسادة يا كرام انا اول شي اسمي فيتامين B1 انا اول واحد من مجموعة فيتامينات B 😎😎
تعالو قلكن شو فوائدي 😍
انا بساعدكن بتحويل الكربوهيدرات لطاقة لهيك اللي ماعندن طاقة و بضلو نايمين لا تنسوني ترا انا موجود 😒
انا بدعم صحة جهازكن العصبي و الدماغ🧠 وبقللكن من الامراض العصبية 🤍
و بدعم صحة قلبكن و بحسن من وظائف القلب🫀 لهيك خدوني لتضلو تحبوني و تعملولي لايكات و كومنتات 🥰
و انا الي دور مهم بعملية الهضم و امتصاص المغذيات 🤍
هلق نجي بسرعة لنحكي وين انا موجود 🏃🏻‍♀️
بتلاقوني بالحبوب الكاملة و البقوليات 🫛🫘
👨🏼‍🦳:طب نحنا معنا قولون
لك اي اهدو شويي خلوني كفي🤦🏻‍♀️
ممكن تلاقوني كمان باللحوم و بالاسماك 🍗🐠
وفيكن تاخدوني ع شكل مكملات غذائية (عند الضرورة )🤍
هلق انا لسا عندي حكي بس وصلني انو في زلمة محتاجني لحتى يضل بصحة منيح ف رح روح كفي شغلي🏃🏻‍♀️🏃🏻‍♀️ و بشوفكن بالبوست الجاية 🤍
لا تنسوا اللايك و الكومنت و تعملو دعوات لرفقاتكن الحلوين 🤍🙏🏻
اتضلوا بخير يارب🤍🙏🏻

مرحبا للكل🤍🙏🏻
انا فيتامين C اشتقتولي مو؟ 🌝🤍
بس عنا فحص معلش لا تواخذونا 🥹💔
هديك المرة حكينا عني مين انا و شو فوائدي و وين بتواجد🤍
اليوم بدي احكيلكن عن اضرار
و اضراري يعني اضرار زيادتي و نقصاني بالجسم 🤍
بس قبل هالشي بدي قلكن انو يومياً لازم تستهلكوا من 200ل250 ml فلا تنسوا تاخدون هدول مهمين 🤍
_طيب اذا كترت منك يا فيتامين C شو حيصير؟؟🌚
تكررمو هلق بخبركن تعو عدو معي 🧐
اول شي رح يصير معكن غثيان و تشنجات بطنية واسهال و امراض معدية معوية 💔
و ممكن يصير حصوات بالكلى💔
و امتصاص زائد للحديد ونحنا حديداتنا ع قدنا و بالمدى الطويل بصير تلف بالانسجة 💔
_طييب و شو ممكن يصير اذا قللنا ؟🌝
هلق اذا قللت رح تصير قليل مروة🌚
_كيف يعني ؟🧐
يعني رح تحس بالتعب وضعف عام بالجسم و انت مانك عامل شي 💔
و رح يوجعوك مفاصلك 🤦🏻‍♀️
و رح يصير اسهل شي يعملو جسمك هو انو ينعدى من ناس مرضانة 🤒😷
و المرض الواضح اللي بسببو نقص فيتامين C هو مرض الاسقربوط و من اعراضه التعب و ضعف النسيج الضام و هشاشة الشعيرات الدموية 💔
و بالاخير بعد ماعرفتوا عني كلشي لا تنسوا تاخدوني باعتدال الله يرضى عليكن 🤍🙏🏻و خدوني بشكل طبيعي من الاغذية 🫑🍊
كنت معكن انا فيتامين C 🤍🙏🏻
لاتنسوا اللايك و الكومنت و تعزموا رفقاتكن 🤍🙏🏻
اتضلوا بخير يارب 🤍🙏🏻

مرحبا للكل 🤍🙏🏻
انا فيتامين C 😎
قبل مابلش حكي عن حالي رح قلكن انو اللي مستلمة الصفحة كتير زعلانة 💔لانو ماعم يصير تفاعل ع الصفحة لهيك لا تنسو تعملو دعوات لرفقاتكن 🤍
المهم نجي لنحكي مين انا 🌝
انا فيتامين بدوب بالمي جسمكن الحلو ما بصنعني انا بتوفر بالاطعمة 🤍
🔹وين بتواجد بأي اطعمة ؟
هلق ل اللي بحبو الفواكه عندكن الحمضيات 🍊🍋و الجريب فروت و الشمام و البطيخ🍉 و المانجا 🥭و الاناناس 🍍و الفراولة🍓 و التوت البري🫐
اما اللي بحبو الخضار عندكن البروكلي و القرنبيط🥦 والفليفلة🫑🌶️ و السبانخ و الملفوف و الخضار الورقية🥬 و البطاطا 🥔و البندورة🍅 و البازاليا 🫛
او ممكن تاخدوه ع شكل كبسولات او فوار (بس بشكل طبيعي اكيد افضل🌚)
🔹طيب شو هنن فوائدي ؟
انا بلعب دور رئيسي بتصنيع الناقلات العصبية و الكولاجين 🤍
والي دور كتير هام بوظيفة المناعة 🤍
بحسن من عملية امتصاص الحديد الموجود بالاغذية النباتية 🤍
بقلل من الكوليسترول الكلي و السيء و الدهون الثلاثية 🤍
بقلل خطر الاصابة من سرطان المعدة🤍
بلعب دور هاد بتكوين العظام و الاعصاب 🤍
بلعب دور بإنقاص الوزن 🤍
و هيك صرتو تعرفو فوائدي و وين موجود و شو انا 🌝
انطروني بالبوست الجاية لنحكي عن اضرار زيادتي و نقصي بالجسم🤍
كنت معكن انا فيتامين C 🤍🙏🏻
لا تنسو اللايك و الكومنت و تعزموا رفقاتكن 🤍🙏🏻
اتضلو بخير يارب🤍🙏🏻

مرحبا للكل 🤍🙏🏻
رح احكيلكن اليوم عن الفيتامينات😇 بشكل بسيط وبعدين بترك كل فيتامين يحكي انا حالو🙃
هلق شو هي الفيتامينات ؟🧐
هي مركبات عضوية بيحتاجا الجسم بكميات قليلة
و بيحتاج هي الكميات من الفيتامينات مشان يحافظ ع صحته🤍( وكل فيتامين اله ادواره كل مايجي فيتامين يحكي عن حاله بقلكن شو هو دوره🌝 )
من وين فينا نجيب الفيتامينات ؟🧐
من الخضار و الفواكه طبعاً 🥦🍊🍳و فينا ناخدا من المكملات الغذائية ( عند الضرورة🤍)
🚫طيب في شي مهم بدي نوه عليه
انو الفيتامينات بينقسمو لنوعين
النوع الاول 🤍هنن الفيتامينات اللي بتدوب بالمي : و هي فيتامينات B المركبة (وهنن 8 ) و فيتامين C
هاد النوع بحللو المي و ما بينحفظ بالجسم و هدول الفيتامينات حبابين لانو الكمية الزائدة منن بتروح مع البول 🤍
اما النوع التاني🤍 :من الفيتامينات واللي هنن مو حبابين و لكن ضروريين كتير
هنن الفيتامينات اللي بتدوب بالدهون : وهنن 4 ( A,D,E ,K ) ليش هنن مهمين ؟ لانن ضروريين للعمليات الحيوية بالجسم 🤍
ليش مو حبابين ؟
لانو اذا تواجدو بكميات كبيرة بيتخزنو بالجسم و بيعملو مشاكل صحية 💔
و بالبوستات اللي جاية رح نحكي عن كل فيتامين شو دوره ووين بيتواجد اعراض نقصه و زيادته و دوره بالجسم 🤍🙏🏻اكتبولي ايا فيتامين حابين يحكي اول شي 🤍🙏🏻
كنت معكن انا لين 🤍🙏🏻
لاتنسوا اللايك و الكومنت و تعزموا رفقاتكن لعنا 🤍🙏🏻
اتضلوا بخير يارب🤍🙏🏻

مرحبا للكل 🙏🏻🤍
انا جهاز المناعة😎 رجعتلكن لكفي حكي عني ياريت ما تكونو نسيتوني 😒(وفي حال كنتو نسيانين ارجعوا للبوست اللي قبلو و ارجعوا شوفوني😇 )
هلق رح احكيلكن عن الاغذية اللي بتقوي جهاز المناعة عندكن 🤍
اول شي الاغذية اللي فيا فيتامين C 🤍
▪️طيب وين موجودة ؟؟! بالحمضيات 🍋🍊و الفلفل الاخضر و الاحمر و البروكلي🥦 و الخضار الورقية🥬 و البندورة 🍅
عنا كمان الاطعمة الغنية بالبروتين 🤍
▪️طيب ويين موجودة؟؟!
موجودة بفول الصويا 🫘و الالبان و البقوليات🫛 و المكسرات🌰🥜 و الحبوب الكاملة و اللحوم الخالية من الدهون 🥩
و الاغذية اللي بتحتوي ع اوميغا 3🤍
و لا تسألوني وين موجودة انا بقلكن لحالي🌝 موجود بالاسماك 🐠و الجوز و بذر الكتان و الشيا 🤍
الثوم و الزنجبيل و الكركم و الشوربات الساخنة كتير مفيدة و فيهن خصائص مضادة للالتهاب 🤍
و اكيد فيتامين D🤍 و هاد مناخدو من اشعة الشمس ☀️و اذا مابدكن ف منتجات الالبان🥛 و البيض🥚🍳 و الحبوب كفيلة بالموضوع 🤍
وهيك منكون خلصنا 🤍🙏🏻
لا تنسوا تحافظوا ع مناعتكن 🤍
و اكيد لا تنسوا اللايك و الكومنت و تعزموا رفقاتكن لعنا 🤍🙏🏻
اتضلوا بخير يارب🤍🙏🏻

مرحبا للكل 🤍🙏🏻
انا جهاز المناعة 💪🏻
صرلنا زمان ما طلينا عليكن لانو البنت اللي مستلمة الصفحة هون مرضانة🤒 و ماكانت مهتمة فيني لهيك مرضت 😒
وانا انتهزت الفرصة و جيت احكيلكن شوي عني
هلق شو معنى اسمي 🧐؟؟ انا بمثل خط دفاع الجسم ضد العدوى 🤍
شوو يعني ؟؟ يعني بكل بساطة انا وقت شوف جراثيم او بكتيريا او فيروسات بشتغل حتى احميكن و اوقيكن من العدوى و المرض 🤍
هلق انا وين بكون موجود👀؟ فيني قلكن انو الجلد خط الدفاع الاول بالجسم و البلعوم و كريات الدم البيضاء ووو.. كتير قصص😎 بس الشي اللي انا جاية احكي مشانو مو وين بكون موجود انا جاية لقلكن كيف بتحافظو عليي 🙄
هلق اول شي المدخنين ياريت تبطلوا تدخين🚭 لانو مافي داعي نخبركن انو هالشي بضر الرئة🫁💔
و تحاولوا تحافظوا شوي ع كتلة الجسم الصحية🤍 (يعني اذا وزنكن مثلا 80 kg. انا شو بدي لحق للحق ممكن تخبروني ؟؟😭)
و ياريت تتبعوا نظام صحي فيه كتير فواكه 🍓🍊و خضار🥒🫑 كونو فيهن كتير فيتامينات و الياف 🤍
ولا تنسوا انو نام بكير و فيق بكير و شوف الصحة كيف بتصير 😴💪🏻(حاولوا نامو تقريباً8 ساعات و لا تسهروا كتير🤍)
وشو رأيكن بشوية رياضة 🏃🏻‍♂️🏃🏻‍♀️يعني تقريباً ساعة للساعتين باليوم ؟! انا برأيي كتير الرياضة طريقة حلوة لتحافظوا عليي 🤍💪🏻
و اكييد الحفاظ ع النظافة الشخصية و غسل الايدين بشكل متكرر كتير مهم كونو ايدينا غالباً بيحملوا كتير جراثيم 🤍
و مافي داعي قلكن انو الصحة النفسية كتير مهمة للحفاظ ع المناعة🥳 (هلق صحي في كتير هموم و اخخ شو الواحد بدو يحكي ليحكي بس انو منحاول🥹 )
هلق في شغلات كمان بدي احكيا بس مو اليوم
انطروا الجزء التاني و اقتدوا بالجزء الاول لبين ما نزل التاني 🤍🙏🏻
كنت معكن انا الجهاز المناعي💪🏻 بشوفكن مرة تانية انشالله 🙏🏻🤍
لا تنسوا اللايك و الكومنت و تعزموا رفقاتكن لعنا🤍🙏🏻
تضلوا بخير يارب🙏🏻🤍

مرحبا للكل 🤍🙏🏻
انا القهوة ☕من شوي كنا قاعدين انا و التمر هندي🌚🤎 وقلي احكي عن حالك قبل ما حدا يحكي عليك 🙃
ف ركزوا منيح و اللي مو مركز يعمل ركوة مني و يركز🧐
انا مبدئياً بياخدوني من اشجار القهوة🌳 و هنن اشجار بيوصل طولن لاكتر من 10 امتار 📏
تعو نحكي شوي عن فوائدي 🤍:
هلق مبدئياً انا بحميك من الزهايمر🤕 لهيك لاتنسوا تشربوني و خاصة للناس اللي في بعيلتا هاد المرض وراثة 🤍( كونو ما منورث من عيلتنا الا هيك اشياء 🥲💔)
تانياً انا بحافظلك ع صحة قلبك الحلو 🤍
تالتاً انا بمنع تطور مرض النقرس 🤍
و بشتغل ع الوقاية من النوع التاني للسكري 🤍
و اخيراً بطولكن عمركن 🤍😎
شفتوا انا شقد بتعذب كرمال تكونوا بصحة منيحة🙃🤍؟؟
هلق خلينا شوي نحكي بأضراري🤍 :
"وقبل ما احكيا بدي نوه لموضوع كتير مهم👀 انو اضراري بتجي من الكترة يعني اشربوني باعتدال🤍"
خلونا بالمهم 😶
انا بزيد من خطر الاصابة بقرحة المعدة 🤍
وللناس اللي معن قولون عصبي رح يتدايقوا مني انا بعتذر سلفاً🙏🏻🤍
و انا بصيب بالاسهال و بزيد من الشعور بالتوتر و العصبية😠 (لهيك كل ما شفتو واحد معصب قلولو ما يشرب قهوة كتير🫢)
انا برفع ضغط الدم للاسف و بزيد خطر الاصابة بهشاشة العظام 🤍
هلق بالنهاية منكتشف انو اشربوني بس باعتدال 👀🤍
كنت انا معكن القهوة ☕🤍
بحبكن كتير 🤍🙏🏻
لاتنسوا اللايك و الكومنت وتعزموا رفقاتكن اكيد
البنت اللي مستلمة الصفحة قالتلي الي ولباقي الاغذية انو في شغلات عالطريق كتير حلوة رح تكون 🤍🙏🏻
اتضلوا بخير يارب🤍🙏🏻

مرحبا للكل 🤍🙏🏻
انا التمر هندي 😎❤️
من شوي وانا مارق من هون شفت بوست العرق سوس 🥴و خفت حدا يجي يحكي عني شي باطل 🤨
ف رح خبركن مين انا ركزوا منيح 🧐
مبدئياً انا مميز عن باقي التمور لانو انا لب لثمرة من نبات شجري و ما بتاكل انا بينعمل مني عصير بس🧋😎
تعو شوي نحكي عن فوائدي و هي كتير الله يحميني😎 بس رح حاول لخصن :
انا يا صائم/ة بقلل شعورك بالعطش و الحموضة 😉
وبمدك بالطاقة و الحيوية (شو بدو يحكي الواحد بصوم 13 ساعة بدو شي يقويه🫠)
بنضف جسمكن من السموم و بعالج ارتفاع الضغط 🤍
بخلص جسمكن من الغازات و بقلل الاصابة بالامساك (بس انتو وازنوا اكلكن شوي شو بدي لحق اشتغل مابعرف😮‍💨)
كماان بطهر جسمكن من الجراثيم كونو بحتوي على عدد من المضادات الحيوية 🤍
وانا فاتح شهية كتير منيح لهيك للناس الضعيفة اشربوني و مابتندموا 😎
هلق شوفو لقلكن متل ما الي فوائد الي شوية اضرار مو كتير بس من واجبي خبركن عنا 🫠:
هلق جماعة مرضى السكري بدكن تعذرونا لانكن ما فيكن تشربوني كونو انا 57% من وزني سكريات بسيطة 🤍
و بصراحة كمان🫠 اللي بياخدو ادوية بتمنع تخثر الدم متل الاسبرين او Coumadin كمان لاتشربوني لانو هالشي بزيد من خطر النزيف 🤍
و كالعادة المظلومين دائماً معنا (الحوامل🤰🏻 و المرضعات👩🏻‍🍼) علمائنا لهلق ما عطونا شي بدل انو هو آمن للجنين🤍
وكالعادة لا تنسوا اللايك و الكومنت و تعزموا رفقاتكن لعنا 🤍🙏🏻
اتضلوا بخير يارب 🤍🙏🏻

👨🏽‍🦳:اووخ الحمدلله خلصنا افطار
قومي يا حجة عطيني عرق السوس نكبس معدتنا فيه
🧑🏻‍🦳:لا حول ولا قوة الا بالله
يعني انت مو مقرر تمرق رمضان ع خير يعني
عرق السوس بيعمل ضغط و مية علّة يا زلمة لا تشرب سوس
👨🏽‍🦳 : والله ماحدا رح يعملي هالعلل غيرك 😒
عرق السوس😡 : يا جماعة شو رأيكن كل واحد يحكي عن حالو وانا رح احكي عني
مرحبا للكل🤍🙏🏻
انا عرق السوس وانا موجود بجذور النبات
انا اكتر حلاوة من السكر العادي و في مني شراب 🧋او حلويات🍬 وانتو بتختارو كيف بدكن تاكلوني 😉
▫️وعندي فوائد كتير ومنها :
انا بشتغل ك مهدئ للمعدة بكتير حالات متل قرحة المعدة و الحرقة و الغثيان🤍
و بنظف الجهاز التنفسي طبيعياً🤍(بس انتو ما بتحبوا غير الادوية😒)
وبقلل من الاجهاد و التعب اللي بتحسو فيه برمضان 😎
و العلماء اللي هلكوني من التجارب اكتشفوا انو الي فوائد ع بشرتكن الحلوة و عملو مني سيرومات للتفتيح البشرة و مستحضرات علاجية للكلف و الاكزيما و الصدفية 🤍
▫️بس متل ما الي فوائد كمان الي اضرار (ماحدا كامل بهالدنيا 🫠)واللي هي :
انا برفع ضغط الدم متل ماقالت خالتو اللي كانت مزعوجة مني فوق ف لا تكتر مني 🙏🏻
بعمل نقص بوتاسيوم بالدم 🥴
و ممكن تتفاقم معكن بعض الحالات اللي بتتأثر بالهرمونات الانثوية (دائماً الانثى مظلومة معنا🌚💔)
بعمل احتباس سوائل بالجسم و ممكن وجعك راسك و رح تتوتر مني 😩
و كل هي الاضرار بتنتج اذا كترت مني لهيك لا تشربني كتير الله يرضى علي 🙏🏻🤍
اما عزيزتي المرأة الحامل ف بدك تعذريني لانو انا ممنوع تشربيني بوقت حملك كونو بشكل ضرر ع جنينك واكيد ماني اغلا منو🤍👶🏻
اما بالنسبة لعزيزتي المرأة المرضع فيفضل ما تشربي مني لانو لسا ما خلصو دراسات عليي بخصوص اماني على المرأة المرضع 🤍🙏🏻
و بالاخير يا خالتي شربيه لزوجك ولكن باعتدال
تضلوا بخير يارب 🙏🏻🤍
لا تنسوا اللايك و الكومنت و تعزموا رفقاتكن لعنا🤍🙏🏻🤍

رمضان كريم للكل 🙏🏻🤍
بما انه هالشهر منعطش فيه كتير خلونا نحكي شوي عن الاغذية اللي بتخفف عطشنا🍶:
▫️اكيد منبلش بالخضار و الفواكه الغنية بالماء :متل الخيار 🥒و الفريز 🍓
▫️حليب الصويا🥛 كونو بيحوي ع 91 % ماء و بيحوي ع البوتاسيوم ومعادن بتقلل الشعور بالعطش
▫️ اكييد مالنا غنى عن التمر🤍 اللي بساعد ع تنظيم السوائل بالجسم
▫️اكيد الشوربات بس ما تكون كتير مملحة 🧂
▫️اللبن🤍
و اكيد في شوية نصائح حتى نخفف العطش😩 واللي هي :
1.نشرب كمية كافية من الماء و توزيعها ع دفعات خلال وقت الافطار و السحور 🍶
2.المشروبات المحلاة او اللي فيا نسبة عالية من السكر بتسبب العطش كمان 🍹🧋
3.ناكل عمهلنا وهالشي بساعد ع الهضم و بخفف الشعور بالعطش🤍
وبالاخير بتمنالكن صيام سهل ولطيف متلكن🙏🏻🤍
لا تنسوا اللايك و الكومنت 🙏🤍
تضلوا بخير يارب🙏🏻🤍

مرحبا للكل 👋🏻
انا الدهون وانا مركبات بتتكون من الهيدروجين و الكربون 😎
والي نوعين واحد حيواني 🥩و واحد نباتي🥜
ومن ناحية تغذوية انا اكتر مركب بحوي على السعرات الحرارية لهيك كلوني حسب الحصص المخصصة الكن بس 📝
و قديماً في كتير ناس الله يسامحن كانو يفكرو انو كل انواعي ضارة😡 و هاد الشي غلط لانو في مني دهون صحية و دهون ضارة 🧐
طيييب مشان ما تسألوني انا رح اشرحلكن هلق ليش انت لازم تاكل دهون ؟
•واحد انا بعطيكن طاقة لجسمكن🏃🏻‍♂️🏃🏻‍♀️
•تنيين انا بنظملكن درجة حرارة جسمكن و ببني الخلايا وبحميلكن اعضائكن الداخلية🌡️🤍
•تلاااتة انا بفيدكن بامتصاص الفيتامينات من الطعام لانو في فيتامينات بتكون ذوابة بالدهن مافيا بدوني اذا ما كنت موجود بالجسم ما بيمتصا 🤍
•اربعة تكوين الهرمونات و تنظيم انتاج الهرمونات الجنسية 🤍
طيب و رح قلكن اذا ما اهتميتوا ونقصتو من حصصي شو ممكن يصير:😡
•اولاً نقص فيتامينات الجسم
•بعدين ضعف الجهاز المناعي
•و زيادة تساقط الشعر والاضافر و نحنا مو ناقصنا هموم
اما اذا اكلتوا مني كتير و ما احترمتوا انو خصصي محددة باليوم رح يصير الآتي :😡
•ارتفاع العوامل المسببة لامراض القلب
•بعدين بزيد وزنكن و هاد الشي ما بناسبنا دخيلكن الصيف عالطريق
•و بزيد خطر اصابتنا بامراض السكري و السرطان وانتوا صحتكن بتهمنا
-طيب وانا كيف بدي اعرف شو الدهون اللي ممكن آكلا كرمال استفيد من هي الدهون و ما تضرني ؟
انا رح احكيلك عن مصادري الصحية :
السمك متل السلمون و الماكريل و السردين و التونا 🐟🐠
و زيت الزيتون 🫒
و البيض وهو بيحوي على 4.7 gمني و كلا صحية 🍳
و الافوكادو 🥑
واللبن (الزبادي ) كامل الدسم
الاجبان 🧀
والمكسرات 🥜و بذور الكتان والشيا
وهيك بتمنى اني كون فدتكن 🙏🏻🤍
لاتنسوا اللايك و الكومنت🤍
تضلوا بخير و لاتنسوا تاكلوا دهون صحية🤍🙏🏻