Be fit

سمنة الأطفال ⛔

السمنة فى مرحلة الطفولة من الحالات الطبية الخطيرة اللى بتصيب الأطفال والمراهقين . وبتمثل بالنسبة لنا مصدر قلق كبير لانها بتخلى الطفل على بداية طريق المشكلات الصحية اللى كانت قبل كده خاصة بالبالغين وكبار السن زى مرض السكر النوع الثاني وضغط الدم وارتفاع الكوليسترول .
دا غير الآثار النفسية والاكتئاب و احساس الطفل بعدم تقدير الذات 😔
# # مش شرط يكون كل طفل وزنه زايد مصاب بالسمنة لان بعض الأطفال بتكون بنيتهم الجسدية اكبر من المتوسط
مؤشر كتلة الجسم (معيار الوزن بالنسبة للطول) و growth chart 📈📉 أو مخططات النمو هى اللى بتقدر تحدد إذا كان وزن طفلك ممكن يكون مصدر قلق على صحته او لأ فاستشير اخصائى التغذية.

◀️أحد أكبر اسباب سمنة الأطفال إنه يكون بياخد سعرات حرارية من المأكولات والمشروبات اكبر بكتير من احتياجات جسمه مع قلة المجهود البدنى المبذول
كمان عندى عوامل سلوكية مكتسبة
❌زى إنه يكون إتعود ياكل أمام الكمبيوتر او التليفزيون فبالتالى بياكل وهو مش حاسس لا بجوع ولا شبع.
❌يبقى سهل عنده الحصول على fast food ونمط الحياة غير الصحى اللى للأسف أمهات كتير بتعود أطفالها عليه من الصغر وبعدين نرجع نشتكى😑
وممكن تبقى عوامل وراثية زى إن الأم أو الأب بيعانوا من السمنة مع العلم إن مش بالضرورى الطفل يعانى من السمنة لو اتبع العادات الغذائية الصحية✅

◀️السمنة بتأثر على الأطفال على المدى الطويل ترفع ضغط الدم تزود كوليسترول ودهون ونتيجة لده تحصل عندى مقاومة انسولين وندخل فى Metabolic syndrome أو متلازمة الأيض ومقاومة الأنسولين خلال ١٠ أو ١٥ سنة تتحول لسكر نوع تانى
📌وعشان أعالج ده لازم أغير السلوك الغذائى للطفل واعوده على عادات صحية
📌لازم ألغى فكرة إن المكافأة والثواب والعقاب يبقى عن طريق الأكل
📌اقلل المشروبات المحلاة بالسكر والمشربات الغازية
📌ألغى عادة الاكل أمام الكمبيوتر
📌ابنك بيحب الحلويات اتعلمى تعمليها بشكل صحى أقل ضرر استخدمى فيها بدايل السكر زى التمر والعسل
استخدمى بدايل للدقيق
مبعرفش 😏 اتعلمى مفيش اهم من صحة طفلك
📌 السيشن اللى بيعملها الطفل مع اخصائى التغذية مهمة جدا ولازم تبقى بشكل دورى لان الطفل بيصاب بالملل بسرعة جدا
📌نظام الطفل لازم يبقى متوازن مش ممنوع فيه اى عناصر غذائية ولكن بنحدد الكميات على حسب وزنه ومرحلته العمرية وده دور اخصائى التغذية
📌 شرب الماية مهم جدا
📌 ساعدى طفلك بانك توفرى له بيئة غذائية صحية مش دايما بالبيت شيكولاتة وحلويات وبيتزا ومكرونات ويبقى مطلوب منه إنه يشوف كل ده ويتحرم منه
📌اوعى تحسسى طفلك انه مش مقبول او تحبيه حب مشروط 😑
نظرتك وتعبير وشك على جسمه بيحسها جدا وممكن تسبب له آثر نفسي يعانى منه طول حياته
واوعى ابدا تقارنيه مع أى حد
اوعى تقارنيه حتى فى دماغك لانه بينعكس على تعاملك مع طفلك وانت مش حاسة😔


الفاتحة لروح المرحومة
الكوتش د.شوق علوش
23-3-2024