Somali Medical Association

Ururka Dhakhaatiirta Soomaaliyeed (SMA), Wasaaradda Caafimaadka, Agaasinka Caafimaadka Gobolka Banaadir iyo Isbitaallada Gaarka loo Leeyahay ayaa maanta si wadajir ah u qabtay kulan wacyigelin iyo is-weydaarsi aqooneed oo ku saabsan fayraska Ebola (Ebola Virus Disease).
Kulankan oo muhiimad weyn u leh badqabka bulshada iyo diyaar-garowga xarumaha caafimaadka, waxaa lagu falanqeeyay aqoonta ku saabsan fayraska Ebola, hababka looga hortago faafitaankiisa, aqoonsiga calaamadaha looga shakiyi karo iyo tallaabooyinka habboon ee ay tahay in la qaado marka la tuhmo kiis.
Kulanku wuxuu sidoo kale xoojiyay muhiimadda ay leedahay wada-shaqeynta bahda caafimaadka, feejignaanta shaqaalaha caafimaadka iyo in la helo xog sax ah oo ku saleysan aqoon iyo taxaddar.

𝐀𝐰𝐚𝐫𝐞𝐧𝐞𝐬𝐬 :

𝐎𝐆𝐄𝐘𝐒𝐈𝐈𝐒 𝐌𝐔𝐇𝐈𝐈𝐌 𝐀𝐇 – 𝐊𝐔𝐋𝐀𝐍𝐊𝐀 𝐖𝐀𝐂𝐘𝐈𝐆𝐄𝐋𝐈𝐍𝐓𝐀 𝐂𝐔𝐃𝐔𝐑𝐊𝐀 𝐄𝐁𝐎𝐋𝐀.

Ururka Dhakhaatiirta Soomaaliyeed (SMA) iyo wasaradda caafimaad Ka soomaaliya iyo Agaasin ka Caafimaad Ka Gobolka Banadir iyo Isbitaalada gaar loo leyahay waxay si sharaf leh ugu casuumayaan dhammaan bahda caafimaadka Soomaaliyeed inay ka soo qaybgalaan kulan wacyigelin iyo kor u qaadist aqoonta ku saabsan cudurka halista ah ee Ebola Virus.

Dhamaan Dhakhaatiirta iyo xirfadlayaasha caafimaadka, Ardayda jaamacadaha iyo kulliyadaha caafimaadka, Maamulka iyo shaqaalaha isbitaallada dowladda iyo kuwa gaarka loo leeyahay, (Private Hospitals), xarumaha caafimaadka iyo Ururrada caafimaadka iyo dhammaan daneeyayaasha caafimaadka bulshada.

𝐓𝐚𝐚𝐫𝐢𝐢𝐤𝐡: Arbaco, 14 Oktoobar 2026
𝐖𝐚𝐪𝐭𝐢𝐠𝐚: 3:00 galabnimo
𝐆𝐨𝐨𝐛𝐭𝐚 : Nova Hall

Ururka Dhakhaatiirta Soomaaliyeed (Somali Medical Association) wuxuu ku faraxsan yahay ka qaybgalka Dr. Farah Yusuf Farah, Pathologist, iyo Dr. Mohamed Abdullahi Ali, Medical Oncologist, ee Africa Best of St. Gallen Conference 2026, oo lagu qabtay Qaahira, Masar.

Labada dhakhtar waxay shirka ka soo jeediyeen bandhigyo cilmiyeed (presentations), waxayna ka qayb qaateen guddoominta kulamada (chairing), doodaha khubarada (panel discussions), iyo African Breast Cancer Consensus Forum, oo diiradda lagu saaray sidii talooyinka caalamiga ah ee kansarka naasaha loogu waafajin lahaa xaaladaha Afrika.