FIMO

: Kulanka Wasaaradda Warfaafinta iyo Hoggaanka Ururrada Saxaafadda Somaliland oo ka dhacay Xafiiska Wasiirka.

Kulankan ayaa saaka dhexmaray hoggaanka sare ee Ururrada Saxaafadda Somaliland iyo Wasaaradda Warfaafinta, Dhaqanka iyo Wacyigelinta, Kulanka ayaa lagaga wada hadlay arrimo muhiim ah oo ay ka mid ahaayeen dardargelinta ansixinta Xeerka Saxaafadda Somaliland ee horyaalla Golaha Wakiillada Jamhuuriyadda Somaliland, ilaalinta anshaxa saxaafadda iyo ka hortagga waxyaabaha liddiga ku ah Diinta Islaamka iyo dhaqanka suubban ee bulshada Somaliland. Sidoo kale, waxaa si qoto dheer looga harlay arrimaha la xidhiidha xadhigga soo noq-noqda ee suxufiyiinta iyo sidii xal waara looga gaadhi lahaa.

Intii uu kulanku socday, waxaa la isla qiray doorka wax-ku-oolka ah ee ay warbaahinta madaxa-bannaan ka qaadatay halganka aqoonsi-raadinta Jamhuuriyadda Somaliland, midaynta bulshada, iyo adkaynta qaranimada dalka. Ugu dambayntii, waxaa lagu heshiiyey in kulamadan ay noqdaan kuwo joogto ah, si, si wadajir ah xal waara looga gaadho arrimaha mudnaanta u leh horumarinta saxaafadda iyo danaha qaranka.

Dhanka ururada waxaa goob-joog ahaa: guddoomiyaha ururka suxufiyiinta Somaliland ee SOLJA, guddoomiyayaasha ururada suxufiyiinta haweenka ee WIJA iyo FIMO. Sidoo kale, dhinaca Wasaaradda waxaa kulanka ka soo qayb-galay: Wasiir-ku-xigeenka ahna ku-simaha wasiirka oo isagu kulanka isugu yeedhay, La-taliyaha Wasiirka ee arrimaha warbaahinta, agaasimaha iyo agaasime-ku-xigeenka waaxda Wada-xidhiidhka, agaasimayaasha Waaxyaha Telefishanka qaranka, Radio Hargeysa iyo Qorsheynta.

Kulanka ayaa ku soo dhammaaday is-afgarad, wada shaqayn iyo ballan-qaad ku saabsan xoojinta xidhiidhka u dhexeeya Wasaaradda Warfaafinta iyo Ururrada Saxaafadda Somaliland, iyada oo la isla oggolaaday in wada hadalladu sii socdaan, lagana soo qayb-geliyo daneeyayaasha kala duwan.

𝗫𝘂𝗸𝘂𝘂𝗺𝗮𝗱𝗱𝗮 𝗝𝗮𝗺𝗵𝘂𝘂𝗿𝗶𝘆𝗮𝗱𝗱𝗮 𝘀𝗼𝗺𝗮𝗹𝗶𝗹𝗮𝗻𝗱 𝗮𝘆𝗮𝗮 𝗸𝘂𝗹an 𝗺𝘂𝗵𝗶𝗶𝗺 𝗮𝗵 𝗹𝗮 𝘆𝗲𝗲𝗹𝗮𝘁𝗮𝘆 𝘀𝗮𝘅𝗮𝗮𝗳𝗮𝗱𝗱𝗮 𝗸𝗮𝗹𝗮 𝗱𝘂𝘄𝗮𝗻 𝗲𝗲 𝗾𝗮𝗿𝗮𝗻𝗸𝗮 𝗦𝗼𝗺𝗮𝗹𝗶𝗹𝗮𝗻𝗱.

Muhiimadda kulanka ayaa daaranayid Adkaynta nabada Gobalka Sanaag,