RAJO FORUM

Booliska Somaliland oo Qabtay Wiil TikTok-er ah oo Hub ku Sita Hargeysa

Hargeysa Ciidanka Booliska Somaliland ayaa magaalada Hargeysa ku qabtay wiil dhalinyaro ah oo lagu magacaabo Muscab Cadde, kaas oo lagu arkay isagoo baaskoolad sita, sida ay xaqiijiyeen saraakiil ka tirsan booliska.

Muscab Cadde, oo kasoo yimid magaalada Muqdisho, ayaa lagu xidhay kaddib markii muuqaal laga duubay lagu arkay isagoo hub watay, arrintaas oo dareen iyo walaac ku abuurtay bulshada caasimadda.

Booliska Somaliland ayaa sheegay in tallaabadani qayb ka tahay hawlgalka joogtada ah ee lagu xaqiijinayo nabadda iyo amniga, iyaga oo caddeeyay in sharciga la marsiin doono cid kasta oo lagu qabto hub sharci-darro ah.