Mandiaye Ngom

NDÉNKAANE SËRIÑ FÀLLU YI

:

💥Mbooleem murit yi nekk fii ak ya faa xaay
Ak soww ak penku Bawal ak bopp raay

💥Ahmadunal Faadilu may xalifaa
Moo leen di dénk dénk bii ngir foofa

💥Man Njàmbe maa koy wolofal ngir yaaram
Yombul ñi mel ni man nde maa dib xaadam

💥Na ngeen ragal Yàlla te topp ndigalam
Te wattu ag tereem muslu mbugalam

💥Na ngeen di laab tay fonk waxtuy juróom
Te bàyyi fen te bàyyi jëw seen i moroom

💥Murit bu nekk lumu yéene boppam
Lu metti metti na ko yéene mbokkam

💥Na ngeen saxoo tuub baluhantey àq
Te bàyyi gaa yu baax yi ngeen di yàq

💥Ku Yàlla jiital ku ko jiital jiitu
Ku ko gannawal des gannaaw far juutu

💥Sëriñ bi doomam yile nan leen jiital
Di leen siyaara bir yi bun ko juutal

💥Na ngeen jubóok sarihaatu ak hàqqiiha
Te bàyyi xiili-xaala fii tariiha

💥Na ngeen mudaaranteek woroomi doole
Diineeki dunyaa kon dangeen ko boole

💥Wa daarihim maa kunta fii daarihimoo
Wa ardihim maa kunta fii ardihimoo

💥Ku Yàlla jay ci àddunaam jayleen ko
Ku mu teral tayak ëllëg joxleen ko

💥Na ngeen jubóok sëriñ si Yàlla jiital
Di leen siyaara bir yi bun ko juutal

💥Siyaaraleen tay yóbbu ay hidaaya
Seen barke yokk ngeen amug wilaaya

💥Wa kulluman ahàbbanii aw saaraa
Judbil muraadi wakfihii aw saaraa

💥Sëriñ bi yoonam wile dootul yàqu
Waa ju ko bëgg yàq yaa cay yàqoo

💥Ku toppatul Yàlla na toppi waayam
Mbaa lu ko daal bum ko xul fulaayam

💥Yàlla nanu buur Yàlla musal musal leen
Te sàmm sunu cër yi bu wér jofal leen

💥Bijaahi Xaadimi Rasuuli laahi
Sàllaa wa sàllama bilaa tanaahi