Somalis in South Sudan

Sheeko Gaaban ♥️

Nin baa guursaday gabar aad iyo aad iyo aad u qurux badan, aad buuna u jeclaaday.

Keddib, gabadhii waxaa ku dhacay cudurrada maqaarka mid kamid ah oo qatar ah. Timeheedii ayaa inay gurmaan billaabay. Gabadhii quruxda badnayd waxa ay dareentay inay tartiib tartiib u sii fool xumaanayso.

Muddadaas, ninkii ayaa safar magaalo kale u aaday. Intii uu sii maqnaa gabadhii is beddel xoog leh oo saansaantiisa la sii arkayay baa ku dhacay.

Ninkii markii uu safarkii ka soo laabanayay, intii uu dhexda ku soo jiray, buu shil gaari galay, sababay in uu aragga beelay.

Ninkii waxa uu noqday indhoole, lammaanahiina waxay sii wateen noloshoodii, islaantii oo maalinba maalinta ka dambaysa quruxdeedii qaybi isa sii dhimayso. Hase yeeshee ninku waxa uu ka indho la’aa cilladda xaaskiisa haysata.

Ninku xaaskiisa si aan caadi ahayn buu u jeclaa, islaantuna sidoo kale, is ixtiraamkii iyo is qaddarintii h**e ayaana weli dhexdooda taallay.

Maalintii dambe, xaaskii ayaa dhimatay, ninkiina aad buu u murugooday, una muraara dillaacay. Islaantii markii qabuurihii la geeyay oo la aasay, dadkiina ay kala tegayeen, buu ninkii keligiis iska dhaqaaqay oo gurigiisii aaday.

Nin saaxiibkiis ahaa ayaa ka daba dhaqaaqay, una dhawaaqay: “War hebeloow, soow taad indho la’ayd! Soow tii ay muddooyinkii dambe oo dhan xaaskaagu ku hagi jirtay! Sidee ku dhacay in aad iminka keligaa socotid?”

Ninkii oo indhihiisa ilmo ka qubanaysaa waxa uu ku jawaabay: “Ma aanan indho la’ayne, markii aan ogaaday xaaskaygu inay cudurka qabto, quruxdeeduna sii baaba’ayso, ayaan iska dhigay in aan indho la’ahay, si aanay eegmadaydu dareenkeeda u dhaawicin”💔

Ninkii ninkaas ragannimo ku gaaraa, gacanta ha taago !!!

Sabriye Musse

Follow dheh pageka.