Learning Pleasure

مساء الخير ..😍

يسرنا أن نعلن عن بداية التسجيل لكورسات المخاطبة الإنجليزية لشهر مايو 2023 بدءاً من يوم السبت القادم الموافق 15 أبريل ..
وعلى الراغبين في الاشتراك الاسراع بحجز مقاعدهم ..

الكورسات 6 مستويات بتحتوي على :
- محاضرات تفاعلية ..
- تأسيس وعلاج مشكلات اللغة من بداياتها ..
- نوادي لغة إنجليزية ..
- نقاشات ومناظرات وتحديات متنوعة ..
- برامج تعليمية وترفيهية شيقة ..

وكل ده وأكتر في بيئة مجنونة ومليانة شغف وحماس ..🔥

يتم التسجيل بمباني المركز : الخرطوم - شارع أوماك ..
للاستفسار :
واتساب : 0999326524 ..
مكالمات : 0991195959 ..

مساء الخيييييير ..🔥
مع الأجواء الرمضانية المبهجة وحرارة الطقس الملتهبة حنلهب مشاعركم بنتيجة فرز المنح المقدمة من متعة التعلم والكان أعلننا عنها قبل فترة ..🔥🔥🔥

وعشان رمضان كريم وكل شيء فيهو كريم ضاعفنا المنحة الشاملة بدل من شخص واحد بقت شخصين اتنين ..
الفائزبن معانا بالمنحة الشاملة لكل المستويات هم :
1- ..
2- ..

والفائزين بمنحة شهر أبريل هم :
1- ..
2-

على الفائزين مراسلتنا فقط عبر بريد الصفحة لتكملة اجراءات التسجيل ..🌸

مبروك للفائزين وحظ أوفر لبقية المشاركين ونوعدكم بعروض أكبر وأقوى ..😍🔥

وما تنسوا .. لايك وشير ودعوة جميع أصدقاءكم لمتابعة صفحة مركزكم LEARNING PLEASURE ..❤️🔥

مرة مشيت زيارة لزول، وأثناء السلام قال لي : منور والله ..😍
قلت ليهو : الله ينورك ياخ ..!🤭🤣
وفي الأعياد لما يقولوا لي عيد مبارك عليك بقول ليهم طوالي : §$* #@&£& اتفضلوا اتفضلوا ..!
ده غير الخرمجة البتحصل في بيوت المناسبات والعزاءات المختلفة أثناء التهنئة والمواساة والسلام الوداع ..
بنخرمج وبنطنطن وبنلوك الكلام لأننا ما عارفين نقول شنو وقتها أو نرد بشنو ..!

نفس المشكلة بتحصل لما نتخت في موقف - مقابلة عمل، لقاء رسمي أو ودّي ... - بتطلب إنه مهاراتنا في التواصل تكون كويسة، لكننا بنفشل فشل ذريع بصل لحد إنه تتكون جوانا عقدة من التواصل بكل أنواعه .. ودايماً بنجبر الطرف المقابل يدينا نظرة (استغراب) زي الزول التحت ده بسبب العك القاعدين نعك فيهو ..

المشكلة الأولى البتواجهنا في التواصل هي (الفكرة) اللي بناءاً عليها بنقدر نحرك أول حبال الوصل بينا وبين البيئة المحيطة بينا .. فبكون صعب علي إني أقابل شخص أو جماعة وانا ما عندي فكرة أو هدف من مقابلتهم .. غالباً حكون ساكت أو بحاول أجاوب عن أسئلتهم ..
بتذكر أول كلاس تواصل أخدته كان مفروض اقدم عرضين صغيرين عن الحياة البرية .. العرض الأول كان ارتجالي وغير معد والثاني معد مسبقاً .. تقديم العرض الثاني كان جيد إلى حدٍ ما، لكن الأول كان عبارة عن (آاااا، أمممممم، الحياة البرية هي أاااااا امممممم) كان مهزلة أقسم بالله ..😂

من مشكلات التواصل كمان (الخوف) .. الخوف بتعريفه البسيط (الجهل بالشيء) هو الملازم لينا في كل تصرفاتنا .. وعلاجه بسيط جداً (المعرفة) ..
لما تكون ملم بكل تفاصيل الشيء الإنت مقبل عليه تلقائياً الخوف بقل أو بنعدم .. وده سبب كافي جداً لإنك تتخلص من كل التوتر الملازم لعملية التواصل .. وحتتعامل بأريحية أكتر وما حتقول للزول القال ليك قبيل منور والله : (الله ينورك) ..!

شاركونا في التعليقات ردود مضحكة حصلت منكم أو ليكم أثناء تواصلكم مع الناس الحولكم ..😍