SYBER

مواصلة في يومياتنا
الليلة يوم الدافوري 🔥
دافوري المكتب ما دافوري الحِلة
دا يوم كدا كُل الناس بتنتظرو بفاغ الصبُر
كبير على صغير
عندنا سايبر ديلفري، دا فيهو ناس ميسي وكريستيانو والناس اللعيبة
دايمًا كسبانين
وناس سايبر بيه دايمًا مُغنين ظلمووووني

اللزيز في الموضوع، أي إنفلونسر بيشتغل معانا ولا ينزل لينا إعلان وبتاع، طوااااالي يا مان معانا في تمرين التلات قدام
تربيط، تشبيك بي كلو

كُنا بنمشي ملعب في شارع النيل
يا زووووول
عِزة جد، لعب جد
بندُق ليك ناس سايبر بيه ديل دق نضيف، ونُص الإنفلونسر معانا، الدنيا ربيع جد جد بتكون، لكن العطش ألف
بنتلفت يمين شمال نلقاها نااااشفة
طوالي على ست الشاي القُصادنا - اللّٰه يطراها بالخير -
ثابت كل تلات مويتها خلصانة بينا
ما بين مُقابضة الموية ومكاواة المغلوب الناس بتتفكفك
بنفضل ستة سبعة كدا، بنرجع للمكتب تاني
ياخي كان عِززززززززززة
بيتنا عديل
بنقعد فيه لي الساعة 12 ولا كأنك قاعد في صالون بيتكم
أها بعد نرجع، بنكون مُهوّييين
بنجيب بوش من فتة مان
ونضرب في طربيزة الإجتماعات
" ما عارفين وما خايفين
ال HR ومافي 🤣"
أها الأونرز بتاعننا بيجوا داخلين ويلقوا الدنيا رايقة وماف حماس
يقولو ليك بااااااااس
وأيا واحد فيهم يختار تيم
ونبدأ لعب
وطبعًا الحته دي صعبة شديد
فيها تهديد بالمُرتبات يا زول
َكل واحد فيهم بيقول البخسر هو وتيمو محرومين من المُرتب
بنجُر واطي كُلنا، وبتصُب فينا مطرة
اللعب بالكاش بوقف القلب والله 🤣

فَـ يوم الدافوري دا كان يوم عزيز علينا، وبعدين مُجمَّعنا تجميعة زاااابطة
بتلقى في التمرين حاجة من كُل شي
أعمامك المُعتزلين، تلقىٰ
موظفين جاهم غضروف من قعدة المكتب، تلقىٰ
إنفلونسرز كورتهم حببببية، تلقىٰ
وبرا التمرين
تحويلات، تلقىٰ
تسديد رسوم، تلقىٰ
دفع فواتير، تلقىٰ
أكتر من كدا تاني عايز شنو🫣!

أها دا كان يومنا في التمرين، ورينا تمرينكُم كيف؟