CodeHub Tech
Share
وفي ساعه الجُمعه 💙
أسألكَ يا الله لُطف القدّر، وحلاوة الأيام، وسعادة الروح وراحة القلب!
جمعة_مباركة 💗💗
سلام عليكم ومساء الخير عليكم شباب
معليش علي الغيبة الطويلة دي ✋🏼😅
الليلة حانتكلم عن موضوع ظااااابط جدا
ومفروض كل الناس تعرف عنو وحا أسلكم منو في البوست الجاي 😹😹
حنتكلم عن
Operating systems Mobile
(بالعربي :نظام تشغيل الهواتف المحمولة) وأختصار ليهو بي ( OS ) الهو شنو ؟؟؟
الOS
هو نظام التشغيل للهواتف و أجهزة المساعدة الرقمية الشخصية ،و غيرها من الأجهزة النقالة .
وطبعا هنا في السودان أكتر نظام منتشر والمعروف هو الاندرويد ( Android) وبعديو طوالي ال IOs (طبعا دا حق الطبقة البرجوازية)😹😹😹😹 تاقوهم لينا بالله
نخلي حركات القروبات دي أحسن ونرجع لي موضوعنا
يلا انتو عارفين اول نظام تشغيل كان شنو ؟؟
يلا اول نظام تشغيل للهاتف كان عام 2000 والهو سيمبيان ( Symbian) على هاتف اريكسون R380 .
والسيمبيان دا عرفتو ؟؟ دا النظام بتاع تشغيل النوكيا
اي يااهو زاتو بتاع N70 والN71 والسلسة بتاعت النوكيا والنظام دا للأسف اتوقف
وفي انظم تشغيل اخري ما مشهور مثل ( اوكب ،كلوراواس،مود سيانوجين، او اس يميوي، فليم اواس ميمو، منصة ال جي يواكس،ZenUI، ويندوز فون 10 ،بلاك بيري 10 فاير فوكس او ، تايزن)
والاندرويد
اول نسخة ليو طلعت عام 2009 مع هاتف سامسونج S8500 واخر ليو تحديت اندرويد 9
وهي الاكثر مبيعآ بي 65.9% في عام 2015
وال IOS
اول نظام ليها طلع عام 2007 واخر تحديث ليو IoS 12
وهي ثاني أكثر نظم التشغيل إنتشارآ
كفاية لحدي هنا
يلا ليك وشير ❤☺ عشان تدعمونا وتشجعونا
16/10/2018
شباب مساء الخير
حا يكون كل فترة ح نتكلم عن مواضيع الكترونية مختلفة للمعرفة
وحنبدأ طوالي بالكاش البقلل النقاش زي ما بقولو 😂😂
حنتكلم عن العملات الالكترونية
والهي (بيتكوين)
(بالإنجليزية: Bitcoin) هي عملة معماة ونظام دفع عالمي ويمكن نقارنها بالعملات الأخرى مثل الدولار أو اليورو او الاسترليني ، لكن مع عدة فوارق أساسية، من أبرزها أن هذه العملة هي عملة إلكترونية بشكل كامل تتداول عبر الإنترنت فقط من دون وجود فيزيائي لها يعني لا وجود لها في الطبيعية
يعني م تبقي كيشة ويلم فيك تاجر عملة شفت يقول ليك تعال نبدل ليك دولارك او ريالك دا بي بيتكوين ملموس 😂😂😂😂😂
وتتم المعاملات بشبكة الند للند بين المستخدمين مباشرة دون وسيط من خلال استخدام التشفير.
وشبكة الند للند دي هو مصطلح تقني يعني التعامل المباشر بين مستخدم وآخر دون وجود وسيط (كالتورنت).
والتشفير دا كلامو براو وعاوز ليو بووست بي حد زاتو وح نطرق ليو بإذن الله
والاخترع البيتكوين دا شخص غير معروف أو مجموعة من الناس عرفو انفسهم ب( ساتوشي ناكاموتو ) من خلال ورقة علمية في العام 2008وأُصدِر كبرنامج مفتوح المصدر في عام 2009
ومن ميزات البيتكوين
عملة لامركزية
عملة سرية
سلسة الكتل
ولسه الكلام عنها كتيرر
وحانواصل ان شاء
لو عجبك الموضوع لايك وشير ولو ما عجبك برضو ليك وشير😊🖐
عشان تدعمونا وتشجعونا 💓
Click here to claim your Sponsored Listing.
Category
Telephone
Website
Address
السوق العربي
Khartoum
