Fas Media Production
Share
11/11/2023
سؤال 🙌
انتا ك زول مستمع او فنان بتعرف يعني شنو اغنية؟؟
اكيد بعد قريت السؤال قلتا في بالك ده سؤال بسيط جدا ياه 😎 في زول ما بعرف الاغنية!
طيب سؤال تاني.. الاغنية بتتكون من شنو؟
اكيد اتخيلتا صوت موسيقى و فنان و شوية تأثيرات صوتية بس كيف حتقدر تجاوب ؟؟ 🤔
اولا ما هو الغناء؟؟
الغناء بكل بساطة هو نوع من أنواع العزف على الاوتار الصوتية الربنا رزقنا ليها..
تجاويف الفم و الأنف و الوجنتين بتشتغل نفس شغل الصندوق الرنان في القيتار و العود و غيرو..
و ده بعني انو اي واحد فينا يمتلك آلة موسيقية مميزة و مختلفة في حنجرتو🎷و بمجرد م تبدا تحرك الهواء داخل الالة دي بتطلع اصوات غنائية و العملية دي اسمها غناء
طيب يعني شنو اغنية؟ 🤔
الاغنية عبارة عن مزيج بجمع بين الصوت البشري و مجموعة اصوات موسيقية تانية بتكون متناغمة و موزونة مع بعضها البعض ، يعني صوت الإنسان + اي صوت موسيقي و موزون بعمل معاك اغنية طوالي ي معلم 🗣️
طيب عرفنا يعني شنو اغنية.. اها الاغنية بتتكون من شنو ؟
اولا لازم نفرق بين مكونات الموسيقى و مكونات الاغنية! 😳
الموسيقى بتتكون من :
- إيقاع
- لحن او ميلودي
- هارموني او إنسجام
- طابع صوتي
و ده موضوع براهو..م علينا - اها
اما الاغنية بتتكون من :
- مدخل ( Into )
و دي بداية الاغنية و غالبا بتكون عبارة عن موسيقى بدون اي كلمات لمدة ثواني محدودة
- فيرس ( verse )
و دي بتعني ب العربي ﻣﻘﻄﻊ ﺷﻌﺮﻱ.. ﻭ ﻳﻌﺘﺒﺮ ﺍﻟـ verse ﻫﻮ الجزﺀ البتتكون ﻣﻨﻪ ﺍﻻﻏﻨﻴﺔ ﻛﻜﻞ ﻭ ﺗﺘﻜﻮﻥ ﺍﻻﻏﻨﻴﺔ ﻋﺎﺩﺓ ﻣﻦ ﻋﺪﺓ ﻓﻴﺮﺳﺎﺕ ﺣﺴﺐ ﻃﻮﻟﻬﺎ ﻭ ﺗﻮﺯﻳﻌﻬﺎ ﻭ ﻧﻮﻋﻬﺎ ﻭ بفصل بين الفيرس و التاني كورس
- كورس ( Chorus )
الكورس هو اكتر جزء واضح و يبقى في أذهان المستمعين..يتم تكراره ب إستمرار لأنها قلب الاغنية
و ب كده بنكون عرفنا يعني شنو
( غناء - و اغنية - و مكونات الاغنية )
مع انو دي مواضيع بسيطة و بديهية بس اغلبنا ما بيعرفها.. لو المنشور اضاف ليك و استفدتا حاجة
شارك المنشور عشان غيرك يستفيد 😊✨ 🧡
25/05/2022
و أخيرا إنتهت الجولة الأخيرة من تحدي فاس 😎🎤
و منتظرين الحكام يعلنو النتيجة ...
تتوقعو الفائز حيكون منو 😀 ؟؟
20/05/2022
تفاصيل نتيجة الجولة الثانية !!
Click here to claim your Sponsored Listing.
Category
Website
Address
El Fasher
