MacbookShop

أنا بستغرب زول شغال بتلفون هونر أو هواوي أو سامسونج

ولسة بيستخدم الشير في نقل الداتا أو لسة أصلا مثبت تطبيق الشير وخاتيهو في الهاتف ..تطبيق بقى كلو إعلانات ..

بل وبقى كلو برمجيات خبيثة ومضروبة..أي زول بشكي من سخونة الهاتف ولا تهنيج وتعليق ولا تقول لي تلفون بنزل تطبيقات براهو ..وفجأة بلقى تطبيق..نازل وأنا ما نزلتو بقول ليك ده كلو من تطبيق الشير ..

التطبيقين ديل .smart switch لسامسونج و device clone لهونر أو هواوي ..

ديل مخصصين لنقل الملفات ..والداتا من سامسونج لسامسونج أو هونر لهونر أو هواوي ..

أفضل ميزاتهم إنو بينقلوا ليك أي حاجة زي ما بقولو بضبانتها

يعني حتى رسائلك النصية ومكالماتك زي ما هي حتتنقل ..حتى إعداداتك المفعلها في الجهاز القديم حتنزل زي ما هي ما حتحتاج تفعل أي حاجة لدرجة الخلفية العاملها في الشاشة حتنزل زي ما هي

وأهم حاجة تانية إنو بثبت ليك التطبيقات المنقولة تلقائيا

وينظمها ليك تلقائيا ..يعني ما حتقعد تثبت كلو تطبيق براهو ..

والتطبيقين موجودين أصلا في الأجهزة ..خاصة تطبيق هونر بكون أصلا قاعد في التلفون ..تطبيق سامسونج ممكن تثبتو أو تحدثو...