Mogtaba Photography

نسباً للمواقف الحصلت لي في الفترة الفاتت والمرمطة من العرسان اسلوب التعامل ح يبقا كدة عشان اضمن حقي واضمن حقكم ❤️
لانو نحنا ياخوانا والله متلومين مع ناس تانية بي سببكم وبسبب جرجرتكم لوكيشنات التصوير والناس الشغالين معانا . وغير انو بدفع مني عشان اصل ليكم .
والله لو جيتني من الاول وحكيت لي ظروفك ماعندي مشكلة أشتغل ليك. بس لاكين نتفق وبعد الاتفاق ماترسل وتدخلني في مية لوم . الحقيقة سكتنا وبنمشي حاجات كتيرة بس مانفع
وشكرا ☺️

صباح الخير للايادي الخاليه من الدبل وبس 🙂💔

اظهرو في المنشور دة وشاركو ياعذابة ❤️

المنصه بتشيل اكتر من فنان والرزق عشان يجيك ما لازم يتشال من غيرك ونجاح زميلك ما بخصم منك
افرحوا لي غيركم عشان لمن يجي دوركم تلقوا اليصفق ليكم♥️✅

لحظة عَقد القِران ❤️
من أجمل اللحظات في تفاصيل الزواج السوداني هي لحظة العقِد ضيوف داخلين ناس بتسلم وتسأل عقدو ولا لسا جوطة الاكل والصواني جاهزه ولا لا وجهزوا الصواني لي الرجال اول لأنهم بيطلعوا طوالي .
وترتيب البلح وحلويات وكعك العقِد توتر العروس وتشغيلات صحباتها الدموع الفي عيون امها دعوات الحبوبات انو ربنا يتم علي خير .
جية المأذون والرهبه البتجي وقتها العبره البتجي لابو العروس وهو خلاص عارف انو بتو حتمشي لبيت تاني بارك الله لهما وبارك عليهما وجمع بينهما بالخير صوت الرصاص البدل علي انو خلاص تما العقد الزغاريد وابشر يا عريس وبكا اهل العروس كلهم بلا استثناء الفرحه البتجي لكل الحاضرين في وقتها الدعوات الصادقه البتطلع في الوقت داك ومقالدة الاهل والاصحاب كلها تفاصيل مليانه حب بلا شك واجمل حاجه في العرس كلو وزي ما بقولو أهلنا الكبار العرس عقِد ❤️.

لقطات من عقد العرسان محمد و بكري (الدبة الغابة)


#تصويري #متابعة #لايك

نتفق أنو مافي أحلي من لمة الاهل والجيران والاصحاب يوم الضبيحة في المناسبة 💪❤️

مناسبة العرسان محمد و بكري (الدبة الغابة)


#تصويري #متابعة #لايك