Help News

ہنر کا احترام، غم کا ادراک — پشتون روایت کی خوشبو

ہنر تو بس ایک ذریعۂ معاش ہے، چاہے وہ جائز ہو یا ناجائز، یہ بحث الگ۔ مگر انسانیت، اخلاق اور غیرت کا اصل امتحان وہیں ہوتا ہے جہاں ہنر سے پہلے دل بولتا ہے۔
تصویر کا منظر: سڑک کنارے ایک ڈھول والا۔سے گاڑی میں بیٹھے شخص نے بے تکلفی سے کہا: "دس روپے کا ڈھول بجا دو"۔
جواب میں صدیوں کی تہذیب بول اٹھی۔ ڈھول والے نے سر جھکا کر صرف اتنا کہا:
پرون دے کلی کے مڑے شوي دي
یعنی "کل اس گاؤں میں کسی کا جنازہ اٹھا ہے"۔

اس نے دس روپے کو نہیں، پورے گاؤں کے ماتم کو تولا۔ اس نے اپنی روزی کو نہیں، دوسروں کے آنسوؤں کو مقدم رکھا۔ ڈھول کی تھاپ روک کر اس نے انسانیت کا ساز چھیڑ دیا۔

*یہی پشتون ولی ہے* — جہاں خوشی اور غم سانجھے ہوتے ہیں۔ جہاں ایک گھر کا سوگ پورے کلے کا سوگ بن جاتا ہے۔ یہ وہ غیرت ہے جو ہنر کو پیٹ سے نہیں، ضمیر سے جوڑتی ہے۔
یہ جملہ محض انکار نہیں تھا۔ یہ ایک اعلان تھا کہ:
روایات کتابوں میں نہیں، کردار میں زندہ رہتی ہیں
ہمدردی وہ دولت ہے جو خالی جیب والے بھی بانٹ سکتے ہیں ڈھول والے نے دس روپے ہار کر جو کمایا، وہ صدیوں کی عزت ہے۔ اس نے ثابت کیا کہ غیرت کا تعلق ذات پات سے نہیں، ظرف سے ہے۔ اور اخلاق کا رشتہ پیشے سے نہیں، پہچان سے ہے — انسان ہونے کی پہچان سے

اگر عید قربانی کے دن پر بھی اپ کا پڑوسی بھوکا ہو یا دال سبزی پکا رہاہو تو اس غلط فہمی میں مت رہنا کہ اپ کی یہ قربانی اپ کو پل صراط پار کرا دے گی😰